Slökkviliðsmaðurinn - 01.08.1974, Qupperneq 18

Hluti slökkviliðsmanna í Miðneshreppi, talið jrá vinstrí: Júníus Guðnason, Einar Guðmundsson, Birgir Guðnason, Sig-
urður Jóhannsson, Einar Bergsson, Guðmar Pétursson, Þórarinn Sœbjörnsson, Magnús Sigfússon, Oskar Gunnarsson, Sig-
urður Guðjónsson, Ingibjörn Jóhannsson og Jón Norðfjörð slökkviliðsstjórí.
í gang og getur þannig tapast mjög dýrmætur
tími, því eins og slökkviliðsmenn segja, þá geta
fyrstu 5 mínúturnar verið dýrmætari heldur en
næstu 5 klukkustundir þegar eldsvoða ber að
höndum. En úr þessu vandamáli rætist núna í
nóvember eða desember á þessu ári, því að þá
verður tekið í notkun útkallskerfi, sem tengt
verður inn á síma slökkviliðsmannanna.
— Er aðstaða til slökkvistarfa nógu góð í Mið-
neshreppi, ég á við í sambandi við vatnsöflunar-
möguleika?
— Ég tel hana nokkuð góða í þéttbýlinu, bruna-
hanar þyrftu þó að vera fleiri og sverari leiðslur
að þeim. En bót í máli er, að stutt er í sjó og
einnig er vatn á bílnum sjálfum, sem hægt er að
hefja slökkvistarfið með, þar til búið er að tengja
í brunahana og leggja slöngur, eða tengja dælu
í sjó, en mjög handhæg laus dæla er á bílnum,
sem fjórir menn geta auðveldlega borið. Um dreif-
býlið er það að segja, að þar verðum við aðallega
að treysta á sjóinn, en þó er sums staðar mögu-
legt að tengja í neysluvatnsborholur. Nú, vonir
standa til, að slökkviliðið eignist tankbifreið og
er unnið að því máli núna og mundi það að sj álf-
sögðu auka öryggið til muna.
— Hvað eru margir menn í liðinu og hvernig
skiptið þið með ykkur verkum?
— Slökkviliðið telur nú 30 menn og er verka-
skipting þannig: Slökkviliðsstjóri, 2 varaslökkvi-
liðsstjórar, 6 dæluflokksmenn (bilstjórar), 9
slonguflokksmenn, 3 björgunarflokksmenn, 4 hús-
rifsflokksmenn og 5 löggæsluflokksmenn. Svona
er uppstillingin á liðinu, en menn geta skipt með
sér verkefnum eftir því sem þurfa þykir og fara
æfingar fram samkvæmt því.
— Hvernig er æfingum háttað og hve oft eru
þær haldnar?
— Ýmist höfum við hópæfingar, þ. e. æfingar
með öllum liðsmönnum, eða þá að flokkarnir eru
æfðir hver í sínu lagi.
Skylt er samkvæmt lögum um brunavarnir og
brunamál, að menn skuli æfa minnst tuttugu
klukkustundir á ári. Við höfum ávallt æft sem
svarar þessum tíma. Æfingar höfum við reynt
16 SLÖKKVILIÐSMAÐURINN