Fréttablaðið - 02.02.2020, Qupperneq 8
Frá degi til dags
Halldór
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Jóhanna Helga Viðarsdóttir RITSTJÓRAR: Davíð Stefánsson david@frettabladid.is, Jón Þórisson jon@frettabladid.is,
MARKAÐURINN: Hörður Ægisson hordur@frettabladid.is FRÉTTABLAÐIÐ.IS: Sunna Karen Sigurþórsdóttir sunnak@frettabladid.is.
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum
án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir kolbrunb@frettabladid.is
LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Í öllum
þessum
ótíðindum er
mikilvægt að
við æðrumst
ekki, heldur
höldum ró
okkar.
Kvikmynda-
borgin
Reykjavík
þarf heimili
fyrir kvik-
myndirnar.
Jón
Þórisson
jon@frettabladid.is
Á frettabladid.is
finnur þú Fréttablaðið í
dag og safn eldri blaða.
Lestu Fréttablaðið
þegar þér hentar á
frettabladid.is
Bíó Paradís verður lokað frá og með 1. maí og öllu starfsfólki þess hefur verið sagt upp störfum. Svo hljóðuðu fréttir síðastliðinn fimmtudag um lokun
starfsemi menningarhússins Bíó Paradís. Um árabil
hefur borgin beitt sér fyrir öflugu kynningarstarfi í
þágu Kvikmyndaborgarinnar Reykjavík. Kynningar-
deildin Film in Iceland, undir hatti Íslandsstofu og
atvinnuvega- og nýsköpunarráðs, var sett á laggirnar
sérstaklega til þess hampa Reykjavík sem vænlegum
tökustað og til þess að auka sóknarfæri íslenskrar
kvikmyndagerðar. Í ljósi þess að framtíð menningar-
hússins Bíó Paradísar er ógnað, velti ég fyrir mér hvort
yfirvöld og borgarstjórn sjái virkilega ekki harminn í
því að missa þessa mikilvægu stofnun sem er jafnframt
eina kvikmyndahús sinnar tegundar á Íslandi. Svo ég
vitni í Sigríði Pétursdóttur kvikmyndafræðing. „Eina
kvikmyndahúsið sem sýnir fjölbreyttar kvikmyndir
frá öllum heimshornum, sinnir kvikmyndahátíðum, og
kvikmyndamenntun barna og unglinga. Framúrskar-
andi kvikmyndagerð þjóða verður ekki til í tómarúmi.“
Þegar ég starfaði hjá Alþjóðlegri kvikmyndahá-
tíð í Reykjavík fékk ég tölvupóst frá einum þekktasta
gagnrýnanda samtímans, Peter Debruge hjá Variety.
Hann vildi fræðast meira um Svarta sunnudaga, elskaði
Bíó Paradís og sagði að andinn í húsinu veitti honum
innblástur og það gerir hann svo sannarlega líka fyrir
okkur sem elskum kvikmyndir. Bíó Paradís er vin í
eyðimörkinni, staður þar sem við getum heimsótt
gamla vini á borð við Bergman, Kubrick og Hitchcock
og nýja vini á borð við Yorgos Lanthimos, Bong Joon Ho
og Ari Aster. Staður sem fræðir og sameinar, staður þar
sem ég hef hlegið og grátið. Nú þegar allir keppast óðum
við að hylla velgengni Hildar Guðna, get ég ekki annað
en velt vöngum yfir samvitund okkar sem þjóð. Þegar
vel gengur viljum við vera Kvikmyndaborgin Reykja-
vík, en velgengnin er ekki einungis mæld í peningum
eða verðlaunagripum. Kvikmyndaborgin Reykjavík
þarf heimili fyrir kvikmyndirnar. Ávinningurinn er
skýr og auðæfin eru ómetanleg.
Kvikmyndaborgin
Reykjavík
Tatiana
Hallgrímsdóttir
nemi og kvik-
myndaunandi
Nýliðinn janúar, einn dimmasti mánuður ársins, var óvenjulega tíðindamikill hér á þessu landi. Fjölmargir atburðir hafa orðið sem hafa rótað upp í hugum okkar. Íllviðri, náttúruhamfarir og hörmuleg
slys. Margir eiga um sárt að binda eftir þessi atvik og
flestir eiga erfitt að setja sig í spor þeirra sem misst
hafa ástvini, lífsviðurværi eða bíða milli vonar og ótta
um afdrif slasaðra. Og suður með sjó byltir jörðin sér
og ugg setur að íbúum svæðisins.
Við bættist svo að fréttir tóku að berast af smit-
sótt sem upphaflega upptök sín í Wúhan í Kína í lok
síðasta árs og hefur nú á undraskjótum tíma breitt sig
um fleiri lönd og álfur.
Þeir sem komnir eru til vits og ára muna eftir SARS
eða HABL, heilkenni alvarlegrar bráðrar lungnabólgu,
veirusótt sem geisaði árið 2003. Í byrjun febrúar það
ár bárust fregnir af því að lungnabólgu af ókunnum
völdum hefði orðið vart í Guangdonghéraði í Kína. Svo
kom í ljós að orsök hennar var veira af nýjum stofni
kórónaveiru, en veiran sú var þegar þekkt sem ein af
fjölmörgum orsökum kvefs.
HABL breiddist út um Kína árið 2003 og svo til
annarra landa og heimsálfa. Þegar faraldurinn var
liðinn hjá höfðu nær 8.500 manns sýkst og yfir 800
látist af hennar völdum. Komið var í veg fyrir frekari
útbreiðslu hennar með einangrun tilfella og að hafa
uppi á öllum sem smituðust og koma þeim í einangrun
og rjúfa þannig smitleiðir.
Margt er líkt með HABL og Wúhan-veirunni nú.
Þegar þetta er skrifað hafa nær fimmtán þúsund
manns sýkst af veirunni og yfir þrjúhundruð eru
látnir. Og staðfestar eru sýkingar hér í nágrenninu, í
Skandinavíu og á Bretlandseyjum. Vart þarf að efast
um að hún mun ná til landsins fyrr en varir.
Landspítalinn hefur þegar gert ráðstafanir til að
takast á við hana þegar svo verður. Í Fréttablaðinu á
laugardag greinir frá umfangsmiklum aðgerðum í því
skyni.
Það er ólíkt nú og þegar HABL var og hét að þeir
sem verst verða úti vegna Wúhan veirunnar eru þeir
sem veilir eru fyrir og hafa undirliggjandi sjúkdóma.
Dánartíðni er því lægri en þá, eða um tveir af hundr-
aði. Það dregur þó ekki úr alvarleika ástandsins.
Í öllum þessum ótíðindum er mikilvægt að við
æðrumst ekki, heldur höldum ró okkar. Við búum vel
af sérþekkingu heilbrigðisstarfsmanna hér heima og
vitum að allt er gert sem skynsamlegt er til að verjast
úrbreiðslunni. Jafnframt er ekki annað að sjá en að
skipulag heilbrigðismála á heimsvísu sé traust og á
vegum Alþjóða heilbrigðisstofnunarinnar una menn
sér ekki hvíldar í baráttunni gegn óværunni.
Við ættum því að geta haldið áfram okkar daglega
lífi þó við gerum smávægilegar breytingar á háttum
okkar. Í því sambandi hafa heilbrigðisyfirvöld hér-
lendis bent á mátt handþvottarins. Hann virki best
sem vörn.
Ef dæma má af viðureigninni við HABL fyrir þrettán
árum vitum við að ráðið verður að niðurlögum Wúhan
veirunnar áður en langt um líður og hennar verður
síðar aðallega getið í sögubókum, alveg eins og þá.
Veiran
Ein á varamannbekknum
Óvenju margt var um varaþing
manninn á Alþingi í síðustu viku
þegar þingmenn voru úti um allar
koppagrundir að sinna alþjóða
starfi en til að mynda voru
Ásmundur Friðriksson, Bryndís
Haraldsdóttir, Guðjón S. Brjáns
son, Halla Signý Kristjánsdóttir,
Kolbeinn Óttarsson Proppé og
Lilja Rafney Magnúsdóttir öll
í Færeyjum á þriggja daga ráð
stefnu Vestnorræna ráðsins. Öll
kölluðu þau til varamann nema
Ásmundur sem hélt þannig Unni
Brá Konráðsdóttur, fyrrverandi
forseta þingsins, fjarri salnum.
Þegar heim var komið var
Ásmundur á faraldsfæti í kjör
dæminu og hafði gætur á veðri,
jarðhræringum og almanna
vörnum af alkunnri festu.
Sjálfstæður Suðurlandsskjálfti
Samkvæmt þingsköpum nýtur
þingmaður ekki þingfarar
kaups meðan varamaður hans
er á þingi nema fjarvist sé vegna
veikinda eða þingmaður sé fjar
verandi í opinberum erindum í
að lágmarki fimm þingdaga en
ekki er útilokað að prófkjörs
skjálfti sé kominn í Ásmund
vegna kosninga á næsta ári og
hann hafi því talið ráðlegt að
halda Unni Brá utan kastljóss
ins, en nokkrir áberandi karlar
í þingliði Sjálfstæðisflokksins
hafa áður att kappi við hana
í kjördæminu og iðulega haft
betur. Allur er þó varinn góður.
adalheidur@frettabladid.is
toti@frettabladid.is
3 . F E B R Ú A R 2 0 2 0 M Á N U D A G U R8 S K O Ð U N ∙ F R É T T A B L A Ð I Ð
SKOÐUN