Fréttablaðið - 04.04.2020, Síða 57

Áform um opið hús fyrir konur í fíknivanda
Reykjavík á votum vetrardegi í janúar. Mynd: Hreinn Hákonarson.
Frú Agnes M. Sigurðardóttir, biskup Íslands, hefur lengi haft hug á að kirkjan veitti heimilislausu
fólki þjónustu. Í september 2019 skipaði hún starfshóp til að kanna hvar þörfin væri brýnust og í
framhaldinu að leggja til fyrirkomulag slíkrar þjónustu.
Í starfshóp biskups um úrræði fyrir
heimilislausa eru Ragnheiður Sverr-
isdóttir, djákni, sr. Hjalti Jón Sverrisson
og Vilborg Oddsdóttir, félagsráðgjafi
Hjálparstarfs kirkjunnar. Sr. Hreinn S.
Hákonarson, fyrrum fangaprestur, er
hópnum til ráðuneytis.
Starfshópurinn komst að þeirri niður-
stöðu að mestu þörf fyrir þjónustu
hefðu konur sem ekki eiga í öruggt hús
að venda á daginn en samkvæmt skýrslu
Reykjavíkurborgar frá 2017 um fjölda
og hag utangarðsfólks voru 108 konur
heimilislausar í borginni það ár, flestar
þeirra á þrítugsaldri. Konukot Rauða
krossins og athvarfið á Lindargötu eru
opin frá því síðdegin og fram á morgun
svo yfir hádaginn eiga margar sem
þangað sækja ekki öruggt húsaskjól.
Starfshópurinn skilaði tillögum sínum
til biskups í desember síðastliðnum um
opið hús fyrir heimilislausar konur
ásamt kostnaðaráætlun um verkefnið.
Hugmyndin er að hafa opið hús alla
daga ársins frá klukkan 11.00-17.00 og
að bjóða konunum upp á heita máltíð í
hádeginu og kaffihressingu síðdegis.
Frú Agnes lagið málið fyrir Kirkjuráð
sem samþykkti það á fundi sínum 11.
desember síðstliðinn og fjárveiting til
verkefnisins liggur fyrir á fjárhags-
áætlun þjóðkirkjunnar fyrir árið 2020.
Biskup hefur síðan farið þess á leit við
Hjálparstarf kirkjunnar að það hafi
umsjón með verkefninu. Undirbúningur
er nú hafinn og ef allt fer að óskum
munu konur sem hvergi eiga athvarf
yfir daginn geta sótt opið hús strax í
haust.
Fyrirmyndin frá Boston
„Lengi hef ég sjálf hugsað til þeirra sem
ekki eiga vísan samastað í tilverunni.
Eftir að ég flutti til Reykjavíkur sá ég
með eigin augum að úrræði fyrir fólkið
á götunni voru ef til vill ekki næg. Eftir
fræðsluferð starfsfólks á Biskupsstofu
til Boston þar sem við heimsóttum meðal
annars lútherska kirkju sem tók á móti
fólki á götunni sá ég fyrirmynd sem
hægt væri að læra af. Í þessari kirkju
hefur safnaðarheimilinu á neðri hæð
kirkjunnar verið breytt þannig að hluti
af því er tekinn undir kojur þar sem
10–12 manns geta gist, hluti er matsal-
ur og restin er hreinlætisaðstaða. Fólk
borgar einn til tvo dali fyrir nætur-
hvíldina og matinn. Eins og oft er sagt
þá geta allir hjálpað einhverjum en
enginn getur hjálpað öllum,“ sagði bisk-
up Íslands, frú Agnes M. Sigurðardóttir,
um það hvernig hugmyndin um opið hús
fyrir konur í fíknivanda kom til.
Biskup Íslands, frú Agnes M. Sigurðardóttir.
Margt smátt ... – 7