Morgunblaðið - 29.11.2019, Blaðsíða 32

32 FRÉTTIRInnlent
MORGUNBLAÐIÐ FÖSTUDAGUR 29. NÓVEMBER 2019
Sales campaign November / December 2019:
• XBO 2000 RCU, Xenon 230v/2000W remote controlled ice searchlight. El. focus, incl. PSU/lamp........ISK 1.105.000
• HMI 2500 RCU, Metal halide 230v/2500W remote controlled ice searchlight. El.foc. incl. PSU/lamp. ..ISK 961.644
• SL460 RCU, Halogen 230v/2000W remote controlled searchlight. .....................................................ISK 517.920
• SL515 LED, 230v/1200W LED remote controlled searchlight. ............................................................ISK 756.850
• SL240 LED, 24v/300W LED remote controlled searchlight .................................................................ISK 407.534
• SL240 WM 24v/300W LED manually operated searchlight ................................................................ISK 230.431
• LBL 360 24v/360W LED bowlight ................................................................................................... ISK 113.994
• LBL 540 24v/540W LED bowlight .....................................................................................................ISK 171.747
• LED upgrade kit 24v/300W for Seematz HGS 351 searchlight: ..........................................................ISK 113.993
• LED upgrade kit 230v/1200W for Seematz HGS 463 searchlight: ......................................................ISK 383.082
LED bowlights can be used from 230 VAC through an AC/DC converter
All prices are ex. VAT / freight. We have very competitive shipping agreements.
POLARLIGHT. High quality searchlights - floodlights - bowlights made in Norway.
Have a closer look at our products at www.skipsutstyr.com
SKIPSUTSTYR A/S | Havnekvartalet 10 | 8370 Leknes | NORWAY | post@skipsutstyr.com
POLARLIGHT
MARINE LIGHTING FOR HARSH ENVIRONMENT
Enn sem komið er hefur Vinisro
ekki tekið allar víntegundirnar frá
LacertA í sölu hér á landi en þeim
hefur þó fjölgað nokkuð að undan-
förnu. Blaðamaður settist yfir það
helsta og fékk að kynnast hinu fjöl-
breytta úrvali sem hingað er kom-
ið. Þar ættu allir að geta fundið
eitthvað við sitt hæfi, hvort sem
þeir leita að léttu og sætu hvítvíni
eða dumbrauðum syrah með hrjúf-
um tannínum.
Eftir ferðalag frá hinu létta og
fínlega til þess sem reynir meira á
voru það einkum þrjú vín sem
stóðu upp úr að mati blaðamanns
þótt öll hafi þau verið smökkunar-
innar virði. Í fyrsta lagi má nefna
fölrúbínrauðan pinot noir sem er
meðalfylltur og er klassísk leið til
þess að tryggja að allir fái notið
vínsins með matnum – já eða bara
eins og sér.
Þá situr Lacerta chardonnay
einnig í minninu. Það er ljósgyllt
og aðeins út í grænan lit. Það hef-
ur dæmigerðan suðrænan ilm af
chardonnay. Um leið og bragðað
er á því kemur smjör upp í hugann,
sem er alls ekki óalgengt þegar
þessi þrúga er annars vegar. Þetta
vín er í mjög góðu jafnvægi og ég
hlakka til að prófa það með góðu
humarpasta. Gæðin á þessu víni
koma hreinilega á óvart en Haukur
upplýsir um leyndarmálið meðan
velt er vöngum yfir eiginleikum
þess. Ræktunin byggist á græðling-
um sem fengust sóttir til Búrgúndí.
Það kostaði mikla eftirgangsmuni
en borgaði sig svo sannarlega.
Síðast en ekki síst verður ekki
hjá því komist að nefna Cuvée IX-
rauðvínið sem þeir feðgar kalla
einfaldlega „drottninguna“. Og
hún stendur undir nafni. Það er
jafnvel rétt að bragða á glasi yfir
góðum þætti af Crown. Það er
blanda af fjórum þrúgum (cabernet
sauvignon, merlot, feteasca neagra
og syrah). Hún er kröftug með
talsverðum berjakeim og það fer
ekki fram hjá þefvísum að vínið
hefur fengið að þroskast á eikar-
tunnum í drjúga stund. Þetta vín
má svo sannarlega bera fram með
góðri steik. Sennilega verður þar
nautalund með soðsósu, pönnu-
steiktum aspas og parmesan fyrir
valinu.
Vínrækt LacertA ræktar vín á afar
fögru svæði í Rúmeníu.
Fengu græðling
frá Búrgúndí
 Fjölbreytt vín sem sum koma á óvart
Ljósmynd/LacertA
BAKSVIÐ
Stefán E. Stefánsson
ses@mbl.is
Það vakti talsverða athygli á dög-
unum að tvö rúmensk léttvín hlutu
viðurkenninguna Gyllta glasið fyrir
árið 2019. Það er viðurkenning sem
veitt er af Vínþjónasamtökum Ís-
lands á hverju ári. Að þessu sinni
gátu innflytjendur sent inn í keppn-
ina vín sem liggja á verðbilinu 2.490-
4.000 kr. Ástæða athyglinnar sem
þessi vín fengu var fyrst og fremst
komin til af þeirri staðreynd að afar
langt er síðan vín frá Rúmeníu hafa
verið á boðstólum hér á landi en þeir
sem til þekkja þar í landi vita að það
státar af langri víngerðarhefð.
Það eru feðgar í Hafnarfirði, ásamt
konum sínum, sem standa að inn-
flutningi þessara vína frá framleið-
andanum LacertA og tók blaðamaður
hús á þeim eitt kvöldið í vikunni.
Ævintýri með óvænt upphaf
Þeir voru reyndar nokkuð þrekaðir
þegar barið var að dyrum. Nýkomnir
af rjúpu þar sem heimturnar voru
misgóðar. Faðirinn, Haukur Óskars-
son, bar sig þó talsvert verr en sonur-
inn og nafni föðurafa síns. Og það er
raunar fyrir ævintýri sem hann og
eiginkona hans, Bryndís Bjarka-
dóttir, hafa ratað í á síðustu árum
sem þeir hófu innflutning vínanna frá
Rúmeníu.
„Ég var að vinna fyrir alþjóðlegt
olíufyrirtæki sem nefnist Slumber-
ger. Fyrst hafði ég verið í Stavanger í
Noregi og síðar í Esbjerg í Dan-
mörku. Þar höfðum við komið okkur
vel fyrir sem nýbakaðir foreldrar. Þá
var ég kallaður á fund og mér tjáð að
það ætti að senda mig í verkefni til
Rúmeníu. Mér leist sannast sagna
ekki neitt sérstaklega á það, enda
bara mánuður frá því að barnið fædd-
ist. Ég spurði hvað myndi gerast ef
ég myndi afþakka boðið og mér var
tjáð að þá hefðu þeir í hyggju að
senda mig til Kongó. Þegar strákur-
inn okkar var þriggja mánaða flutt-
um við til Rúmeníu,“ segir Óskar
Ólafur.
Kynntust vínmenningunni
Þegar þangað var komið hófst nýr
kafli í lífi fjölskyldunnar en þau höfðu
aldrei leitt hugann að því að þau
myndu einn daginn búa í næsta ná-
grenni við kastalann þar sem sjálfur
Drakúla greifi, þjóðhetja Rúmena,
bjó. En þau komust fljótt að því að í
landinu er rík víngerðarhefð og mikil
menning fyrir vínhátíðum. Þau fóru
að sækja þessa viðburði og heilluðust
fljótt af því sem þau kynntust.
Haukur bendir á að Rúmenar hafi
á síðustu árum unnið markvisst að
því að byggja upp framleiðslu sína.
„Þetta fór allt mjög illa á tímum
kommúnismans þar sem framleiðslan
var þjóðnýtt og fjölskyldur sem
byggðu á langri hefð misstu hana úr
höndunum. Það var svo í kjölfar þess
að Sovétríkin féllu sem uppbygging-
arstarfið hófst. Það hefur tekið lang-
an tíma en fyrirtækið sem við erum í
sambandi við var stofnað árið 2002.
Þar var á ferðinni Walter Friedl,
Austurríkismaður sem hafði starfað
sem viðskiptasendifulltrúi austan
tjaldsins fyrir fallið. Hann hefur allar
götur síðan staðið að þessu fyrir-
tæki.“
Óskar Ólafur bætir því inn í að
LacertA sé stórt fyrirtæki á þessu
sviði.
„Um 10 þúsund manns koma í
smökkun hjá því á ári og framleiðslan
er um 300 þúsund flöskur á ári.“
Kjöraðstæður til ræktunar
Haukur bætir því við að staðsetn-
ing framleiðslunnar sé engin tilviljun.
„Þetta er svæði sem í þúsundir ára
hefur verið nýtt til vínræktar. Í Rúm-
eníu eru raunar minjar um víngerð
sex þúsund ár aftur í tímann. En
þetta svæði er á svipaðri breidd-
argráðu og Toscana og Bordeaux og í
um 300 metra hæð yfir sjávarmáli.
Eini munurinn er sá að þetta svæði er
með stöðugra veðurfar og þar með
jafnari vínárganga.“
Í því sambandi bendir Óskar Ólaf-
ur á að haustin séu að jafnaði löng og
þau gerist afar heit.
„Þetta gerir það að verkum að ber-
in ná að þroskast mjög vel og það er
hægt að tína þau seint. Það skýrir
m.a. að vínin frá þeim eru yfirleitt há í
áfengisprósentu. Það á m.a. við um
rósavínið sem er 14,3% og vínin eru
gjarnan öðru hvoru megin við 14%.“
LacertA framleiðir vín undir
tveimur merkjum. Annars vegar er
LacertA og þar er úrvalið talsvert.
Hins vegar er Cameleon sem er með
þrjár tegundir í sölu, hvítvín sem er
blanda af Sauvignon Blanc, Char-
donnay og Feteasca Alba, rósavín
sem er gert úr Sirah-þrúgunni og
rauðvín sem er blanda af Merlot, Ca-
bernet Sauvignon og Blaufränkisch.
Vinisro vísar til landanna
Að þessu sinni voru það Char-
donnay undir merkjum LacertA og
rauðvínið frá Cameleon sem hlutu
Gyllta glasið.
Feðgarnir segjast sælir með sitt í
kjölfar þess að Vínþjónasamtökin til-
kynntu viðurkenninguna en þeir hafa
einnig komið vínunum í sölu á rót-
grónum veitingahúsum á höfuð-
borgarsvæðinu.
Innflutningurinn hefur vaxið að
umfangi síðustu misserin og nú eru
vínin frá þeim komin í sölu í versl-
unum ÁTVR í Kringlunni, Skútuvogi,
Heiðrúnu og Hafnarfirði. Fyrirtæki
þeirra ber nafnið Vinisro.
„Það var Ragnheiður Thoroddsen,
eiginkona mín og móðir Óskars Ólafs,
sem átti hugmyndina að því. Nafnið
vísar til vínsins, Íslands og Rúmeníu.
En nafnið merkir einnig vínbúð á
esperanto. Þetta smellpassaði því allt
saman,“ segir Haukur.
Féllu fyrir víngerðinni í Rúmeníu
 Vínrækt í Rúmeníu sækir mjög í sig veðrið  Rætur víngerðar í landinu rekja sig þúsundir ára aftur
í tímann  Dvöl í Rúmeníu leiddi til innflutnings til Íslands  Tvær tegundir sæmdar Gyllta glasinu
Morgunblaðið/Eggert
Vín Feðgarnir Haukur Óskarsson og Óskar Ólafur eru ánægðir með viðtökurnar sem vínin frá LacertA hafa fengið.