Fréttablaðið - 13.05.2016, Blaðsíða 36

„Okkur hefur alla tíð haldist mjög
vel á starfsfólki og eru dæmi um að
hér hafi starfað margar kynslóðir
innan sömu fjölskyldunnar,“ segir
Erla Ósk Pétursdóttir sem sjálf
tilheyrir þriðja ættlið. „Afi minn,
Páll Hreinn Pálsson sem lést í
fyrra, stofnaði fyrirtækið í félagi
við tvo aðra en keypti þá síðan út.
Faðir minn, Pétur Hafsteinn Páls-
son, tók svo við ásamt systkinum
sínum.“
Fyrirtækið var stofnað í Grinda-
vík árið 1965 en á þó rætur að
rekja til útgerðar sem foreldrar
Páls heitins stofnuðu á Þingeyri
1930. „Á upphafsárunum í Grinda-
vík var hér einn bátur og eitt hús
og eru aðalskrifstofurnar enn í
sama húsi,“ segir Erla. Hún segir
afa sinn ekki hafa verið að flækja
hlutina. „Hann sagði alltaf: Við
byrjuðum á því að veiða og verka
fisk og höfum verið að gera það
síðan.“
Í dag gerir Vísir út fimm línu-
báta og rekur saltfiskvinnslu og
frystihús í landi. Þar starfa nú um
300 manns, tæp 200 í landi og 100
á sjó, og er fyrirtækið með stærri
vinnuveitendum bæjarins.
Nýlega var gerð könnun meðal
starfsfólks sem leiddi í ljós að það
er almennt mjög ánægt í starfi. En
hver er lykillinn að því? „Það á sér
eflaust ýmsar skýringar en það er
í það minnsta nokkuð ljóst að okkur
þykir vænt um starfsfólkið og
vonum og trúum að því þyki vænt
um vinnustaðinn,“ segir Erla. „Þá
höfum við alltaf aðhyllst svokall-
aðan einnar kaffistofu kúltúr þar
sem starfsfólk löndunar, vinnslu
og skrifstofu getur komið saman
og skrafað yfir kaffi. Eins hrist-
um við hópinn reglulega saman
svo dæmi séu nefnd. Nýlega tókum
við svo þátt í verkefninu Fræðslu-
stjóri að láni. Í tengslum við það
voru tekin einstaklingsviðtöl við
starfsfólk sem leiddu meðal annars
í ljós að möguleikar til starfsþróun-
ar skipta það máli og var fræðslu-
áætlun unnin upp úr hópavinnu í
hverri deild,“ upplýsir Erla. Hún
segir auk þess æ fleiri vera að
bæta við sig menntun í Fisktækni-
skólanum sem sé að sjálfsögðu
tekið fagnandi. Þá sé fyrirtækið í
óformlegu samstarfi við háskólana
og er þar oft tekið sem dæmi um
fyrirtæki sem fyrirmynd í breyt-
ingastjórnun.
Erla segir það líka eflaust spila
inn í að fólk kunni að meta að geta
starfað á öruggum vinnustað í
sínum heimabæ. „Svo er þetta líka
upp til hópa hörkuduglegt fólk sem
er til í að leggja mikið á sig á álags-
tímum. Við höfum auk þess alltaf
tekið vel á móti skólafólki á sumrin
eins og hin sjávarútvegsfyrirtæk-
in í bænum og hafa margir feng-
ið sína fyrstu starfsreynslu hjá
okkur. Sumir ílengjast og aðrir
koma aftur síðar.“
Erla segir Vísi líka hafa lagt
áherslu á að vera í góðu samstarfi
við önnur fyrirtæki í bænum sem
er samfélaginu öllu til góða. „Við
höfum til dæmis unnið náið með
Vélsmiðju Grindavíkur í gegn-
um árin og átt í góðu samstarfi
við sjávarútvegsfyrirtækið Þor-
björn um aukaafurðir og rekum
meðal annars fyrirtækið Haustak
á Reykjanesi saman. Við erum
reyndar í samkeppni á saltfisk-
markaðnum en hér er allt unnið í
mesta bróðerni.“
Hún segir það sömuleiðis skipta
miklu máli að hugsa til framtíðar
til þess að vera í fremstu röð í veið-
um, vinnslu og á sviði nýsköpunar
og í því samhengi sé gott og náið
samstarf við hátæknifyrirtæki
eins og til dæmis Marel.
Aðspurð segir Erla mikinn upp-
gang á Reykjanesi og er atvinnu-
leysi með minnsta móti, ólíkt því
sem margir virðast halda. „Ég sat
nýverð fund þar sem kynnt var
Gallupkönnun þar sem í ljós kom
að landsmenn hafa aðrar hugmynd-
ir um svæðið. Það er mikill mis-
skilningur. Hér er mikill hugur í
fólki og fjölgun ferðamanna til að
mynda langt umfram það sem hún
er annars staðar á landinu.
Bæjarfélögin á svæðinu eru því
sífellt að leita leiða til að efla inn-
viði og þjónustu og hafa sjávar-
útvegsfyrirtækin ekki síður sýnt
því áhuga að tengjast ferðaþjón-
ustunni með skýrari hætti. Hér
sjáum við fjölmörg tækifæri til að
tengja sjávarútveg og ferðaþjón-
ustu saman. Þar er meðal annars
horft til Stakkavíkur sem býður
fólki að horfa yfir vinnslusalinn á
meðan það gæðir sér á fiskisúpu.
Okkur dreymir um að geta gefið
ferðamönnum sem og Íslending-
um öllum betri innsýn í hvað við
erum að gera í okkar fyrirtæki og
atvinnugreininni í heild.“
Tryggt og gott starfsfólk alla tíð
Sjávarútvegsfyrirtækið Vísir hf. í Grindavík hefur starfað í bænum í rúm 50 ár og notið bæði velgengni og gæfu. Erla Ósk Pétursdóttir,
gæða- og þróunarstjóri, þakkar það fyrst og fremst tryggu og góðu starfsfólki. Hún segir uppgang í bænum og mikinn hug í fólki.
Nýlega var gerð könnun meðal starfsfólks sem leiddi í ljós að það er almennt mjög ánægt í starfi.
Erla segir sjávarútvegsfyrirtækin á svæðinu hafa sýnt því áhuga að tengjast ferðaþjónustinni með skýrari hætti. „Okkur
dreymir um að geta gefið ferðamönnum og Íslendingum öllum betri innsýn í hvað við erum að gera.“ Hér er Erla ásamt eigin-
manni sínum Andrew Wissler, fjármálastjóra Vísis, og tveimur sonum.
Okkur þykir vænt
um starfsfólkið
og vonum og trúum að
því þyki vænt um vinnu-
staðinn.
Erla Ósk Pétursdóttir
8 KOmdu á rEyKjANEs Kynningarblað13. maí 2016