Fréttablaðið - 28.05.2016, Side 10

Japan Barack Obama Bandaríkja­
forseti segir að minningin um kjarn­
orkusprenginguna í Hiroshima
megi aldrei hverfa. Hann kom til
Hiroshima í gær, fyrstur Bandaríkja­
forseta í embætti.
Tveir aðrir Bandaríkjaforsetar
hafa þó komið til Hiroshima, en
það voru þeir Jimmy Carter sem
kom þangað löngu eftir að hafa látið
af embætti og Richard Nixon sem
kom þangað nokkrum árum áður
en hann varð forseti.
Obama baðst ekki afsökunar
fyrir hönd Bandaríkjanna, en heim­
sóknin þykir engu að síður marka
tímamót.
Í ávarpi sínu lagði Obama áherslu
á þann lærdóm, sem draga þyrfti
af hörmungunum í Hiroshima og
Nagasaki.
„Við komum hingað til að syrgja
hina látnu,“ sagði hann. „Sálir þeirra
tala til okkar. Þær segja okkur að líta
í eigin barm og átta okkur á því hver
við erum.“
Kjarnorkusprengjurnar sem
Bandaríkjamenn vörpuðu á Hiro sh­
ima og Nagasaki kostuðu líklega vel
yfir 200 þúsund manns lífið og tugir
þúsunda þjáðust árum og áratugum
saman af afleiðingum sprengjanna.
„Það er mikilvægara að styrkja
þann alþjóðlega skrið sem kominn
er á að losa heiminn við kjarnorku­
vopn með því að fá hann til að skilja
hve hryllilegar kjarnorkusprengjur
eru, frekar en að óska eftir afsök­
unarbeiðni frá honum,“ hefur jap­
anska dagblaðið Asahi Shimbun
eftir Kunihiko Lida, 73 ára manni
sem lifði af hildarleikinn í Hiro sh­
ima þann 6. ágúst árið 1945.
Blaðið spurði alla þá sem lifðu
kjarnorkuhamfarirnar af hvað
þeim þætti um heimsókn Obama.
Níutíu prósent þeirra voru ánægð
með að Obama kæmi til Hiroshima
og aðeins þriðjungur sagði nauð­
synlegt að fá frá honum afsökunar­
beiðni.
„Einhvers staðar í huga mér er
mér enn illa við Bandaríkin og vil
afsökunarbeiðni frá þeim, en tím­
inn er að renna mér úr greipum,“
sagði Lida í sams konar könnun
blaðsins á síðasta ári, en blaðið
gerir reglulega skoðanakönnun
meðal þeirra sem lifðu af kjarn­
orkusprengingarnar í Hiroshima
og Nagasaki.
Margir Japanir bíða þó enn eftir
afsökunarbeiðni frá Bandaríkj­
unum. „Við Japanir gerðum hræði­
lega hluti úti um alla Asíu,“ hefur
bandaríska fréttastofan AP eftir
Han Jeong­soon, 58 ára konu, en
faðir hennar missti foreldra sína í
hildarleiknum árið 1945.
„Og við Japanir ættum að biðj­
ast afsökunar vegna þess að við
skömmumst okkar svo mikið, og
við höfum ekki af einlægni beðið
öll þessi Asíulönd afsökunar. En að
varpa kjarnorkusprengjunni var
hin fullkomna illska.“
gudsteinn@frettabladid.is
Baðst ekki afsökunar
fyrir hönd lands síns
Barack Obama er fyrsti forseti Bandaríkjanna í embætti sem heimsækir Hirosh­
ima. Hann baðst ekki afsökunar fyrir hönd Bandaríkjanna á kjarnorkuspreng­
ingunni árið 1945 en sagði þó nauðsynlegt að draga lærdóm af sögunni.
Barack Obama í Hiroshima ásamt Shinzo Abe, forsætisráðherra Japans. NOrdicpHOtOS/AFp
Einhvers staðar í
huga mér er mér
enn illa við Bandaríkin og vil
afsökunarbeiðni frá þeim, en
tíminn er að renna mér úr
greipum.
Kunihiko Lida, 73 ára Japani sem lifði af
sprengjuna í Hiroshima
40-80
þúsund létu lífið í Nagasaki
vegna kjarnorkusprenging-
arinnar 9. ágúst 1945.
70-146
þúsund létu lífið í Hiroshima
vegna kjarnorkusprenging-
arinnar 6. ágúst 1945.
Íslensk-kínverska viðskiptaráðið heldur aðalfund sinn
þriðjudaginn 31. maí næstkomandi. Áður en hefðbundin
aðalfundarstörf hefjast heldur Ragnar Baldursson,
sendiráðunautur í sendiráði Íslands í Peking, erindi undir
yfirskriftinni „Framtíð Kína í fortíðarljósi“. Ragnar kynnir
meðal annars nýútkomna bók sína, Nineteen Seventy-Six,
Penguin China Special. Bókin fjallar um atburði ársins
þegar Mao formaður lést en Ragnar var þá nýkominn
til náms í Pekingháskóla.
Fundurinn hefst kl. 8.30 með erindi Ragnars, sem er
öllum opið. Að því loknu verða fyrirspurnir og umræður.
Um kl. 9.30 hefjast venjuleg aðalfundarstörf.
Fundurinn verður haldinn í fundarsal Félags atvinnurekenda
á 9. hæð í Húsi verslunarinnar, Kringlunni 7. Morgunverður er
í boði á fundinum. Skráning á vef Félags atvinnurekenda,
www.atvinnurekendur.is.
PI
PA
R\
TB
W
A

Morgunverðarerindi og aðalfundur ÍKV:
FRAMTÍÐ KÍNA Í
FORTÍÐARLJÓSI
Samgöngustofa auglýsir laust til umsóknar
1 leyfi til leiguaksturs á Akureyri og 1 leyfi í
Árborg.
Þeir einir geta sótt um leyfi sem hyggjast stunda
akstur leigubifreiðar að aðalatvinnu og hafa lokið
námskeiði fyrir leigubifreiðastjóra. Til að öðlast
leyfi þurfa umsækjendur að uppfylla leyfisskilyrði,
skv. 5. gr. laga nr. 134/2001 og reglugerðar
nr. 397/2003 um leigubifreiðar, með síðari
breytingum.
Úthlutun leyfa fer fram á grundvelli starfsreynslu
við akstur leigubifreiðar, sbr. 6. gr. reglugerðar
nr. 397/2003.
Umsóknareyðublöð má nálgast í afgreiðslu
Samgöngustofu, Ármúla 2 í Reykjavík
eða á www.samgongustofa.is.
Umsóknarfrestur er til og með 5. júní nk.
Sími: 480 6000 . www.samgongustofa.is
AUGLÝSING
VEGNA ÚTHLUTUNAR
ATVINNULEYFA
TIL AKSTURS
LEIGUBIFREIÐA
Samgöngustofa
MenntaMál Vextir námslána hækka
úr 1 % í 2,5 % ef nýtt frumvarp Illuga
Gunnarssonar menntamálaráðherra
nær fram að ganga. Frumvarpið var
samþykkt úr ríkisstjórn á þriðjudag
og miðar að því að námsmenn með
fulla námsframvindu geti fengið styrk
allt að 65 þúsund krónur á mánuði í
samtals fimm skólaár.
Námsmenn geta ákveðið að taka
eingöngu styrk, styrk og lán eða jafn­
vel lán að hluta. Um er að ræða náms­
lánakerfi að norrænni fyrirmynd.
Heildarstyrkur getur numið allt
að tæpum þremur milljónum króna
miðað við fulla námsframvindu og
heildarlán miðast við fimmtán millj­
ónir á hvern námsmann. Heildarað­
stoð getur því numið tæpum átján
milljónum króna, en yfir 99 prósent
nemenda falla undir það viðmið.
Á móti kemur að aðstoð verður
aðeins veitt til sjö ára sem áður voru
8 ár. Til samanburðar veitir Noregur
námsaðstoð í 8 ár, Danmörk og Sví­
þjóð í 6 ár og Finnland í 5 ár. Upp­
greiðslu lána skal lokið fyrir 67 ára
aldur en 60 ára eða eldri eiga ekki rétt
á námsstyrk eða námsláni. – sg, snæ
Vextir hækka hjá Lánasjóði námsmanna
illugi fékk frumvarpið samþykkt á
þriðjudag. FréttABlAðið/ANtON BriNk
Námsmenn munu fá
65.000 krónur á mánuði í
fimm skólaár.
2 8 . M a í 2 0 1 6 l a U G a R D a G U R10 f R é t t i R ∙ f R é t t a B l a ð i ð