Hugur og hönd - 01.06.2000, Page 15

Hönnun: Þorbergur Halldórsson, manséttuhnappar, silfur, ál og demantar og
hálsmen, silfur ál og demantar.
efa mikið vandaverk og mikil á-
byrgð hvílir á þeim sem þetta verk
hefur verið falið. Vonandi verður
leitin að góðum lausnum vörðuð
víðsýni og velvilja þeirra sem til
verksins hafa valist.
Hönnunarsafn íslands var stofn-
að í lok árs 1998, með samningi
menntamálaráðuneytis, Garðabæj-
ar og Þjóðminjaráðs. Kynningar-
sýning safnsins, sem menntamála-
ráðherra Björn Bjarnason opnaði
15. október 1999, stóð í Garðabæ í
október og nóvember sl. Af því til-
efni efndi safnið til málþings í Fjöl-
brautaskólanum í Garðabæ, þar
sem fjórir erlendir gestir fluttu er-
indi undir yfirskriftinni „Gildi
hönnunarsafna i nútíð og framtíð".
Þessir gestir voru: Anniken Thue,
forstöðumaður Listiðnaðarsafnsins
í Osló, Paul Thompson, forstjóri
Design Museum í London, Reyer
Kras, forstöðumaður hönnunar-
deildar Stedelijk-safnsins í Amster-
dam og Volker Albus, prófessor við
hönnunarháskólann í Frankfurt.
Þessir reynsluríku gestir, sem
sýndu hinu nýstofnaða íslenska
safni mikinn velvilja með heim-
sókn sinni, skildu eftir góð ráð og
ábendingar sem nýtast munu vel
við mótun markmiða og starfs-
hátta hins nýja safns.
Aðalsteinn Ingólfsson listfræð-
ingur, nýráðinn umsjónarmaður
safnsins, var einnig meðal frum-
mælenda. Hann lýsti hinu íslenska
„hönnunarlandslagi" hvað varðar
iðnhönnun og listhönnun og þeirri
sérstöðu sem við er að etja í fá-
mennu þjóðfélagi sem frarri að
þessu hefur ekki að fullu verið
meðvitað um gildi hins skapandi
afls sem knýr á um hönnunar-
lausnir.
Það er ósk allra sem að Hönn-
unarsafni Islands standa að það
megi ná að rótfesta sig í hönnunar-
umhverfinu og verða virkt í öflun
heimilda um íslenska hönnun svo
og að draga saman athyglisverða
muni sem til kunna að vera frá
fyrri tíma en eins frá líðandi stund
Hönnun: Erling Jóhannesson, hringur, gull, stál, og demantur og armband, stál og gull.
Hugur og hönd 2000 15