Skessuhorn - 31.07.2019, Blaðsíða 10

MIÐVIKUDAGUR 31. júLí 201910
Framkvæmdir við Grunnskólann
í Borgarnesi eru nú komnar langt
á veg og áætlað er að afhenda fyrri
hluta framkvæmdanna í næsta mán-
uði. Fyrirtæki Eiríks j. Ingólfssonar
húsasmíðameistara, EjI ehf., hefur
séð um verkið síðasta árið og hefur
gengið vel og allt samkvæmt áætl-
un að sögn Kristófers Ólafssonar,
verkstjóra framkvæmdanna. „Það
hefur gengið vonum framar hjá
okkur og við erum á fullu að leggja
lokahönd á þennan fyrri áfanga,“
segir Kristófer ánægður en fer þó
varlega í að áætla sérstaka dagsetn-
ingu. „Það eina sem hefur tafið
okkur er í rauninni að við erum að
bíða eftir efni og slíku. Þrátt fyrir
það þá hefur gengið vel og öll starf-
semi verður komin á fullt í þessum
nýja og uppfærða hluta skólans í
ágúst,“ bætir hann við.
í fyrri áfanga var gert ráð fyr-
ir viðbyggingu sem inniheldur sal
skólans og eldhús ásamt björtu
kennslurými fyrir yngsta stig skól-
ans á annarri hæð. Allar list- og
verkgreinastofur skólans verða end-
urgerðar á fyrstu hæð, en þar verða
stofur fyrir heimilisfræðikennslu,
smíðakennslu, textíl- og mynd-
menntakennslu. Verður öll aðstaða
til kennslu fyrir nemendur og starfs-
fólk til fyrirmyndar. Stefnt verður
að því að efna til nafnasamkeppni
á sal skólans meðan nemenda og
kennara þegar skólinn hefst í haust.
Þegar skólastarf er komið vel á veg
verður íbúum Borgarbyggðar einn-
ig boðið að koma í heimsókn og
skoða nýju viðbygginguna. glh
Fyrirhugað er að gera íbúðalána-
sjóði kleift að bjóða nýjar tegund-
ir lána til uppbyggingar íbúðar-
húsnæðis á landsbyggðinni. Ás-
mundur Einar Daðason, félags-
og barnamálaráðherra, hefur birt
minnisblað þess efnis í samráðs-
gátt stjórnvalda. Þar eru kynnt-
ar þær aðgerðir sem fyrirhugað er
að ráðast í til að svo megi verða.
„Fyrirhugaðar eru breytingar á
lögum um almennar íbúðir, sem
m.a. er ætlað að bregðast við mis-
vægi milli byggingarkostnaðar og
markaðsverðs á landsbyggðinni.
Markmið breytinganna er að gera
sveitarfélögum á landsbyggðinni
kleift að byggja íbúðir í almenna
leigukerfinu með stofnframlagi
ríkisins,“ segir í tilkynningu.
Víða ekkert byggt lengi
Niðurstöður tilraunaverkefnis
íbúðalánasjóðs, sem hrundið var
af stað í desember, sýna markaðs-
brest á húsnæðismarkaði víða um
land, að því er fram kemur í til-
kynningunni. Stöðnun á íbúða-
markaði er mjög algengt vanda-
mál á landsbyggðinni. „Víða hef-
ur ekkert íbúðarhúsnæði verið
byggt í einn til tvo áratugi. Mun
meira var byggt á landsbyggðinni
frá aldamótum og fram að hruni,
heldur en síðustu ár. Sérfræðingar
íbúðalánasjóðs sjá merki um mark-
aðsbrest á mörgum svæðum enda
ráðast fáir í að reisa nýtt íbúðar-
húsnæði þrátt fyrir að atvinna sé
víðast hvar næg og eftirspurn eftir
íbúðum mikil,“ segir í tilkynning-
unni. „Þeir fáu sem vilja byggja í
smærri sveitarfélögum koma oft á
tíðum að lokuðum dyrum á lána-
markaðnum.“ Dýr og erfið fjár-
mögnun, skortur á byggingarað-
ilum og misræmi húsnæðisverðs
og byggingarkostnaðar hefur gert
það að verkum að lítið eða jafnvel
ekkert er byggt af nýju íbúðarhús-
næði.
Næg eftirspurn
„Niðurstöður tilraunaverkefnis íbú-
ðalánasjóðs sýna að það ríkir mark-
aðsbrestur á húsnæðismarkaði víða
á landsbyggðinni,“ segir Ásmund-
ur Einar Daðason, félags- og barna-
málaráðherra. „Enginn er að svara
eftirspurninni þrátt fyrir að næg
kaupgeta sé fyrir hendi hjá íbúum
í þessum sveitarfélögum. ég tel að
það þurfi aðgerðir af hálfu stjórn-
valda til að rjúfa þá stöðnun sem
ríkt hefur í húsbyggingum á lands-
byggðinni,“ bætir hann við. „Ef
við lítum til baka þá sést að hrun-
ið hafði meiri eftirköst í för með sér
fyrir húsnæðismarkaðinn úti á landi
heldur en á suðvesturhorninu. Ný-
byggingar hafa verið sjaldséðar utan
stærstu atvinnusvæða en fólk sem
býr utan þessara svæða þarf líka nýtt
húsnæði. Það er uppgangur í nýjum
atvinnugreinum á landsbyggðinni
og oft er skortur á húsnæði helsta
vandamál fólks sem ræður sig í þau
störf,“ segir Ásmundur Einar Daða-
son. kgk
Afhending fyrri áfanga verður í ágúst
Grunnskóli Borgarness eins og hann lítur út í dag en langt er komið á veg með
framkvæmdir.
Kristófer Ólafsson, verkstjóri framkvæmdanna við Grunnskólann í Borgarnesi.
Efri hæðin í skólanum. Þar sem áður var textílkennsla fyrir breytingarnar verður
nú kennslurými fyrir yngsta stig skólans.
Horft niður í nýja sal skólans sem er með tignarlegt útsýni yfir íþróttasvæði
Borgarness.
Ásmundur Einar Daðason, félags- og
barnamálaráðherra.
Markaðsbrestur víða um land
Fyrirhugað að ÍLS bjóði nýjar tegundir lána
Byggingakrani. Sums staðar á landsbyggðinni hefur ekki verið byggt nýtt íbúðarhúsnæði í einn til tvo áratugi.