Skessuhorn - 11.09.2019, Blaðsíða 4

MIÐVIKUDAGUR 11. SEPtEMBER 20194
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.280 krónur með vsk. á mánuði. Elli- og örorkulífeyrisþegar greiða
kr. 2.840. Rafræn áskrift kostar 2.570 kr. Rafræn áskrift til elli- og örorkulífeyrisþega er 2.370 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
glh@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Bág kjör sveitar-
stjórnarfólks
Í samráðsgátt ríkisins er nú opið fyrir að gera athugasemdir við þingsálykt-
unartillögu sem ráðherra sveitarstjórnarmála hefur lagt fram. Plaggið er kall-
að stefnumótandi áætlun í málefnum sveitarfélaga fyrir árin 2019-2033 og því
fylgir aðgerðaáætlun til fimm ára. Nú er lagt til að lágmarksfjöldi íbúa verði 250
þegar við kosningar til sveitarstjórna 2022 og við kosningarnar fjórum árum síð-
ar verði íbúafjöldi hvergi undir eitt þúsund. Það vakti athygli að á aukafundi hjá
samtökum sveitarfélaga var tillaga ráðherrans samþykkt. Að vísu hreyfðu ein-
hverjir mótmælum, töldu að óskynsamlegt væri hægt að lögbinda sveitarfélög
til sameiningar með þessum hætti. Engu að síður er nú kominn breiður póli-
tískur vilji til breytinga á sveitarstjórnarstiginu. Eitthvað sem fáir stjórnmála-
menn hafa þorað að taka slaginn um. Kristján Möller var að vísu með óljósar
hugmyndir í þessa veru, en Ögmundur sem tók við keflinu sópaði þeim snar-
lega út af borðinu.
Samkvæmt mínum heimildum er nú sífellt minni hljómgrunnur fyrir að sveit-
arfélög geti verið svo fámenn að þau nái vart upp í fjölda í einum grunnskólabekk
á höfuðborgarsvæðinu. Flestir viðurkenna að slík sveitarfélög eru vart starfhæf
og þurfa að treysta á aðstoð annarra við ýmsa málaflokka sem undir sveitarfé-
lög heyra. Menn hafa ekki lengur umburðarlyndi gagnvart slíkri væntumþykju.
Reyndar held ég að krafa um 250 manna lágmarksfjölda leysi ekkert og raunar
má setja spurningamerki við hvort þúsund manna lágmarkið dugi til að kalla
megi þetta skynsamlega tillögu. En spurningin hlýtur að vera sú hvort viðkom-
andi stjórnsýslueining dugi til að veita þá lögbundnu þjónustu sem ætlast er til
og íbúar setja kröfu um.
Fremur neðarlega í þeim tillögum sem ráðherra hefur nú lagt fram er fjallað
um starfsaðstæður kjörinna sveitarstjórnarfulltrúa. Sagt að vinna beri að grein-
ingu á starfsaðstæðum og starfskjörum kjörinna fulltrúa í sveitarstjórnum og
niðurstaðan borin saman við aðstæður annars staðar á Norðurlöndum. „Sérstak-
lega verði hugað að orsökum mikillar endurnýjunar í ljósi þess að stór hluti kjör-
inna fulltrúa gefur ekki kost á sér aftur eftir að hafa setið eitt kjörtímabil.“ Þarna
rataði kjöftugum satt orð á munn. Sífellt hefur verkefnum sveitarfélaga nefni-
lega verið fjölgað, án þess þó að starfsaðstæður sveitarstjórnarfólks hafi endilega
batnað, heldur þvert á móti. Það að taka að sér setu í sveitarstjórn er býsna eril-
samt og erfitt hlutskipti, en er þó ekki tæklað launalega sem meira en lítið hluta-
starf. Viðkomandi fulltrúi í sveitarstjórn þarf því að vinna fyrir sér á öðrum vett-
vangi til að sjá sér og fjölskyldunni farborða. Þá vandast málið. Hver á að hafa
slíka manneskju í vinnu? Viðkomandi er gert að mæta á fundi, viðburði, ráð-
stefnur og sinna nefndarstörfum í tíma og ótíma. Á meðan þarf viðvera á „hin-
um“ vinnustaðnum, aðalstarfinu, að sitja á hakanum. Dæmi eru af þessum sökum
um að sveitarstjórnarfulltrúa hafi hreint ekkert gengið að fá aðra launaða vinnu.
Vegna þessa er um 60% brottfall þeirra við næstu kosningar. Viðkomandi þakkar
fyrir sig og lætur af störfum fyrir hið opinbera strax og færi gefst. Nýbúinn að
koma sér inn í hið flókna og margþætta starf sveitarstjórnarmannsins.
Það þekkist í nágrannalöndum okkar fyrirkomulag sem líta mætti til. Þegar
kosin er fjölmenn sveitarstjórn sem kemur saman til funda þetta 2-4 sinnum
á ári. Þess á milli starfar framkvæmdaráð í umboði sveitarstjórnar. Í því situr
fólk sem hefur fulla atvinnu af að stýra daglegum sveitarstjórnarmálum. Vísir
að þessu hér á landi eru bæjarráð eða byggðarráð, en vinna þar er einnig hluta-
starf. Á þessum augljósa galla er að mínu viti ekki tekið í þeirri þingsályktun sem
lögð hefur verið fram. Því vakti það furðu mína að sveitarstjórnarfólk hafi ekki
nýtt tækifærið og kvartað þegar það bauðst á fundi í síðustu viku. Það hlýtur
nefnilega að vera marmið að skapa viðunandi starfsaðstæður og kjör til að allir
sem einhver töggur er í geti sóst eftir að starfa í sveitarstjórnum. Hafi hreinlega
efni á því.
Magnús Magnússon
Björgunarskipin Kobbi Láka frá
Bolungarvík og Gísli Jóns frá Ísa-
firði fóru í Aðalvík á Hornströnd-
um aðfararnótt þriðjudags vegna
mannlauss báts sem rekið hafði upp
í fjöru. Legufæri bátsins hafði losn-
að fyrr um daginn. Þegar báturinn
var dreginn á flot lagðist hann á
hliðina og lak mikið af sjó um borð.
Dæla þurfti sjó úr bátnum áður en
hægt var að draga hann til Ísafjarð-
ar.
Sex manns voru í landi og voru
þeir sóttir á léttabát og fluttir til
Ísafjarðar með björgunarskipi.
Klukkan þrjú um nóttina kom Gísli
Jóns með fólkið og bátinn til hafnar
á Ísafirði þar sem báturinn var strax
hífður á land talsvert laskaður.
mm
Klukkan 00:12 aðfararnótt þriðju-
dags barst stjórnstöð Landhelgis-
gæslunnar neyðarkall frá 12 metra
handfærabáti sem var strandaður
rétt utan við Skála á sunnanverðu
Langanesi. tveir menn voru um
borð. Þyrla Landhelgisgæslunnar
var þegar send í loftið en auk þess
héldu björgunarbátar frá Þórshöfn
og Bakkafirði og nærstödd skip á
vettvang. Þá voru björgunarsveitir
frá Raufarhöfn, Þórshöfn og Húsa-
vík sendar landleiðina.
Um kl. 01:20 kom fiskibátur á
svæðið en hann gat ekki athafnað
sig. Þá var ágætis veður, bjart en
nokkur sjór. Björgunarbátur frá
Bakkafirði kom á staðinn um kl.
02:30 en ekki var talið ráðlegt að
reyna björgun frá sjó sökum sjó-
lags. Þá voru aðstæður til björgunar
frá landi ekki góðar en strandstaður
var undir bjargi. Þyrla Landhelgis-
gæslunnar tF-EIR kom á vettvang
um kl. 02:35 og kl. 02:52 var búið
að bjarga báðum mönnunum um
borð í þyrluna. mm
Fimmtudaginn 5. september bauð
Íþrótta- og æskulýðsnefnd Grund-
arfjarðarbæjar til óformlegs spjall-
fundar um útivistarsvæðið í Þrí-
hyrningi sem er opið svæði sem
afmarkast af Grundargötu, Borg-
arbrautar og Hlíðarvegs í Grund-
arfirði. Ágætis mæting var á fund-
inn og voru menn sammála um
að bæta svæðið svo að það myndi
nýtast bæjarbúum sem best. Hug-
myndir eru uppi um að nýta svæðið
fyrir grunn- og leikskóla bæjarins
með útikennslusvæði. Einnig eru
hugmyndir um einhverskonar af-
þreyingu á svæðið eins og leiktæki,
minigolf og annað þess háttar. Það
verður því spennandi að fylgjast
með framhaldinu á þessum græna
reit. tfk
Á síðasta ári fékk Þjóðgarðurinn
Snæfellsjökull úthlutað peningum
úr Innviðaáætlun ríkisstjórnarinn-
ar til uppbyggingu á fjölmörgum
ferðamannastöðum. Meðal þeirra
framkvæmda sem farið var í fyr-
ir fjármagnið sem fékkst var end-
urnýjun á útsýnispalli við Gatklett
á Arnarstapa, en þar er gríðarleg-
ur fjöldi ferðamanna sem kemur
á ári hverju. Byggingaverktakinn
Kvistfell sá um verkið og var nýr og
stærri útsýnispallur tilbúinn á mið-
vikudaginn.
arg
Frá aðgerðum í Aðalvík. Ljósm. Landsbjörg.
Bát rak upp í fjöru í Aðalvík
Mannbjörg þegar bátur
strandaði við Langanes
Fundur um framtíð Þríhyrningsins
Nýr og stærri útsýnispallur við Gatklettinn á Arnarstapa er tilbúinn.
Ljósm. Þjóðgarðurinn Snæfellsjökull.
Útsýnispallur tilbúinn við
Gatklettinn á Arnarstapa