Bændablaðið - 09.01.2020, Blaðsíða 1

1. tölublað 2020 ▯ Fimmtudagur 9. janúar ▯ Blað nr. 554 ▯ 26. árg. ▯ Upplag 32.000 ▯ Vefur: bbl.is
Hross á Árborgarsvæðinu létu sér fátt um finnast um síðustu helgi þótt veðurfræðingar væru farnir að draga gular
og rauðgular veðurviðvaranir upp á kort. Þau höfðu þá enn næga tuggu að naga auk þess sem fiðringur var kominn
í eigendur sem horfa með tilhlökkun til Landsmóts hestamanna sem fram fer á Hellu í júlí. Mynd / HKr.
Frystiskylda hefur verið afnumin á innfluttu kjöti og frá áramótum er heimilt að flytja inn ferskt kjöt og egg:
Innflytjendur bera ábyrgð á að reglum um
salmonellu og kampýlobakter sé fullnægt
– Formaður Landssambands kúabænda óttast afleiðingarnar og segir dæmin sýna að erlenda eftirlitskerfið virki ekki alltaf
Krafa um frystiskyldu á innfluttu
kjöti féll niður um síðustu áramót
auk þess sem núna má flytja inn
hrá egg. Samkvæmt reglum
um innflutning á fersku kjöti
sem tóku gildi um áramótin
bera innflytjendur ábyrgð á
að reglum um salmonellu og
kampýlobakter sé fullnægt og
að innflutningi fylgi vottun um
að svo sé. Vottanirnar sjálfar
eru svo á ábyrgð framleiðenda
og dreifingaraðila erlendis.
Eftirlitsaðilar, sem eru annað­
hvort Matvælastofnun eða heil­
brigðiseftirlit sveitarfélaga, hafa
eftirlit með að reglum um sýnatöku
og rannsóknir sýna sé fullnægt.
Íslendingar verða nú að
treysta á evrópska eftirlitskerfið
Arnar Árnason, formaður Lands­
sambands kúabænda, segir að
nú verði Íslendingar að treysta á
evrópska eftirlitskerfið en dæmin
sýni að það virki ekki alltaf.
Viðbótartryggingin, sem
er hluti af regluverkinu sem
varðar innflutninginn, er
hluti af aðgerðaáætlun
stjórnvalda og meðal
annars ætlað að efla
matvælaöryggi og tryggja
vernd búfjárstofna í
landinu.
„Vissulega er áætlunin
til bóta en hún er engan
veginn fullnægjandi og
því verið að taka talsverða
áhættu með innflutningi á
kjöti án frystiskyldu,“ segir
Arnar.
MAST er ekki lengur
með innflutningseftirlit
Dóra S. Gunnarsdóttir, forstöðu­
maður Neytendaverndar hjá
Matvæla stofnun, segir að í kjölfar
breytinganna séu að eiga sér stað
ákveðnar breytingar á reglum um
innflutning á kjöti og eggjum.
„MAST er ekki lengur með svo­
kallað innflutningseftirlit á vörum
eins og kjöti og eggjum þar sem
þessar vörur eru nú í frjálsu flæði
ef þær koma frá EES­löndum.
Þess í stað fer eftirlitið fram hjá
þeim aðila sem flytur inn vörurnar
og sá sem ætlar að flytja inn kjöt
með viðbótartryggingum gagnvart
salmonellu þarf að tryggja að sýni
sem tekin eru uppfylli kröfur og
staðfesta það með viðeigandi skjölum
sem eiga að fylgja sendingum“
Fjöldi sýna í sendingu
hefur aukist
Í reglugerðinni er kveðið á
um hversu mörg sýni eigi
að rannsaka með tilliti
til salmonellu og er það
miðað við fjölda eininga
í hverri sendingu.
„Dæmi um þetta er að
ef einingarnar af alifuglum
í sendingu eru 300 þá þurfa
sýnin að vera úr að minnsta
kosti 55 einingum.“
Dóra segir að fjöldi
sýna nú sé meiri en hann var fyrir
breytinguna um áramótin en þá
voru færri sýni tekin úr sendingu.
Betra innlent eftirlit en
veitir samt ekki 100% öryggi
„Við eru því í dag með betra eftirlit
með því að það finnist salmonella
í sendingunni en áður, þar sem í
dag eru tekin fleiri sýni. Það er þó
ekki þar með sagt að það geti ekki
verið salmonella í sendingunni þar
sem rannsóknir á sýnum tryggja
eingöngu að hún hafi ekki verið í
þeim einingum sem voru tekin til
rannsóknar. Það má því segja að
þrátt fyrir að dekkun sendinganna
sé góð þá er hún ekki 100% örugg.“
Eins og fyrr segir þá er
sýnatakan á ábyrgð framleiðenda/
dreifingaraðila kjötsins erlendis en
fyrstu fjóra mánuði ársins verður
MAST með svokallað aukið eftirlit
með innflutningi á kjöti í samvinnu
við Heilbrigðiseftirlit Reykjavíkur.
„Tíminn verður einnig
notaður til að þjálfa fólk sem
á að sinna þessu eftirliti í
framtíðinni. Auk þess munum
við taka sýni til sannprófunar á
að rannsóknarniðurstöður séu að
gefa rétta mynd af sendingum
sem koma til landsins. Við
munum einnig skoða hvort réttum
aðferðum sé beitt við sýnatökuna
og hvort notaðar séu viðurkenndar
rannsóknar aðferðir.“ /VH
– Sjá nánar á bls. 2 og 4
Arnar Árnason. Dóra S. Gunnarsdóttir.
Rekstur Atlantic Leather á
Sauðárkróki endurreistur
– Gærur ekki lengur sútaðar á Króknum
Rekstur félagsins Atlantic
Leather á Sauðárkróki mun
hefjast á ný innan skamms,
en samnefnt félag fór í þrot á
liðnu hausti og lá starfsemin af
þeim sökum niðri um nokkurra
mánaða skeið. Hjónin Hallveig
Guðnadóttir og Hlynur Ársælsson
eru nýir eigendur Atlantic
Leather og verður Hallveig fram­
kvæmdastjóri þess.
Starfsemi félagsins var tvíþætt,
annars vegar sinnti það sútun
fiskroðs og framleiðslu sjávarleðurs
og hins vegar voru gærur sútaðar hjá
félaginu. Hlynur segir að sá þáttur
starfseminnar verði aflagður.
Telja ekki arðbært að
súta gærur hér á landi
„Við skoðuðum þetta dæmi vel en
leist ekki nægilega vel á gærurnar,
það hefur um langt skeið ekki verið
sérlega arðbært að súta gærur hér á
landi. Við hins vegar fengum hluta
af þeim tækjum með í kaupunum
og höfum hug á því að bjóða þau
til sölu á hagstæðu verði. Vonandi
finnst áhugasamur aðili sem sér
tækifæri í því að kaupa þau tæki og
hefja starfsemi í kringum sútun á
gærum,“ segir Hlynur.
Hlynur og Hallveig tóku við
skömmu fyrir áramót og eru þessa
dagana að koma starfseminni í gang.
Hann segir að umfang starfseminnar
verði ekki hið sama og var, en alls
störfuðu 14 manns hjá fyrra félagi.
Starfsmenn verða á bilinu 5 til 6 til
að byrja með að sögn Hlyns, en sem
áður segir verður gæruhluti starf­
seminnar lagður niður. /MÞÞ
– Sjá nánar á bls. 8
Endurreist félag Atlantic Leather á
Sauðárkróki mun einbeita sér að
sútun og vinnslu á fiskroði.
Fyrstu íslensku
hamptrefjaplöturnar
2 7
Skortur á traustum
gögnum fyrir áreiðanlegt
losunarbókhald
Valhnetur, syndaflóðið
og frjósemi
30–31