Fréttablaðið - 19.12.2019, Page 49

Hvað?
Hvenær?
Hvar?
Fimmtudagur
hvar@frettabladid.is
19. DESEMBER 2019
Hvað? Afmælispartí Fischer
Hvenær? 17.00-19.00
Hvar? Fischersund 3
Fischer, ilmhús og upplifunar-
setur, býður öllum ilmgæðingum í
afmælispartí.
Hvað? Við kertaljós
Hvenær? 18.00
Hvar? Bústaðakirkja
Kór Bústaðakirkju flytur hátíðar-
lög. Enginn aðgangseyrir.
Hvað? Fundur um flugmál
Hvenær? 12.00-14.00
Hvar? Hótel KEA Akureyri
Staða Akureyrarflugvallar rædd.
TÓNLIST
Kammersveit Reykjavíkur
Verk eftir Gallo, Pergolesi,
Locatelli, Marcello, Vivaldi og
Veracini.
Norðurljós í Hörpu
Sunnudaginn 8. desember
Einleikarar: Laufey Jensdóttir og
Steiney Sigurðardóttir.
Ef maður er staddur á kaffihúsi
þá er ekki ólíklegt að Vivaldi sé á
fóninum. Tónlist hans er orðin að
klisju, hún er alltumlykjandi, eins
konar tónrænt veggfóður; lyftutón-
list heldra fólksins.
Margt eftir Vivaldi var vissulega
innblásið, eins og t.d. Árstíðirnar
og Stabat Mater, en sellókonsertinn
hans RV 415 í G-dúr, sem Steiney
Sigurðardóttir lék ásamt Kammer-
sveit Reykjavíkur á jólatónleikum
sveit a r inna r í Norðu rljósu m
í Hörpu, er ekki í þeim f lokki.
Tónlistin rann vissulega ljúf lega
niður, en laglínurnar voru fremur
litlausar og í heild varð tónlistin
aldrei sérlega áhugaverð. Skipti
þá engu að einleikurinn var hinn
glæsilegasti, bæði tær og yfirveg-
aður, og kraftmikill þegar við átti.
Steiney er greinilega frábær selló-
leikari og það var unaður að hlusta
á hana spila. Hröð tónahlaup léku
í höndunum á henni, tónmótunin
var fáguð og innileg. Gaman væri
að heyra hana leika eitthvað bita-
stæðara næst.
Grípandi stemning
Hinn einleikarinn á tónleikunum
var Laufey Jensdóttir fiðluleikari
og f lutti hún ásamt Kammersveit-
inni konsert í B-dúr eftir sam-
tíðarmann Vivaldis, Pergolesi.
Þekktasta verk hans ber heitið
Stabat Mater, rétt eins og áður-
nefnd tónsmíð Vivaldis, og hefur
hún hljómað oftar en einu sinni
á tónleikum. Hún er páskatengd,
tónræn hugleiðing um þjáningu
og endurlausn. Fiðlukonsertinn
sem nú var leikinn var talsvert
léttúðugri, laglínurnar voru fal-
legar og stemningin grípandi.
Laufey er magnaður fiðluleikari og
hún lék af gríðarlegri fagmennsku,
nákvæmni og innlifun. Útkoman
var einfaldlega dásamleg.
Kammersveitin sjálf var líka með
allt á hreinu, en leiðari hennar var
Una Sveinbjarnardóttir fiðluleik-
ari. Fiðlur, víólur, selló, bassi og
semball voru akkúrat og blönduð-
ust saman á einstaklega smekk-
legan máta. Túlkunin var ávallt
fyllilega í anda barokksins, sem var
leiðarstef tónleikanna. Mörgum
þykir barokktónlist jólaleg, enda
er hún gjarnan hátíðleg og glaðleg
í senn. Það átti við um alla dag-
skrána, sem samanstóð auk ein-
leikskonsertanna af La Cetra nr.
2 eftir Marcello, tríósónötu nr. 1
eftir Gallo, konsert nr. 11 eftir Loca-
telli og forleik nr. 6 eftir Veracini.
Í hinum síðastnefnda bættust tvö
óbó við heildarmyndina, sem varð
fyrir bragðið enn tignarlegri og
bjartari og afar ánægjuleg að upp-
lifa. Þetta voru f lottir tónleikar.
Jónas Sen
NIÐURSTAÐA: Framúrskarandi
flutningur á hátíðlegri, en um leið
fjörugri barokktónlist.
Fagmennska, nákvæmni og innlifun
Kammersveit Reykjavíkur var með allt á hreinu á tónleikum í Hörpu.
Camerarctica leikur Mozart.
Fy rstu ker t aljósatónleikar Camera rct ica a f fer nu m verða í kvöld í Hafnarfjarðar-
kirkju klukkan 21. Hinir verða í
Kópavogskirkju, Garðakirkju og
Dómkirkjunni. Þetta er 27. árið og
tónlist Mozarts leikin að vanda.
Meðal verka er strengjakvartett
sem Ármann Helgason, klarínettu-
leikari hópsins, segir Mozart hafa
samið sextán ára gamall. „Þá dvaldi
hann á Norður-Ítalíu og samdi sex
strengjakvartetta, alla létta, sól-
ríka og leikandi, með angurværum
hægum þætti. Sá sem við spilum
er k160, þannig að þarna er hann
búinn að semja 160 verk – algert
séní. En klarínettukvintettinn frá
síðustu æviárunum höfum við
oft f lutt áður, enda er hann alger
himnasending og eilífur brunnur
að sækja í. Það er gott fyrir bæði
okkur og áheyrendur að ganga að
einhverju vísu, því margir koma á
tónleikana ár eftir ár.“
Aðgangseyrir er kr. 3.500, og
kr. 2.500 fyrir nemendur og eldri
borgara. Frítt er inn fyrir börn. –gun
Kyrrð, Mozart og kertaljós
Jólagjöfin í ár. Vitamix Ascent
Verð frá 94.999
Vitamix Ascent serían á sér enga jafningja.
Mylja alla ávexti, grænmeti, klaka og nánast
hvað sem er. Nýtt útlit og öflugri mótor. Með
2 lítra könnu með öryggisloki sem þolir þvott í
þvottavél.
10 ára ábyrgð.

Kælitækni ehf. Rauðagerði 25 108 Rvk Sími 440-1800 www.kaelitaekni.is

25% afsláttur af
auka könnum
M E N N I N G ∙ F R É T T A B L A Ð I Ð 35F I M M T U D A G U R 1 9 . D E S E M B E R 2 0 1 9