Fréttablaðið - 28.02.2020, Síða 38

Falasteen Abu
Libdeh segir
Eimskip leggja
mikla áherslu á
umhverfismál.
FRÉTTABLAÐIÐ/
ERNIR
Eimskip setti sér stefnu í sam-félagsábyrgð árið 2017 sem er byggð á UFS-leiðbeiningum
frá Kauphöllinni. UFS inniheldur
33 mælikvarða sem auðvelda
birtingu upplýsinga á skýran
og aðgengilegan hátt er varðar
umhverfi, samfélag og stjórnar-
hætti.
„Leiðbeiningarnar hjálpa okkur
með markmiðasetningu, mælingar
og birtingu á upplýsingum varð-
andi samfélagsleg málefni fyrir
fjárfesta og aðra hagsmunaaðila.
Þannig getum við fylgst betur með
markmiðum okkar og fylgt þeim
eftir,“ segir Falasteen Abu Libdeh,
sérfræðingur hjá mannauðssviði
Eimskips.
Með alþjóðleg gildi
að leiðarljósi
Eimskip er þátttakandi í UN
Global Compact sem er hvati Sam-
einuðu þjóðanna til samfélags-
ábyrgðar fyrirtækja og stofnana að
því er varðar mannréttindi, vinnu-
markað, umhverfi og aðgerðir
gegn hvers kyns spillingu.
Félagið hefur með þátttöku
sinni skuldbundið sig til að haga
sínum rekstri þannig að hin tíu
grundvallarmarkmið UN Global
Compact verði samtvinnuð stefnu
félagsins, menningu og daglegri
starfsemi.
Eimskip er einnig aðili að Festu,
miðstöð um samfélagsábyrgð,
sem hefur það markmið að auka
þekkingu á samfélagslegri ábyrgð
fyrirtækja, og efla getu fyrirtækja
til að tileinka sér samfélagslega
ábyrga starfshætti.
Bjóða viðskiptavinum
yfirlit yfir kolefnisspor
Eimskip var meðal fyrstu
fyrirtækja á Íslandi sem settu sér
umhverfisstefnu árið 1991. „Við
teljum mikilvægt að fyrirtæki af
okkar stærðargráðu séu til fyrir-
myndar og leiðandi í umhverfis-
málum á vinnumarkaðnum. Það
er mikilvægt að fyrirtæki séu með-
vituð um áhrif sín á umhverfi og
samfélag og setji sér skýra stefnu í
þeim málum,“ segir Falasteen.
„Markmið okkar er að ná góðum
árangri í umhverfismálum og
málum sem tengjast sjálf bærni á
öllum sviðum.“
Árið 2015 undirritaði Eim-
skip yfirlýsingu um loftslagsmál
sem felur í sér að draga úr losun
gróðurhúsalofttegunda, lág-
marka neikvæð umhverfisáhrif
með markvissum aðgerðum,
mæla árangurinn og gefa reglu-
lega út upplýsingar um stöðuna.
Eitt markmiðanna sem fyrir-
tækið hefur sett sér er að minnka
kolefnisspor sitt um 40% á flutta
einingu til ársins 2030 og er tekið
tillit til þess í allri ákvarðanatöku í
rekstrinum.
„Það var strax lögð áhersla á
stafræna söfnun og úrvinnslu
gagna vegna umhverfismála í sam-
starfi við Klappir grænar lausnir
hf. Við erum stolt af árangrinum
sem hefur náðst en kolefnisspor
okkar hefur dregist saman um 14,2
prósent frá árinu 2015 til ársins
2019, en betur má ef duga skal og
við erum hvergi nærri hætt,“ segir
Falasteen.
Þar sem Eimskip fylgist svo
vel með kolefnisspori sínu og
gerir allar þær mælingar sem
þarf getur fyrirtækið líka boðið
viðskiptavinum sínum að fá sitt
kolefnisspor reiknað. „Við bjóðum
kolefnisreiknivél á vefsíðunni
okkar þar sem hægt er að áætla
kolefnisfótspor í f lutningum en
einnig bjóðum við viðskiptavinum
okkar að fá nákvæmt yfirlit yfir
sitt kolefnisspor í f lutningum á sjó
og í akstri innanlands. Með því að
upplýsa aðra erum við líka að gera
okkar hlut í heildarmyndinni og
við trúum því að ef allir eru með-
vitaðir getum við í sameiningu
náð ótrúlegum árangri,“ segir
Falasteen.
Fyrstu rafrænu
skipadagbækur heims
Falasteen segir að Eimskip sé
leiðandi í heiminum í notkun á
rafrænum dagbókum í skipum.
Rafrænar dagbækur gera það
mögulegt að tryggja rétta skrán-
ingu á umhverfisþáttum um
borð í skipum félagsins og skila
upplýsingum til hagaðila hvort
sem það eru viðskiptavinir, hafnir
eða alþjóðlegar stofnanir á hvaða
tíma sem er. Eimskip var fyrsti
viðskiptavinur Klappa (þá Ark
Technology) árið 2014 og fór þá af
stað vinna við að þróa rafrænar
skipadagbækur.
„Eimskip vinnur náið með
Klöppum að því að innleiða staf-
ræna tækni til að fylgjast með
vistspori félagsins mánuð fyrir
mánuð. Öll upplýsingagjöf um
umhverfismál er skilvirk en félag-
ið skilar inn til opinberra aðila
umfangsmiklu umhverfis- og UFS-
uppgjöri árlega,“ segir Falasteen.
Önnur verkefni tengd umhverf-
ismálum sem Eimskip hefur unnið
að er nýr krani við Sundahöfn sem
nefnist Straumur og er að fullu
rafknúinn. Kraninn skilur því ekki
eftir sig kolefnisfótspor í rekstri.
Fyrirtækið er einnig í samstarfi við
Pure North varðandi umhverfis-
vænni endurvinnslu á plasti sem
fellur til í starfsemi félagsins. Pure
North er einstakt endurvinnslu-
fyrirtæki sem endurvinnur plast
með jarðvarma sem losar mjög
lítið CO2.
Stefnt er á að sameina alla
starfsemi höfuðstöðva Eim-
skips í Reykjavík undir eitt þak á
árinu og starfa í verkefnamiðuðu
vinnurými. Þannig verður nýting
húsnæðis betri en einnig verða
til önnur tækifæri sem snerta
umhverfismál, svo sem minni
vatns- og rafmagnsnotkun og
fleira. Eimskip er á vegferð papp-
írsleysis sem að sögn Falasteen
gengur vel.
„Við höfum minnkað pappírs-
notkun um 23% á milli ára í starf-
seminni okkar og erum að vinna
að því að rafvæða sem mest af
skjalavinnslunni okkar.“
Jöfn tækifæri og
öryggið í fyrirrúmi
Falasteen segir Eimskip leggja
ríka áherslu á jafnrétti og jöfn
tækifæri. „Við fengum jafnlauna-
vottun í ár. Við erum afskaplega
ánægð með þau jákvæðu skref
sem hafa verið tekin í jafnréttis-
málum og munum halda ótrauð
áfram á sömu braut.“
Ný styrktarstefna er komin í
framkvæmd hjá fyrirtækinu en
helstu áherslur eru umhverfismál
á sjó og landi, öryggi og forvarnir.
„Eitt stærsta styrktarverkefnið
okkar er hjálmaverkefnið í sam-
starfi við Kiwanis en síðan 2004
höfum við gefið öllum 6 ára
börnum hjólahjálm á hverju vori.
Verkefnið rímar vel við styrktar-
stefnuna okkar þar sem við ein-
blínum meðal annars á öryggis-
mál, bæði í leik og starfi,“ segir
Falasteen.
Leiðandi á sviði umhverfismála
Eimskip vinnur markvisst að verkefnum tengdum umhverfi og samfélagi og tekur ábyrgðarhlut-
verk sitt alvarlega. Félagið var eitt fyrsta fyrirtækið á Íslandi til að setja sér umhverfisstefnu.
Verkefni sem minnka kolefnisspor skipaflotans
n Sorplosun frá skipunum er
haldið í lágmarki og sífellt
strangari reglum þar um fylgt.
n Skipin fylgja alþjóðlegum
reglum um dælingu og út-
skiptingu á kjölfestuvatni
sem settar eru til að takmarka
lífefnamengun.
n Notast er við stjórnkerfi til að
minnka olíueyðslu skipanna.
n Mælingar eru gerðar á nýtingu
skipanna miðað við elds-
neytisnotkun til að minnka
útblástur gróðurhúsaloft-
tegunda.
n Umhverfisvænar smurolíur
settar á búnað sem liggur að
sjó.
n Tvö gámaskip eru í smíðum í
Kína.
n Notast er við umhverfisvæna
botnmálningu á skipin.
n Skipin verða útbúin góðum
stjórnbúnaði og verða mun
umhverfisvænni en eldri skip
félagsins.
n Þau verða með ísklassa og eru
hönnuð með tilliti til heim-
skautaskilyrða.
n Þau verða með TIER III vél sem
er sérstaklega útbúin til að
draga úr útblæstri köfnunar-
efnis.
n Skipin hafa innbyggðan olíu-
hreinsibúnað sem lágmarkar
brennisteinsútblástur.
Við teljum mikil-
vægt að fyrirtæki
af okkar stærðargráðu
séu til fyrirmyndar og
leiðandi í umhverfis-
málum á vinnumark-
aðnum.
Falasteen Abu Libdeh
22 KYNNINGARBLAÐ 2 8 . F E B R ÚA R 2 0 2 0 F Ö S T U DAG U RSAMFÉLAGSÁBYRGÐ FYRIRTÆKJA