Skessuhorn - 23.01.2019, Blaðsíða 14

MIÐVIKUDAGUR 23. JANÚAR 201914
Þegar Gísli Einarsson, dagskrár-
gerðarmaður, lífskúnstner og fyrr-
um ritstjóri Skessuhorns fagnaði
fertugsafmæli sínu 26. janúar 2007
færðu nokkrir vina hans honum að
gjöf norðlenskan Land Rover jeppa
af árgerð 1966. Bíll þessi hafði þá
lokið hefðbundnum skyldustörf-
um, en hann hafði m.a. dyggilega
þjónað þingeyskum bónda við bú-
skap í rúma tvo áratugi. Gjöfinni
var fylgt úr hlaði með þeim orð-
um að oft væri það svo að þeir eldri
hefðu vit fyrir þeim yngri og vísað
til þess að ökutækið væri þeim sér-
stöku hæfileikum búið að komast
alls ekki á sviptingarhraða. Gísla
þótti strax vænt um þennan grip
enda minnir hann á upprunann og
tengslin við íslenskar sveitir. Hann
hugðist með tíð og tíma gera bíl-
inn upp sér og fjölskyldunni til
ánægju. En tíð og tími leið, bílnum
hafði verið hýstur í hlöðu á Krossi
í Lundarreykjadal í rúman áratug
þar sem tímans tönn náðu að naga
í þann hluta bílsins sem ekki var
úr áli. Fuglar fundu sér þar með-
al annars hreiðurstað, enda róleg-
ur staður til búsetu allt fram í mars
á síðasta ári. Nú tólf árum síðar
eru að verða þáttaskil í sögu Land
Roversins og hafa vinir Gísla get-
að fylgst með þeirri þróunarsögu á
fésbókinni Upprisa Land Rovers-
ins. Frá því í mars hefur Gísli með
ómældri aðstoð vina og vanda-
manna unnið að uppgerð bílsins
sem fer vonandi á númer í þess-
ari viku og til skoðunar hjá Frum-
herja. Gísli stefnir á að endurvígja
bílinn á sjálfan afmælisdaginn.
Eigendasagan
En kíkjum fyrst á eigendasöguna
þessa bíls sem ber fasta númerið
DK-095. Fyrsti eigandi hans var
Þingeyingurinn Indriði Björns-
son sem eignaðist hann nýjan, þá
34 ára gamall, en bíllinn er fyrst
skráður á götuna 15. mars 1966.
Númer bílsins var Þ-1317 í eigu
Indriða. Indriði bjó á Víkinga-
vatni og Sultum en síðustu æviárin
á Húsavík. Hann var ókvæntur og
barnlaus en ein frænka hans minn-
ist Indriða með hlýhug og segir
m.a. í minningargrein: „En best af
öllu var þegar Indriði kom heim á
nýjum Land Rover og heimurinn
breytti um lit, stækkaði og víkkaði
í allar áttir. Á einu og sama sumr-
inu fengu litlu systkinin í Sultum
að líta staði eins og Hljóðakletta,
Hólmatungur, Mývatnssveit og
Þeistareyki. Þvílíkt dásemdar sum-
ar,“ skrifar Friðbjörg Hallgríms-
dóttir. En eftir að Indriði á Sult-
um seldi bílinn 22 árum síðar, má
segja að bíllinn hafi farið á ver-
gang, stoppaði stutt hverju sinni
í eigu samtals 13 eigenda á aðeins
fleiri árum. Átti meðal annars við-
komu á Selfossi, Akranesi, Bif-
röst, Akureyri og Húsavík. Gísli er
fimmtándi skráði eigandi bílsins,
hefur átt hann síðan 2007 eins og
fyrr segir.
Á Skarði og í Skipanesi
Eftir að ákveðið var að taka þenn-
an gamla og virðulega Land Rover
til viðgerðar fór Gísli með hann til
feðganna í Búhag á Skarði í Lund-
arreykjadal, þeirra Árna Ingvars-
sonar og sonanna Þorvaldar og
Hjálms. Þar er rekin vélsmiðja og
bílasprautunarverkstæði og að-
staða öll hin besta. „Landróver-
inn fékk inni á gamla verkstæðinu
þeirra Skarðsfeðga og þeir hafa
stutt þetta verkefni með ráðum og
dáð og Hjálmur sem er afskaplega
vandvirkur og flinkur bílasprautari
sá um alla málningarvinnuna. Ingi
Björn tengdasonur minn á hins-
vegar allan heiður að endurbygg-
ingunni. Ég gat rifið í sundur og
pússað gömlu málninguna í burtu
og svo voru vinir og vandamenn
nýttir eftir þörfum.“ Gísli seg-
ir að bíllinn hafi í raun verið tek-
inn í frumeindir. „Það eina sem við
létum vera var mótorinn, en fað-
ir minn Einar Gíslason frá Lundi
hafði eftir að ég eignaðist bílinn
skipt um mótor og komið þeim
þætti í lag. Pabbi lést hins vegar
tveimur árum eftir að ég eignaðist
bílinn. Hann var afskaplega áhuga-
samur um þetta verkefni og hefði
viljað gera honum meiri skil en
entist ekki heilsa og aldur til þess.
Það má hinsvegar segja að bíllinn
sé endurgerður í hans minningu í
staðinn,“ segir Gísli.
„Það heillegasta í bílnum var
náttúrlega allt sem gert er úr áli
og hluti af grindinni, sem hefur
einhvern tímann verið gert við
áður en ég eignast bílinn. Annað
var bókstaflega tekið burtu, sum-
ir boddýhlutir endursmíðaðir en
aðrir keyptir nýir. Við höfum lagt
áherslu á að bíllinn verði sem lík-
astur upprunalegri útgáfu. Reynd-
ar grunar mig að þessi verði jafnvel
fínni en þeir voru nýir. Við keypt-
um meðal annars nýjan vatns-
kassa, hurðar og annan sílsinn, öll
gúmmí, ljós, sæti og sitthvað fleira.
Þá hef ég viðað að mér ýmsum
íhlutum. Fékk til að mynda heilan
stuðara úr Kolbeinsstaðahreppn-
um, afturbita fékk ég á Hvítár-
völlum og nánast ónotuð dekk úr
Eyjafirði. Haukur Þórðarson, fé-
lagi minn, smíðaði nýtt grill og
bakvið hús á Skarði leyndust Land
Roverar á eftirlaunum sem ég gat
kroppað í og þannig mætti lengi
telja. Ingi Björn tengdasonur minn
er náttúrlega mikill hagleiksmaður
og fram úr hófi vandvirkur, ligg-
ur mér við að segja. Hann endur-
smíðaði meðal annars innri brett-
in, bensíntankinn, hvalbakinn nán-
ast frá grunni, lagaði bremsur og
pússaði upp nánast hverja skrúfu í
bílnum.“ Gísli segir að hver partur
fyrir sig hafi síðan verið sprautað-
ur í nýja klefanum á Skarði og það
er listavel gert. „Í mínum huga er
leitun að fallegri bíl eftir að rétti
liturinn er kominn á hann. Þegar
ég fékk hann var hann í KR litun-
um og það er ekki hægt að láta sjá
sig á þannig farartæki hér um slóð-
ir! Þegar kom að því að setja bílinn
saman var hann fluttur í búvéla-
verkstæðið í Skipanesi í Hvalfjarð-
arsveit. Ingi Björn vinnur í Skipa-
nesi og þessvegna var þægilegt að
hafa hann hér í lokafráganginum.
Síðustu vikur hafa verið afskaplega
skemmtilegar því smátt og smátt
hefur Land Róverinn verið að taka
á sig rétta mynd.“
Til víða um heim
Gísli segir að mikið sé til af vara-
hlutum í Land Rover jeppana, ekki
ósvipað og í Ferguson dráttarvél-
arnar sem margar hafa runnið í
endurnýjun lífdaga af þeim sök-
Upprisa Land Roversins:
Ríflega fimmtugur Land Rover á
götuna eftir gagngera viðgerð
Land Rover árg. 1966, sem bera mun hér eftir númerið M-122.
Gísli eignaðist bílinn á fertugsafmælinu. Nú tólf árum síðar.
Gísli blettar og gerir fínt á lokametrunum. Hér er uppbyggingarstarfið hafið og eigandinn að ryðverja. Gísli og Ingi tengdasonur hans, sem á hvað stærstan þátt í endur-
smíði bílsins.