Morgunblaðið - 29.11.2019, Page 8

8 FRÉTTIRInnlent
MORGUNBLAÐIÐ FÖSTUDAGUR 29. NÓVEMBER 2019
Ámiðvikudag bárust fréttir af þvíað staða ríkisstjórnarinnar
hefði veikst því að þingmaðurinn
Andrés Ingi Jónsson hefði sagt skilið
við þingflokk Vinstri grænna og
hygðist standa utan þingflokka.
  
Þegar talinn erfjöldi þingmanna
í stjórnarflokkunum
má til sanns vegar
færa að með brott-
hvarfi Andrésar
fækkar um einn og í
þeim skilningi veiktist
stjórnarmeirihlutinn
um einn.
  
En veiktist stjórn-armeirihlutinn í
raun?
  
Þegar ríkisstjórnin var mynduðvar Andrés andstæðingur
stjórnarmyndunarinnar. Hið sama á
raunar við um Rósu Björk Brynjólfs-
dóttur, sem þó er enn í stjórnarlið-
inu, að nafninu til.
  
Andrés hefur svo sem lítið séstfyrir eða eftir stjórnarmynd-
unina en það sem þó hefur sést til
hans hefur helst snúist um það að
hann sé andvígur ríkisstjórninni og
hennar málum.
  
Hvers vegna skyldi vera slæmt fyrir ríkisstjórnina að slíkur
„stuðningsmaður“ hverfi á braut?
  
Ætli ríkisstjórnin hafi ekki frek-ar styrkst við að Andrés
hætti að þykjast?
  
Og gæti ekki verið að hún styrkt-ist enn frekar ef að annar tæp-
lega hálf-volgur stuðningsmaður
færi sömu leið? Það skyldi þó ekki
vera.
Andrés Ingi
Jónsson
Styrkti Tróju-
hesturinn Tróju?
STAKSTEINAR
Rósa Björk
Brynjólfsdóttir
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Sláturfélagið Búi er að athuga möguleika á því að
taka sláturhúsið á Höfn aftur í notkun og þá sem
svokallað þjónustusláturhús. Þar yrði þá slátrað
stórgripum og fé fyrir bændur sem selja beint frá
býli eða til nota hjá ferðaþjónustufyrirtækjum á
svæðinu.
Sláturfélagið Búi á 70% í sláturhúsinu á Höfn en
Norðlenska 30%. Norðlenska hefur hætt slátrun
þar, slátraði síðast haustið 2018.
Aka þarf fé Hornfirðinga til slátrunar á Húsavík
eða Selfossi og stórum hluta nautgripanna er
slátrað á Hellu. Þetta eru langar leiðir. Eiríkur
Egilsson, formaður Sláturfélagsins Búa, segir að í
umræðu um kolefnisfótspor framleiðslunnar sé
rakið að framleiða heima sem mest af matnum
sem notaður er á svæðinu.
Framhaldið óvíst
Hann segir að reynt hafi verið að slátra fé í
haust á þessum forsendum. Ýmsum öðrum hug-
myndum hafi verið velt upp en ekki hafi gengið
nægilega vel að finna rekstrargrundvöll. Hann
segist því ekki vita hvað gert verður. helgi@mbl.is
Erfitt að finna rekstrargrundvöll
 Athuga möguleika á
þjónustuslátrun á Höfn
Morgunblaðið/Helgi Bjarnason
Vinnsla Kjötið sem ferðafólk og íbúar í Horna-
firði borða fer langa leið til og frá sláturhúsi.
Beiðni um opinbera úttekt
Undirritaður sendi öllum alþingismönnum bréf síðastliðið vor þar sem
m.a. var vakin athygli á vinnubrögðum starfshóps sjávarútvegs- og
landbúnaðarráðherra um stefnumótun í fiskeldi, en starfshópurinn skilaði
skýrslu 23. ágúst 2017. Þær breytingar semAlþingi samþykkti síðastliðið
vor að gera á lögum nr. 71/2008 um fiskeldi byggðust að mestu leyti á
skýrslu starfshópsins. Undirritaður gerði alvarlegar athugasemdir við
vinnubrögð fyrrnefnds starfshóps og vakti athygli á því að þau kynnu í
ákveðnum tilvikum að fara gegn ákvæðum stjórnsýslulaga.
Getur það talist eðlilegt að stjórnarformenn tveggja stærstu
laxeldisfyrirtækjanna hér á landi, með um
70% framleiðsluheimilda samkvæmt þeim leyfum
sem þegar hafa verið veitt eða voru í umsóknarferli
árið 2016, skipi sjálfa sig í starfshóp um stefnumótun í
fiskeldi sem felur í sér verulegan fjárhagslegan
ávinning fyrir viðkomandi fyrirtæki ?
Farið var formlega fram á það við stjórnskipunar- og eftirlitsnefnd
Alþingis að nefndin tæki málið til rannsóknar og eftir atvikum skipaði
óháðan rannsóknaraðila. Undirritaður hefur sent fjölmarga tölvupósta til
stjórnskipunar- og eftirlitsnefndar Alþingis án þess að þeim erindum hafi
verið svarað efnislega.
Valdimar Ingi Gunnarsson, Sjávarútvegsþjónustan ehf.
valdimar@sjavarutvegur.is
Gögn á slóðinni: https://lagareldi.is/fljotandi-ad-feigdarosi/
Látin er í Reykjavík
Guðrún Jónsdóttir
geðlæknir, 93 ára að
aldri. Guðrún fæddist
6. október 1926 í
Reykjavík. Foreldrar
hennar voru hjónin
Jón Júníusson stýri-
maður frá Syðra-Seli á
Stokkseyri og Jónína
Jónsdóttir húsmóðir
frá Mundakoti á
Eyrarbakka. Bróðir
Guðrúnar var Jón Atli
vélstjóri, kvæntur
Súsönnu Halldórsdótt-
ur. Þau voru barnlaus.
Guðrún lauk stúdentsprófi með
ágætiseinkunn frá MR 1946 og var
dúx skólans. Hún hóf haustið 1946
nám í ensku og frönsku í HÍ en færði
sig yfir í læknisfræði. Guðrún lauk
læknaprófi í ársbyrjun 1955 og fékk
almennt lækningaleyfi 1958. Árin
1958-59 og 1965-69 kenndi hún líf-
færa- og lífeðlisfræði við Hjúkrunar-
skóla Íslands. Veturinn 1969-70 hóf
Guðrún sérnám í geðlækningum í
Bristol í Englandi, hélt því áfram hér
heima og fékk íslenskt sérfræðileyfi í
geðlækningum í janúar 1976, fyrst
kvenna. Guðrún skrifaði sérfræði-
ritgerð um sjálfsvíg á Íslandi 1962-
1973. Þá hafði nánast ekkert verið rit-
að um sjálfsvíg hér á landi. Guðrún
var sérfræðingur í geðlækningum á
geðdeild Borgarspítalans frá 1976 til
starfsloka sumarið
1996.
Guðrún hélt fjöl-
marga fyrirlestra um
sjálfsvíg bæði hér á
landi og erlendis. Hún
var gjaldkeri Geð-
læknafélags Íslands
1976-78, sat í Barna-
verndarráði Íslands
1974-82 og ritaði og
ræddi í fjölmiðlum
um geðheilsu og
kristna trú enda Bibl-
íulestur og trúmál
henni ætíð mjög hug-
leikin. Guðrún skírð-
ist til safnaðar Sjöunda dags aðvent-
ista um miðjan aldur og var virk í
safnaðarstarfi meðan heilsan leyfði.
Guðrún giftist 19. ágúst 1949 eft-
irlifandi eiginmanni sínum, Páli Sig-
urðssyni, f. 9. nóvember 1925, bækl-
unarlækni og fv. ráðuneytisstjóra í
heilbrigðis- og tryggingamálaráðu-
neytinu. Börn Guðrúnar og Páls eru
tvíburarnir Jónína tannlæknir og
Ingibjörg lyfjafræðingur, f. 14. des-
ember 1949, Dögg hæstaréttar-
lögmaður, f. 2. ágúst 1956, og tvíbur-
arnir dr. Sigurður Páll geðlæknir og
Jón Rúnar hæstaréttarlögmaður, f.
15. nóvember 1960. Barnabörnin eru
níu og barnabarnabörnin eru 17.
Útför Guðrúnar verður gerð frá
Neskirkju föstudaginn 6. desember
nk. og hefst athöfnin kl. 13.
Andlát
Guðrún Jónsdóttir