Dagblaðið Vísir - DV - 06.09.2019, Qupperneq 8

8 UMRÆÐA
Sandkorn
6. september
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds. Öll viðtöl blaðsins eru
hljóðrituð. Notkun á efni blaðsins er óheimil án samþykkis.
Aðalnúmer: 512 7000
Auglýsingar: 512 7050
Ritstjórn: 512 7010
Útgáfufélag: Frjáls fjölmiðlun ehf. Stjórnarformaður: Sigurður G. Guðjónsson
Framkvæmdastjóri: Karl Garðarsson Ritstjóri: Lilja Katrín Gunnarsdóttir
Prentun: Landsprent Dreifing: Árvakur
Suðurlandsbraut 14
2. hæð
108 Reykjavík
FRÉTTASKOT
512 7070
ABENDING@DV.IS
Spurning vikunnar Hvað fannst þér um komu Mikes Pence til landsins?
„Stórmerkilegt.“
Pétur Már Sigurðsson
„Mér er í rauninni alveg sama, en það er fáránlegt að öllu
hafi verið lokað.“
Guðlaugur Darri Pétursson
„Að mínu mati eru viðhorf Mikes Pence, sem speglast
í umsögnum hans í gegnum tíðina, gamaldags. Við Ís-
lendingar erum hins vegar mjög flott og framúrskarandi
í réttindabaráttu fólks og það sýnir sig best í þessum
gjörningi. Mér fannst þetta mjög flott hjá Advania. Hrós
til Advania!
Rósa Birna Þorvaldsdóttir
„Bara glatað, hefðum ekkert átt að fá hann í heimsókn.
En regnbogafánarnir voru frábærir.“
Erla Hlynsdóttir
Þá og nú
H
ingað á DV fyrr í vikunni
bárust fagnaðartíðindi úr
vefmælingum Gallup. Í
þeim kom í ljós að rúmlega
130 þúsund notendur skoða dv.is á
degi hverjum að meðaltali. Vorum
við aðeins tvö hundruð einstak-
lingum frá því að slá nýtt met. Þó
sárt sé að hugsa til þess hve nálægt
við vorum þá er samt ótrúlegt að
hugsa til árangursins sem náðst
hefur.
Notendum DV hefur fjölgað um
helming ef við lítum tæp tvö ár aft-
ur í tímann og það er margt sem
spilar inn í þá velgengni. Lykillinn
að velgengninni er auðvitað fólk-
ið á gólfinu sem hamrar á lykla-
borðið allan liðlangan daginn,
tekst á við erfið mál, skemmtileg
mál og furðufréttir og lætur aldrei
deigan síga.
Það hefur vakið mig til umhugs-
unar um hvernig fjölmiðlaheimur-
inn hefur breyst þau sextán ár sem
ég hef starfað í honum. Þótt ég sé
lítið fyrir það að dvelja í fortíð-
inni og bera saman mismunandi
tímabil í mínu lífi þá geri ég það
óhjákvæmilega þegar ég fer yfir
feril minn í fjölmiðlum og hvernig
landslagið hefur breyst.
Í dag virðast kröfur almenn-
ings til fjölmiðla breytast frá degi
til dags. Við megum ekki vera of
lin við suma en samt ekki ganga of
hart fram. Við verðum að segja ít-
arlega frá einu svínaríinu en segja
sem minnst um annað. Við eigum
að grafa, en ekki of djúpt. Við eig-
um að vera pínulítið flippuð – en
ekki of mikið. Við eigum að nafn-
greina suma og aðra ekki. Ólíkt því
sem gerist og gengur á fjölmiðl-
um þá virðist almenningur ekki
vera búinn að fastmóta einhverjar
ákveðnar siða- eða verkreglur sem
þeir vilja að fjölmiðlar fari eftir,
einhverja línu sem eigi að dansa
á. Þessi lína sveiflast eins og lauf
í vindinum. Fjölmiðlar eru nefni-
lega ekki upplýsingamiðstöð. Þeir
segja fréttir sem eiga erindi við
almenning. Þessar fréttir eru oft
ekki fallegar eða þægilegar en þær
verður að segja.
Þetta er almenningur. Opin-
berar stofnanir og aðilar eru síðan
allt annar handleggur. Sú breyting
sem ég hef skynjað og upplifað á
samskiptum þessara aðila og fjöl-
miðla núna og fyrir sextán árum er
enn meiri. Og grafalvarleg. Í raun
mikið umhugsunarefni. Það ger-
ist sí og æ að fjölmiðlum er neit-
að um upplýsingar, það dregið að
veita þær svo lengi að þær nánast
gleymast og grafið undan trausti
almennings til fjölmiðla með alls
kyns þöggunartilburðum. Svo
er stundum tekið upp persónu-
verndarspjaldið og vonað að
gruggug mál sökkvi ofan í síkið.
Hraðinn, álagið og stuðið hefur
samt ekkert breyst. Forvitni er það
sem drífur fólk áfram og tilfinn-
ingin þegar góð frétt, frábært viðtal
eða magnaðar fréttaskýringar fæð-
ast er ólýsanleg. Það er það sem
heldur fólki í þessu fagi og smitar
það af þessari alræmdu bakteríu.
Æ oftar sé ég því fleygt fram
á samfélagsmiðlum í umræðu
um fjölmiðlafólk að það sé harð-
brjósta og geri í því vísvitandi að
koma illa við fólk. Það virðist vera
það útbreitt álit að það veldur mér
nokkrum áhyggjum. Ég er stolt
af því að vinna í fjölmiðlum og
ég hef gaman af vinnunni minni
enn þann dag í dag, eftir sextán ár
í starfi. Það er enn jafn gaman að
landa fréttum og viðtölum og það
er enn jafn stórkostlegt að bæta
heimsóknarmet dag eftir dag. Þó
að allt annað í kringum mig breyt-
ist þá hef ég allavega alltaf það.
Takk lesendur DV fyrir að halda
okkur við efnið og láta í ykkur
heyra. n
Misskilið armband
Það var fátt fyrirferðarmeira í
fréttum í vikunni en Íslands-
heimsókn Mikes Pence, vara-
forseta Bandaríkjanna. Meðal
þess sem Pence gerði þess-
ar nokkru klukkustundir á
landinu var að funda með for-
seta vorum, Guðna Th. Jóhannes­
syni. Glöggir einstaklingar
tóku eftir litríku armbandi
sem Guðni bar á fundinum.
Stukku margir á vagninn og
töldu þetta regnbogaarmband,
skýra stuðningsyfirlýsingu
við hinsegin fólk sökum þess
að varaforsetinn hafi lýst yfir
andúð sinni í garð LGBTQI+
samfélagsins. Meðal þeirra sem
hrósaði Guðna fyrir samstöð-
una var stjórnmálafræðingur-
inn Baldur Þórhallsson. Hins
vegar var armbandið alls ekk-
ert regnbogaarmband, held-
ur armband til styrktar Krafti,
stuðningsfélagi fyrir ungt fólk
sem greinst hefur með krabba-
mein, en faðir Guðna lést úr
þeim skæða sjúkdómi þegar að
Guðni var táningur.
Skilaboð í litum
Annað sem vakti athygli við
heimsókn Mikes Pence var fata-
val forsetafrúarinn-
ar Elizu Reid, annars
vegar, og forsætis-
ráðherrans Katrínar
Jakobsdóttur, hins
vegar. Í Stundinni
var því velt upp
að Eliza hafi sent
Mike Pence þögul
skilaboð með því
að klæðast hvítri
buxnadragt, til
heiðurs baráttukonum fyrir
jafnrétti og senda skýr skilaboð
til varaforseta Bandaríkjanna:
að leggja þyrfti áherslu á jafn-
réttismál. Katrín klæddist hins
vegar fagurbláum kjól á fundi
sínum með Pence, en sá litur
táknar trygglyndi og er talinn
vera sá besti til að ná sínu fram
á erfiðum fundum. Blár hefur
róandi áhrif á fólk og lætur fólki
í kringum þann sem klæðist
litnum líða vel.
Leiðari
Lilja Katrín Gunnarsdóttir
lilja@dv.is
M
Y
N
D
: E
Y
Þ
Ó
R
Á
R
N
A
S
O
N
Hamra skal járnið meðan það er heitt
Erik Hamrén stappar stálinu í strákana okkar sem taka
á móti moldóvska landsliðinu á laugardaginn.