Fréttablaðið - 04.12.2019, Blaðsíða 10

Bakið er frábært
miðað við síðustu
ár og loksins finnst mér ég
vera orðin heil heilsu.
Eygló Ósk Gústafsdóttir
SUND Eygló Ósk Gústafsdóttir er
ekki eini íslenski keppandinn sem
keppir á EM í 25 metra laug að þessu
sinni, en átta Íslendingar munu
synda í Glasgow næstu dagana.
Kristinn Þórarinsson, samherji Ey­
glóar Óskar úr Fjölni, mun keppa í 50
og 100 metra baksundi og 100 og 200
metra fjórsund.
Anton Sveinn McKee, Dadó
Fenrir Jasminuson, Jóhanna Elín
Guðmundsdóttir og Ingibjörg
Kristín Jónsdóttir, sundfólk úr SH,
munu synda í einstökum greinum.
Samherji þeirra hjá SH Kolbeinn
Hrafnkelsson mun svo taka þátt í
boðsundi. Dadó og Jóhann keppa í
50 metra skriðsundi og 100 metra
skriðsundi og Jóhanna keppir í 50
metra flugsundi. Ingibjörg Kristín
mun synda í 50 metra baksundi,
50 metra flugsundi, 50 metra skrið­
sundi og Anton Sveinn syndir í 50,
100 og 200 metra bringusundi. Snæ­
fríður Sól Jórunnardóttir sem syndir
fyrir danska liðið AGF verður svo á
meðal þátttakenda á mótinu en hún
syndir 50, 100 og 200 metra skrið­
sund. Þjálfarar íslenska liðsins eru
Mladen Tepavcevic og Bjarney Guð­
björnsdóttir, Hilmar Örn Jónasson
er fararstjóri íslenska hópsins og
Hlynur Skagfjörð Sigurðsson er
sjúkraþjálfari. – hó
Ísland verður með átta
fulltrúa á EM í Glasgow
Anton Sveinn er líklegur til afreka í Skotlandi. NORDICPHOTOS/GETTY
SUND Í dag eru fjögur ár síðan Eygló
Ósk Gústafsdóttir tryggði sér önnur
bronsverðlaunin í röð á EM í 25
metra laug, þegar mótið fór fram
í Ísrael, þegar hún hefur keppni
á sama móti í Skotlandi. Með því
varð hún fyrsta íslenska konan til
að vinna til verðlauna á stórmóti
í sundi. Eygló var í árslok kosin
íþróttamaður ársins af Samtökum
íþróttafréttamanna og keppti
til úrslita í 200 metra baksundi á
Ólympíuleikunum í Ríó 2016 en
undanfarin ár hefur hún minna
náð að beita sér vegna erfiðra bak­
meiðsla sem tóku sig upp árið 2017.
Í ár tók að birta til og keppti Eygló
bæði á Smáþjóðaleikunum og á HM
í 50 metra laug ásamt því að vinna
100. Íslandsmeistaratitilinn í vor.
„Ég hef ekki verið jafn góð í bakinu
síðan meiðslin tóku sig upp sem er
jákvætt. Við höfum fyrir vikið verið
að reyna að auka álagið á æfingum í
von um að ná upp fyrri styrk. Ég er
búin að vinna með nýjum styrktar­
þjálfara í vetur síðan við komum
heim frá HM ásamt því að vinna með
sjúkraþjálfara og við höfum náð frá­
bærum árangri í að byggja upp bakið
á ný. Bakið er frábært miðað við síð­
ustu ár og í fyrsta sinn í langan tíma
finnst mér ég vera alveg heil heilsu,“
segir Eygló spurð út í heilsuna og
heldur áfram:
„Auðvitað förum við varlega en
við erum að reyna að taka skref fyrir
skref við að ná sama styrk í bakið
og það eru spennandi tímar fram
Spennandi tímar fram undan
Sundkonan Eygló Ósk
Gústafsdóttir er búin
að ná sér af erfiðum
bakmeiðslum og er ein
af átta fulltrúum Ís-
lands á EM í 25 metra
laug sem hefst í dag. Í
gær voru fjögur ár liðin
síðan Eygló komst fyrst
íslenska kvenna á verð-
launapall á stórmóti.
undan. Æfingaálagið er að aukast
og það eru bara bætingar í vændum.“
Aðspurð segist Eygló ekki vera
búin að setja sér nein markmið um
ákvæðin sæti á EM, hún sé aðeins að
einblína á að taka framförum.
„Tilfinningin er frábær að vera
komin aftur á þetta stig að vera að
keppa á Evrópumótinu. Það kemur
ákveðið hugarfar hjá manni og
kemur manni í gír fyrir næsta ár. Það
er erfitt að segja hverjar væntingarn­
ar eru en markmiðið er að synda eins
hratt og ég get, að bæta tímann frá
ÍM og sjá hverju það skilar mér,“ segir
Eygló sem tekur undir að keppnis­
skapið muni ef til vill taka við þegar
komið er að keppninni.
„Það eina sem ég hugsa út í núna
eru bætingar en auðvitað kemur
ákveðinn eldur inn í mann þegar
komið er í keppendaherbergið og
adrenalínið fer á fullt. Það verður
gaman að byrja þetta strax í dag í
100 metrunum.“
Eygló stefnir á sína þriðju Ólymp­
íuleika næsta sumar og segist meðal
annars horfa til lágmarkstímans
fyrir ÓL um helgina.
„Það er auðvitað eitt af því sem
maður horfir á, að ná lágmarkinu
fyrir Tókýó. Að komast til Tókýó
er markmiðið númer eitt þetta
árið. Það verður öllu tjaldað til að
taka framförum og komast með til
Tókýó.“
Eygló gengst við því að vera
reynsluboltinn í hópnum enda búin
að vera ein fremsta sundkona lands­
ins undanfarin ár. „Ég er með þeim
reynslumeiri,“ segir hún glottandi og
heldur áfram:
„Þetta er frábær hópur hérna í
Glasgow og það verður gaman að
sjá hvað við förum langt.“
Hún tekur undir að það sé
skemmtilegt að hefja keppni fjórum
árum eftir að hafa unnið til brons­
verðlaunanna.
„Ég fékk einmitt áminningu á
Facebook í gær um það að, það væru
fjögur ár frá bronsinu í Ísrael. Það var
gaman að rifja það upp þótt það sé
ótrúlegt að það séu fjögur ár liðin.“
kristinnpall@frettabladid.is
Berum ábyrgð á eigin heilsu
Náttúrulækningafélag Reykjavíkur heldur Kærleiks- og kyrrðarstund
fimmtudaginn 5. desember kl. 19:30 í Áskirkju við Vesturbrún í Reykjavík
Dagskrá kvöldsins:
Kærleiks- og kyrrðarstund
Allir velkomnir
Aðgangur 500 kr.
- frítt fyrir félagsmenn
Heilsan um jólin
- Geir Gunnar Markússon næringarfræðingur
Æviskeið Vatnajökuls og mannsbarns
- Steinunn Sigurðardóttir rithöfundur
Slökun - Guðrún Ásta Gunnarsdóttir jógakennari
Jólatónlist - Mummi úr Klaufunum tekur nokkur jólalög
Veitingar - Jurtate, smákökur og jólaglaðningur
4 . D E S E M B E R 2 0 1 9 M I Ð V I K U D A G U R10 S P O R T ∙ F R É T T A B L A Ð I Ð
SPORT
Eygló Ósk sem keppir hér á HM í 50 metra laug sem fór fram í Suður-Kóreu er í fremstu röð í heiminum þegar kemur að baksundi. NORDICPHOTOS/AFP