Morgunblaðið - 08.11.2019, Side 2

2 FRÉTTIRInnlent
MORGUNBLAÐIÐ FÖSTUDAGUR 8. NÓVEMBER 2019
Kristján H. Johannessen
khj@mbl.is
„Það er búið að dreifa öllu því bólu-
efni sem hingað kom til lands, eða
alls 70.000 skömmtum,“ segir Þór-
ólfur Guðnason sóttvarnalæknir í
samtali við Morgunblaðið og vísar í
máli sínu til inflúensubóluefnis.
Þórólfur segir eftirspurn á Ís-
landi eftir inflúensubóluefni hafa
aukist mjög undanfarin ár.
„Í fyrra var dreift um 73.000
skömmtum og árið þar á undan voru
skammtarnir um 70.000. Fyrir
nokkrum árum voru þeir aftur á
móti nokkru færri, eða um 55.000.
Eftirspurn eftir bóluefni hefur því
aukist mjög mikið síðastliðin ár og
vafalaust væri hægt að dreifa enn
fleiri skömmtum en við bara fáum þá
ekki,“ segir Þórólfur og bætir við að
mikil spurn sé einnig á heimsvísu
eftir bóluefninu. „Við höfum verið
með útboðssamning fyrir 65.000
skömmtum og höfum keypt auka-
lega 5.000 síðastliðin þrjú ár.“
Annað bóluefni tekur við
Á heimasíðu Ríkiskaupa er nú
óskað eftir tilboðum í bóluefni gegn
inflúensu í árlegri bólusetningu.
Ástæða útboðsins er sú að hætt hef-
ur verið að framleiða það bóluefni
sem inniheldur þrjá stofna inflú-
ensu. Þess í stað verður framleitt
bóluefni sem inniheldur fjóra stofna.
Þá segir Þórólfur inflúensu-
tilfelli vera fá það sem af er vetri.
Búast má við fleirum eftir áramót.
70 þúsund skammtar af
inflúensubóluefni í dreifingu
Morgunblaðið/Hari
Bólusetning Vafalaust fá færri
bóluefni gegn inflúensu en vilja.
 Spurn eftir
bóluefni aukist
Framkvæmdir hafa staðið yfir við Hagatorg í Vesturbæ
Reykjavíkur sl. mánuði og hafa þær nú tekið á sig mynd. Er
meðal annars búið að þrengja akstursleið ökutækja um hring-
torgið, koma fyrir gönguþverunum á tveimur stöðum og
strætóskýli skammt frá aðalinngangi Hótels Sögu. Skýlið
stendur á nýju hellulögðu svæði sem teygir sig inn á gömlu
akstursleiðina um hringtorgið.
Bjarni Brynjólfsson, upplýsingastjóri Reykjavíkurborgar,
segir framkvæmdirnar í takt við íbúakosningu og að nú sé
verið að kjósa um hvað gera eigi við torgið sjálft. „Það er ekki
búið að útfæra þetta alveg, en þarna gæti komið einhver
gróður eða bætt nýting fyrir svæðið,“ segir hann. khj@mbl.is
Morgunblaðið/RAX
Gönguþveranir og þrengingar við Hagatorg í Vesturbæ
Bæjarráð Kópavogs samþykkti á
fundi sínum í gær að ganga til samn-
inga við Teit Jónasson ehf. um að
annast ferðaþjónustu fatlaðra í bæn-
um. Starfsmenn bæjarins hafa farið
yfir helstu þætti tilboðsins. Ekki
hafa fundist villur og fyrirtækið
stenst þær kröfur sem gerðar eru.
Eigi að síður verður farið yfir alla
liði tilboðsins áður en skrifað verður
undir samninga til þess að athuga
hvort tilboðið standist.
„Þetta er umtalsvert lægra en við
reiknuðum með en fyrir hönd bæj-
arins get ég ekki sagt að mér þyki
þetta of lágt tilboð. Ég hlýt að vera
mjög ánægður með niðurstöðuna,“
segir Ármann Kr. Ólafsson bæj-
arstjóri, spurður hvort tilboðið væri
ef til vill of lágt.
Tilboð Teits Jónassonar ehf. í
akstursþjónustuna reyndist lang-
lægst í útboði bæjarins. Fyrirtækið
býðst til að taka verkið að sér fyrir
776 milljónir kr. sem er 424 millj-
ónum undir kostnaðaráætlun sem
hljóðaði upp á 1.200 milljónir, eins
og fram kom í blaðinu í gær. Samið
verður til fimm ára.
Ármann segir að margt í rekstri
Teits Jónassonar ehf. hafi samlegð-
aráhrif við það verkefni sem hann er
nú að taka að sér. „Auk þess höfum
við átt viðskipti við fyrirtækið í
mörg ár án þess að komið hafi til
vandræða með reksturinn. Þetta er
rótgróið fyrirtæki í Kópavogi sem
eftir því sem ég best veit stendur
mjög traustum fótum.“
Fyrirtækið Efstihóll ehf. fékk
samning um þjónustuna eftir útboð
á árinu 2016. Fyrirtækið óskaði eftir
því að losna undan samningi vegna
rekstrarerfiðleika og þess vegna er
verið að bjóða út nú. helgi@mbl.is
Samið við Teit Jónasson
 Ekkert hefur komið fram sem bendir til þess að lægsta
tilboð í ferðaþjónustu fatlaðra í Kópavogi standist ekki
Morgunblaðið/Golli
Rútur Teitur Jónasson ehf. er öflugt
fyrirtæki í ferðaþjónustu.
Gæsluvarðhald yfir Gunnari Jóhanni
Gunnarssyni sem grunaður er um að
hafa orðið Gísla Þór Þórarinssyni að
bana við heimili þess síðarnefnda í
þorpinu Mehamn í Finnmörku nyrst
í Noregi undir lok apríl, hefur verið
framlengt enn einu sinni, nú um fjór-
ar vikur. Ákæra hefur ekki verið gef-
in út í málinu en enn er stefnt að því
að rétta í málinu á þessu ári. Kemur
þetta fram í norska vefmiðlinum
iFinnmark.
Gunnar Jóhann var handtekinn og
yfirheyrður ásamt öðrum manni
skömmu eftir að tilkynnt var um að
Gísli Þór hefði orðið fyrir skoti úr
haglabyssu. Gísli lést af sári sínu.
Mennirnir eru allir íslenskir sjó-
menn sem bjuggu og störfuðu í þorp-
unum Gamvik og Mehamn. Gísli Þór
og Gunnar Jóhann voru auk þess
hálfbræður. Gunnar hefur verið í
gæsluvarðhaldi síðan en gæsluvarð-
haldsúrskurður þess sem var með
honum var felldur úr gildi.
Lögreglan hefur fyrir nokkru lok-
ið rannsókn sinni og sent málið til
saksóknaraembættis Troms og
Finnmerkur til ákvörðunar um
ákæru. Fram kemur í iFinnmark að
þótt tafir hafi orðið á rannsókninni
er enn stefnt að því að rétta í málinu
á þessu ári. Í þeim tilgangi hefur það
verið sett á dagskrá Héraðsdóms
Austur-Finnmerkur 2. desember.
helgi@mbl.is
Gæsluvarðhald
enn framlengt
 Ekki búið að ákæra í Mehamn-máli
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Dekkjaþjónusta
Úrval fólksbíla- og jeppadekkja
SAMEINUÐ GÆÐI
Opið mánudaga til fimmtudaga kl. 7.45-17.00, föstudaga kl. 7.45-16.00
Flatahrauni 7 | 220 Hafnarfirði | Sími 565 1090 | www.bjb.is