Morgunblaðið - 18.12.2019, Blaðsíða 25

Væri draumur að næla í bikar
Nú þegar gert verður hlé á Olísdeild karla fram
í febrúar sitja Haukar í toppsæti deildarinnar með
23 stig eftir fjórtán umferðir. Gunnar er því skilj-
anlega ánægður með spilamennsku liðsins fram
að þessu. „Ég vil kveðja á góðum nótum eins og ég
segi og við erum í baráttu um alla titla í vetur.
Auðvitað væri alger draumur að ná í titil á síðasta
tímabilinu hjá Haukum. Við höfum spilað vel fyrir
jól,“ sagði Gunnar en hvernig skýrir hann þann
stöðugleika sem Haukar náðu í leik sínum strax í
haust?
„Liðsheildin er öflug og hefur verið okkar
sterkasta vopn. Um þessar mundir er verið að
velja einhver úrvalslið fyrir jól og við eigum ekki
neina leikmenn þar. Okkar styrkleiki hefur því
verið hversu margir hjálpast að og hversu margir
taka af skarið. Við erum með góða blöndu leik-
manna. Annars vegar unga og efnilega leikmenn
en einnig eldri leikmenn með mikla reynslu og
leiðtogahæfni. Þegar meiðsli hafa gert vart við
sig hefur tekist að leysa það án þess að tapa stig-
um.“
Deildin enn jafnari eftir áramót
Í síðustu umferð fyrir hlé töpuðu Haukar fyrir
Stjörnunni í Garðabænum en höfðu ekki þurft að
sætta sig við tap í fyrstu þrettán leikjunum.
Garðbæingar eru jafntefliskóngar í vetur og eru í
8. sæti með 11 stig. Í þeim úrslitum kristallast
væntanlega hversu sterk deildin er?
„Jú, deildin er afar sterk og þess vegna er ég
hrikalega ánægður með að fara í jólafrí með öll
þessi stig. Ef þú skoðar til dæmis lið Stjörnunnar
þá eru þeir feikilega vel mannaðir með góða
menn í öllum stöðum. Stjarnan hefur verið á mik-
illi uppleið og er í dag eitt besta lið landsins. Svo
mættum við í TM-höllina og náðum ekki fram
okkar besta leik. Þá fer illa gegn jafn góðu liði og
Stjörnunni. Deildin er mjög jöfn og ég held að
hún verði bara jafnari ef eitthvað er eftir áramót.
Allir geta unnið alla og þannig verður það áfram.
Þótt við séum á toppnum vitum við að mikið er
eftir af deildakeppninni og við eigum eftir að spila
við öll liðin sem eru nærri okkur í stigatöflunni.“
Hreint ekki verra að bregða sér af bæ
Gunnar er aðstoðarþjálfari landsliðsins sem
keppir á EM karla í janúar. Hann er ekki óvanur
því að fara með landsliðinu á stórmót. Er ekki
svolítið snúið fyrir þjálfara félagsliðs að fara frá á
miðju tímabili?
„Auðvitað verður maður að hafa góða aðstoð-
armenn. Ég er með Maksim aðstoðarþjálfara og
Fannar Karvel styrktarþjálfara auk þess sem
Einar Jónsson (þjálfari 3. flokks karla) er í félag-
inu. Liðið er því í góðum höndum. Ég hef farið á
ansi mörg stórmót og yfirleitt hefur það komið
betur út en ekki. Leikmenn fá smá frí frá mér og
ég frá þeim. Maður hefur verið ferskari í febrúar.
Ef ég horfi á gengi liðsins undanfarin ár þá hefur
gengi liðsins verið verst þegar ég hef ekki farið á
stórmót í janúar. Auk þess vinnur maður þetta
með sínum mönnum þótt maður sé staddur í öðru
landi. En það eru aðrir á gólfinu á meðan og ég
óttast það ekki,“ sagði Gunnar Magnússon í sam-
tali við Morgunblaðið í gær.
Ljósmynd/Þórir Tryggvason
Gunnari
ÍÞRÓTTIR 25
MORGUNBLAÐIÐ MIÐVIKUDAGUR 18. DESEMBER 2019
 Helena Sverrisdóttir, landsliðs-
kona í körfuknattleik og lykilmaður
Íslands- og bikarmeistara Vals,
kveðst leika á ný með liðinu frá byrj-
un janúar en hún hefur misst af síð-
ustu leikjum Valskvenna. Helena
skýrði frá þessu á samfélagsmiðlum
og kvaðst þar vilja „hreinsa upp mál-
in fyrir slúðurbera, þáttastjórnendur
og aðra,“ og taka fram að hún væri
ekki á leið í eða úr aðgerð og sé ekki
ólétt. Helena verður ekki með Val í
lokaumferð ársins í Dominos-deild
kvenna í kvöld þegar Hlíðarendaliðið
tekur á móti hennar gamla félagi,
Haukum.
 Hollenski miðjumaðurin Giorgino
Wijnaldum leikur ekki með Liverpool
í dag þegar liðið mætir Monterrey frá
Mexíkó í undanúrslitum heimsbikars
félagsliða í fótbolta í Doha í Katar.
Wijnaldum glímir við meiðsli aftan í
læri og tilkynnt var í gær að hann
væri ekki leikfær. Vegna meiðsla í
hópnum hefur Jürgen Klopp bætt
þremur leikmönnum við fyrir seinni
leikinn í Katar á sunnudaginn þegar
liðið leikur um gull eða brons. Þeir
Sepp van den Berg, Ki-Jana Hoever
og Harvey Elliott léku með Liverpool
gegn Aston Villa í deildabikarnum í
gærkvöld en héldu síðan af stað til
móts við aðalliðið í Doha.
 Ekki er ljóst hvort Gylfi Þór Sig-
urðsson spilar með Everton gegn
Leicester í enska deildabikarnum í
fótbolta í kvöld. Hann missti af leikn-
um við Manchester United á sunnu-
daginn vegna veikinda og Duncan
Ferguson bráðabirgðastjóri Everton
sagðist vonast eftir því að Gylfi gæti
spilað en það myndi ekki skýrast fyrr
en á síðustu stundu.
 Elvar Már Friðriksson hélt góðri
spilamennsku sinni í sænsku úrvals-
deildinni í körfubolta áfram í gær.
Hann skoraði 10 stig, gaf 9 stoðsend-
ingar og tók 3 fráköst fyrir Borås í
83:73-útisigri á Norrköping. Borås
hefur unnið fjóra leiki í röð og er í
toppsætinu með 26 stig eftir 16 leiki.
Elvar hefur skorað 17 stig og gefið 8
stoðsendingar að meðaltali í vetur.
 Arnari Gunnarssyni hefur verið
sagt upp störfum hjá þýska hand-
boltafélaginu Krefeld. Arnar tók við
þjálfun Krefeld fyrir tímabilið, en gat
aðeins einu sinni fagnað sigri í sex-
tán leikjum í B-deildinni.
 Þýska knattspyrnufélagið RB Leip-
zig staðfesti við Kicker í gær að það
hefði gert Erling Haaland, hinum 19
ára gamla markaskorara Salzburg í
Austurríki, tilboð. Íþróttastjóri félags-
ins, Markus Krosche, sagði að nú
vissi Haaland hvað væri í boði hjá
Leipzig og hvaða hlutverk honum sé
ætlað í liðinu, og boltinn sé hjá hon-
um. Haaland hefur verið sterk-
lega orð-
aður við
Man-
ches-
ter
United
en hann
hefur
skorað 28
mörk í 22 leikj-
um fyrir Salz-
burg á árinu,
átta þeirra í
Meist-
aradeild
Evrópu.
Eitt
ogannað
Yngsta byrjunarliðið í sögu Liver-
pool fékk skell gegn Aston Villa í
undanúrslitum enska deildabikars-
ins í fótbolta í gærkvöldi, en loka-
tölur urðu 5:0.
Meðalaldur leikmanna Liverpool
var aðeins 19 ár og 182 dagar, en
liðið var rúmlega tveimur árum
yngra en það sem mætti Plymouth í
enska bikarnum fyrir tveimur ár-
um. Fimm leikmenn léku sinn
fyrsta leik, en aðallið Liverpool er
mætt til Katar í heimsbikar fé-
lagsliða.
Aston Villa nýtti sér það og vann
afar öruggan sigur. Liðið er komið
í undanúrslit keppninnar í fyrsta
skipti síðan 2013, er það fór alla
leið í úrslit.
Liverpool er enn í fínum málum á
leiktíðinni og á möguleika á að
vinna fjórfalt; ensku úrvalsdeildina,
heimsbikar félagsliða, enska bik-
arinn og Meistaradeild Evrópu.
AFP
Skellur Aston Villa átti ekki í vandræðum með að vinna ungt lið Liverpool.
Táningarnir fengu skell
Ekkert saknæmt átti sér stað er ÍR og Tindastóll mætt-
ust í Dominos-deild karla í körfubolta í síðustu viku.
Grunur lék á að leikmenn Tindastóls hafi hagrætt úrslit-
unum, þar sem mikil breyting varð á stuðlum á veð-
málasíðum skömmu fyrir leik. ÍR vann leikinn 92:82.
Hannes S. Jónsson, formaður KKÍ, sagði í yfirlýsingu í
gær að leikurinn hafi verið rannsakaður ítarlega og nið-
urstaðan væri sú að ekkert óeðlilegt hafi átt sér stað í
Seljaskóla.
„Allar líkur eru á að þegar það verður á allra vitorði
að Tindastóll hafði ferðast í rútu í nokkra klukkutíma til
að komast í leikinn og að leiktíma hafi verið breytt úr
19:15 í 20:00 örfáum klukkutímum fyrir leik að þá hafi nokkrir tipparar
talið að ferðalagið myndi sitja í liðsmönnum Tindastóls og að sigurlíkur ÍR
hefðu þar að leiðandi aukist. Viðkomandi tipparar hafi því tippað á forgjöf-
ina á erlendum vefsíðum. Ekki þarf umtalsverðar fjárhæðir til að stuðl-
arnir breytist á þann hátt sem reyndin varð,“ segir m.a í yfirlýsingunni.
Engin hagræðing í Breiðholti
Hannes S.
Jónsson
Knattspyrnusamband Íslands stað-
festi í gær að A-landslið karla
myndi mæta Pólverjum í vináttu-
landsleik í Poznan næsta sumar.
Leikurinn fer fram þriðjudaginn
9. júní, viku áður en Ísland mætir
Portúgal í fyrsta leiknum á EM í
Búdapest, fari svo að íslenska liðið
komist í gegnum umspilið í mars og
í lokakeppnina. Ísland hefur fimm
sinnum tapað fyrir Pólverjum, síð-
ast 4:2 í Póllandi 2015, og einu sinni
gert jafntefli, 1:1 á Laugardalsvell-
inum í ágúst 2001.
Mæta Pólverj-
um í Poznan
Ljósmynd/Foto Olimpik
Júní Ragnar Sigurðsson mætir
Robert Lewandowski í Poznan.
Haukur Þrastarson, Selfossi ................... 109/11
Ásbjörn Friðriksson, FH .......................... 107/24
Guðmundur Á. Ólafsson, Aftureld ........... 94/33
Kristján Örn Kristjánsson, ÍBV................. 93/0
Anton Rúnarsson, Val ............................... 89/46
Hergeir Grímsson, Selfossi ...................... 88/36
Breki Dagsson, Fjölni ................................ 86/27
Kristján Orri Jóhannsson, ÍR .................... 81/0
Birkir Benediktsson, Aftureld................... 81/0
Leó Snær Pétursson, Stjörnunni .............. 77/30
Tandri Már Konráðsson, Stjörnunni......... 76/0
Sturla Ásgeirsson, ÍR ................................ 75/35
Hákon Daði Styrmisson, ÍBV ..................... 75/31
Þorgrímur S. Ólafsson, Fram .................... 70/7
Þorsteinn G. Hjálmarsson, Aftureld ........ 68/0
Dagur Gautason, KA.................................. 67/6
Hafþór Már Vignisson, ÍR ......................... 66/0
Magnús Óli Magnússon, Val ..................... 65/5
Björgvin Þór Hólmgeirsson, ÍR ................. 62/2
Mörk/vítaköst, byggt á hbstatz.is
Markahæstir
Sigurður Ingiberg Ólafsson, ÍR ...... 178 35,0%
Arnór Freyr Stefánsson, Aftureld .. 155 32,3%
Lárus Helgi Ólafsson, Fram............ 150 33,6%
Davíð H. Svansson, HK.................... 147 32,1%
Phil Döhler, FH ................................ 144 32,5%
Jovan Kukobat, KA........................... 131 28,1%
Grétar Ari Guðjónsson, Haukum .... 121 36,0%
Daníel Freyr Andrésson, Val ........... 121 36,6%
Bjarki Snær Jónsson, Fjölni ............. 96 27,4%
Varin skot/hlutfall varinna skota, byggt á
hbstatz.is
Markvarslan
Haukur Þrastarson, Selfossi .......................... 80
Hafþór Már Vignisson, ÍR ................................ 56
Breki Dagsson, Fjölni ...................................... 54
Tumi Steinn Rúnarsson, Aftureldingu ........... 54
Einar Rafn Eiðsson, FH .................................... 51
Ásbjörn Friðriksson, FH .................................. 50
Atli Már Báruson, Haukum ............................. 48
Þorgrímur S. Ólafsson, Fram .......................... 45
Tjörvi Þorgeirsson, Haukum........................... 44
Patrekur Stefánsson, KA ................................ 43
Dagur Arnarsson, ÍBV ..................................... 42
Magnús Óli Magnússon, Val............................ 36
Aki Egilsnes, KA............................................... 35
Fannar Þór Friðgeirsson, ÍBV .......................... 35
Tandri Már Konráðsson, Stjörnunni ............... 35
Árni Steinn Steinþórsson, Selfossi ................ 32
Kristján Örn Kristjánsson, ÍBV ....................... 32
Andri H. Friðriksson, Fram .............................. 32
Birkir Benediktsson, Aftureldingu.................. 31
Byggt á hbstatz.is
Stoðsendingar