Fréttablaðið - 02.02.2020, Blaðsíða 12
Ég valdi Dortmund af því
að allt við félagið heillaði
mig. Þetta er risa félag. Þegar ég
tala um þetta, þá byrja ég að brosa
af því að mér líst vel á allt hjá
félaginu. Svo það er ástæðan fyrir
því að ég valdi Dortmund. Þetta er
frábær deild og ég tel að hún muni
henta mér vel.
Erling Braut Håland um hvers vegna hann
valdi Dortmund
3 . F E B R Ú A R 2 0 2 0 M Á N U D A G U R12 S P O R T ∙ F R É T T A B L A Ð I Ð
SPORT
Erling Braut Håland
er aldamótabarn, fæddur 21. júlí árið 2000 og á eldri bróður,
Astor ,og yngri systur, Gabrielle. Móðir hans er Gry Marita og
pabbinn Alf Inge Håland sem lék knattspyrnu lengi á Englandi,
fyrst með Nottingham Forest, svo Leeds og loks með Man
chester City. Erling er einmitt fæddur í Leeds og draumur hans
er að fagna Englandsmeistaratitli með liðinu. Það eru þó ekki
miklar líkur á að það gerist því Leeds menn eru að verða sér
fræðingar í því að komast ekki upp í úrvalsdeildina. Hann er
þó alinn upp í Bryne í Noregi og samkvæmt móður hans hafði
hann eins og flestir áhuga á fótbolta og handbolta en valdi
snemma fótboltann.
Erfiðasti hluti fótboltans er að koma
boltanum í net andstæðinganna
en Norðmanninum Erling Braut
Håland finnst það ekkert sérstak-
lega erfitt. Síðan hann gekk í raðir
Dortmund í janúar hefur hann
spilað í 136 mínútur og skorað sjö
mörk eða eitt mark á 20 mínútna
fresti. Það er ekki einu sinni hægt
að ljúga til um svona tölfræði. Hann
spilaði sinn fyrsta leik í byrjunar-
liði Dortmund um helgina gegn
Union Berlin og skoraði tvö mörk
í stórsigri liðsins 5-0. Enginn hefur
verið fljótari í sjö mörk í þýska bolt-
anum. Jadon Sancho skoraði einnig,
en hann varð yngsti leikmaðurinn
í sögu deildarinnar til að skora 25
mörk. Sancho verður tvítugur í
mars en Håland verður tvítugur í
júní. Með sama áframhaldi verður
Norðmaðurinn kominn með 25
mörk eftir fjóra leiki og endar tíma-
bilið með 63 mörk en Dortmund á
14 leiki eftir.
Erling er fæddur í Leeds en flutti
snemma heim til Noregs og ólst
upp í Bryne, sem er svipað stór og
Akureyri. Hann vakti snemma
áhuga stórliða utan Noregs og
flestir bjuggust við að hann myndi
yfirgefa heimaslóðirnar í Bryne til
að takast á við Evrópu. Juventus og
Bayer Leverkusen eru sögð hafa lagt
fram tilboð en hann valdi þó að fara
til Molde þar sem hann var undir
stjórn Ole Gunnar Solskjær. Annað
markið hans fyrir Molde var sigur-
mark gegn Viking frá Stavangri.
Håland fannst það ekkert sérstak-
lega leiðinlegt og ögraði stuðnings-
mönnum þeirra. Það fór ekkert sér-
staklega vel í nokkra Norðmenn. Að
svona ungur gutti væri með stæla.
Björn Bergmann Sigurðarson, sem
þá var að standa sig vel með Molde,
sagði eftir leikinn að guttinn gæti
ekki hagað sér svona og hann yrði
að læra að haga sér. Hann gerði það
svo sannarlega. Hann hafði alltaf
æft vel og mikið en hann tók sig
til og fór að lyfta af krafti. Á fyrsta
heila tímabilinu sínu spilaði hann
30 leiki, skoraði 16 mörk og lagði
upp fjögur í öllum keppnum. Það
er rosaleg tölfræði hjá gutta sem var
varla kominn með bílpróf.
Manchester United hafði mikil
tengsl við Solskjær og sendi
njósnara til að kíkja á strákinn
gegn Brann. Á 21 mínútu var
Håland búinn að skora fjögur.
Hann náði að skora þrennu á 11
mínútum og tveimur sekúndum
betur. Eftir leikinn sagði Solskjær
að Håland minnti sig á leikstíl
Romelu Lukaku og félagið hefði
neitað f jölmörgum tilboðum í
markamaskínuna. Hann var eðli-
lega valinn efnilegasti leikmaður
Noregs og samdi við RB Salzburg,
skref sem virtist mjög rökrétt enda
snáðinn aðeins 18 ára og nægur
tími. En Håland er ekkert að hika.
Í fyrstu 15 leikjunum sínum með
nýja liðinu skoraði hann heil 18
mörk, þar af fjórar þrennur. Samt
voru nokkrir vitleysingar að efast
um ágæti hans og rökin voru frekar
einföld. Það er ekkert mál að skora
í Noregi og Austurríki. Það var í
raun ekki fyrr en Salzburg fór að
spila í Meistaradeildinni að þessar
raddir þögnuðu. Núna þegar 16
liða úrslitin í Meistaradeildinni eru
handan við hornið er ekki úr vegi að
rifja upp að Håland er næst marka-
hæstur í keppninni með átta mörk.
Aðeins Robert Lewandowski hefur
skorað meira. Alls skoraði hann 28
mörk og lagði upp fimm mörk í 22
leikjum fyrir Salzburg.
Dortmund tilkynnti að félag-
ið hefði keypt Norðmanninn og
skrifaði hann undir fjögurra ára
samning. Sagt var frá því hvernig
Dortmund fór að því að næla sér
í undirskriftina hans á íþrótta-
vefnum The Atletic. Þar segir að
Dortmund hafi byrjað að fylgjast
með Erling árið 2016. Matthias
Sammer, gamla goðsögn liðsins,
fór meira að segja og kíkti hvernig
hann æfði. Félagið vantaði níu.
Einhvern sem passaði inn í kerfið
hans Lucien Favre þjálfara. Liðið er
skipað fullt af ungum mönnum og
leikmenn vildu fá Håland til liðsins.
Svo mikið að Daninn Thomas Del-
any bjargaði Whatsapp númerinu
og fóru leikmenn að senda honum
skilaboð í massavís. Myndbönd
fylgdu af æfingasvæðinu og skila-
boð um hvað það væri gaman á
æfingum. Liðið fékk forstjóra Puma,
Björn Gulden, sem er, eins og nafnið
gefur til kynna Norðmaður og spil-
aði með Bryne í gamla daga. Dort-
mund spilar í Puma og Håland átti
að verða stjarna merkisins. Hann
sagði reyndar nei við því tilboði og
samdi aftur við Nike. Manchester
United, Juventus og RB Leipzig sátu
eftir með sárt ennið.
Það er hálf kostulegt að Man-
chester United skuli ekki hafa
tryggt sér undirskrift Håland en
miðað við hvernig Dortmund
nýtti sér nútímann er gamla stór-
veldið trúlega enn að senda fax.
Félagaskiptafarsinn sem er í gangi
á Old Trafford skemmtir stuðnings-
mönnum annara liða en þegar liðið
sárvantaði framherja um helgina
gegn Úlfunum nuddaði Håland
smá salti í sárin með sínum tveimur
mörkum. Á meðan Manchester liðið
hefur aðeins skorað fjögur mörk á
árinu er Håland kominn með sjö.
Ekki að hann sé eitthvað á leið-
inni þangað. Pabbi hans spilaði
með Leeds og Manchester City
og Roy Keane reyndi að gera út af
við pabba hans. Ekki þurfa stuðn-
ingsmenn Manchester liðsins að
örvænta. Odion Ighalo frá Nígeríu
er mættur til Manchester frá Shang-
hai Shenhua í Kína.
Skorar á 20
mínútna fresti
Erling Braut Håland reimaði á sig takkaskó um
helgina sem þýðir að hann hafi skorað. Að þessu
sinni skoraði hann tvö fyrir nýja liðið sitt Dort-
mund en hann er búinn að skora sjö mörk í þremur
leikjum síðan hann gekk í raðir þýska liðsins.
Draumurinn er að
vinna ensku úrvals-
deildina með Leeds. Mark-
miðið er samt að verða betri
leikmaður en pabbi var. Ég
vonast allavega til að ná
fleiri landsleikjum en hann.
Erling Braut Håland
við Aftenposten árið 2017
HETJA HELGARINNAR