Slökkviliðsmaðurinn - 01.08.1974, Page 17

Æfing hjá Slökkviliði Miðneshrepps.
í september 1970. Hver voru fyrstu viðbrögð þín
til að bæta ástandið?
— Ég fór þess á leit við sveitarstjórann, Alfreð
G. Alfreðsson, að hann boðaði til fundar með
brunamálanefnd hreppsins og var það gert. Á
fundi brunamálanefndar, sem haldinn var 19.
sept. 1970, var tekin fyrir endurskipulagning
slökkviliðsins, kaup og tryggingamál slökkviliðs-
manna, en fyrir öllu var þó látið ganga að auka
tækjakostinn til þess að liðið gæti talist starf-
hæft. Við sendum skýrslu til hreppsnefndar um
ástandið og brá hún skjótt við og heimilaði kaup
á slöngum, stútum, reykgrlmum og ýmsum öðrum
nauðsynlcgum útbúnaði, svo og viðgerð á dælunni,
sem knýjandi nauðsyn var á að framkvæma.
— En var ekki sitthvað fleira sem gera þurfti?
— Jú, en eftir þessar breytingar má segja, að
liðið hafi orðið starfhæft. Áfram var samt haldið
nð þinga um málin og varð niðurstaðan sú, að
keypt var slökkvibifreið af Bedford gerð ásamt
ýmsum fylgihlutum. Þetta er samskonar bifreið
°g mörg önnur smærri slökkvilið úti á lands-
byggðinni hafa fengið fyrir milligöngu Bruna-
málastofnunar ríkisins. Hjá okkur hefur bifreiðin
reynst mjög vel enda hafa dælustjórar liðsins
ávallt séð um að allt væri í góðu lagi.
— Hvernig eru húsakynni slökkviliðsins?
— Slökkviliðið hefur verið til húsa í gömlu
björgunarsveitarskýli undanfarin ár og er að-
staðan þar gjörsamlega ófullnægjandi vegna mik-
illa þrengsla og má segja að þetta hafi háð
starfseminni nokkuð. En nú er að birta yfir hjá
okkur í húsnæðismálunum þar sem vonir standa
til, að við getum flutt í nýtt húsnæði seinni hluta
þessa árs, sem verið er að byggja í samvinnu við
björgunarsveit Slysavarnafélagsins hér á staðn-
um. Húsnæði þetta er um 130 m2 ásamt aðstöðu
í litlum fundarsal sem verður í húsinu.
— Á hvern hátt eru liðsmenn boðaðir þegar
edsvoða ber að höndum?
— Við höfum tvær sirenur í kauptúninu
og er 1 brunaboði fyrir þær báðar og er hann
staðsettur á slökkvistöðinni. Þetta er að sjálf-
sögðu mjög úrelt kerfi og slæmt að því leyti, að
það tekur oft of langan tíma, frá því fólk verður
vart við eld, þangað til búið er að setja sírenurnar
SLÖKKVILIÐSMAÐURINN 15