Bændablaðið - 09.01.2020, Blaðsíða 2

Bændablaðið | Fimmtudagur 9. janúar 20202
Frá og með síðustu áramótum
er ekki lengur gerð krafa um
frystiskyldu á innfluttu kjöti.
Þess í stað þurfa innflytjendur að
sýna fram á vottorð sem sýna að
ófrosið og óhitameðhöndlað kjöt af
kjúklingum og kalkúnum sé ekki
smitað af kampýlóbakter.
Auk þess er krafist viðbótar­
trygginga með sendingum af
eggjum, svínakjöti, nautagripakjöti,
kjúklinga kjöti og kalkúnakjöti og
þeim þurfa að fylgja staðfestingar
á að ekki hafi greinst salmonella í
vörunni.
Evrópska eftirlitskerfið
margsinnis brugðist
Arnar Árnason, formaður Lands­
sambands kúabænda, segir að
nú verði Íslendingar að treysta
á evrópska eftirlitskerfið og að
dæmi sýni að það virki ekki
alltaf.
„Dæmi um þetta eru eggja­
skandallinn í Hollandi fyrir fáum
árum, auk stóra kjötmálsins þar
sem mikið magn af hrossakjöti
var selt til Evrópu sem nautakjöt.
Á hverju ári kemur fram
fjöldi minni mála sem tengjast
matvælasvindli og þar sem eft­
irlitskerfið sem við eigum nú að
reiða okkur á hefur brugðist.“
Arnar segir að innflutningi á
fersku kjöti fylgi mikil hætta á að
til landsins berist búfjársjúkdómar
sem Íslendingar hafi verið lausir
við til þessa. Viðbótartryggingin
sem er hluti af regluverkinu sem
varðar innflutninginn er hluti
af aðgerðaáætlun stjórnvalda
og meðal annars ætlað að efla
matvælaöryggi og tryggja vernd
búfjárstofna í landinu.
„Vissulega er áætlunin til
bóta en hún er engan veginn
fullnægjandi og því verið að taka
talsverða áhættu með innflutningi
á kjöti án frystiskyldu.“
/VH
FRÉTTIR
Iðnaðarhampur:
Fyrstu íslensku hamptrefjaplöturnar
Fyrsta trefjaplatan úr stilkum
iðnaðarhamps sem ræktaður var
á bænum Gautavík í Berufirði
síðastliðið sumar leit dagsins ljós
fyrir skömmu. Pálmi Einarsson,
bóndi í Gautavík og iðnhönnuður,
framleiddi plötuna.
Úr plötunni skar Pálmi svo
út hamplauf í geislaskurðarvél
fyrirtækisins Geislar sem er staðsett
á bænum og er í eigu hjónanna Pálma
og Oddnýjar Önnu Björnsdóttur.
Matvinnsluvélin kom sér vel
„Ég notaði Kitchenaid matvinnslu­
vél sem við hjónin fengum í jólagjöf
til að hakka stönglana niður, þar sem
við eigum enn sem komið er engin
sérhæfð tæki til þess. Ég byrjaði á
því að skera út mót úr akrýlplasti. Að
því loknu blandaði ég epoxy resíni
saman við hampkurlið, setti í mótið
og pressaði saman. Þegar resínið var
búið að taka sig nokkrum klukku­
tímum síðar, tók ég mótið í sundur
og trefjaplötuna úr. Ég átti þetta
resín til en í framtíðinni er ætlunin
að nota eitthvað umhverfisvænna,“
segir Pálmi.
Markmiðinu náð
Pálmi segir að meginmarkmiðið
með hampverkefninu, fyrir utan að
vekja athygli á notagildi hampsins
og möguleika hans til að stórauka
sjálfbærni á fjölmörgum sviðum,
hafi verið að kanna hvort hægt
væri að rækta hamp til að nota sem
hráefni í framleiðsluvörur Geisla og
verða þannig sjálfbærari um hráefni.
„Í dag notum við innfluttan
krossvið og svokallaðar MDF
plötur til að skera vörurnar okkar
úr. Íslendinga hefur löngum skort
hráefni til iðnaðar og við teljum að
iðnaðarhampur sé raunhæfur val­
kostur enda hægt að rækta hann
bæði úti og inni, við eigum nóg land­
svæði og næga orku. Bónusinn er að
hampurinn bindur meira kolefni en
nokkur önnur planta og þarf engin
eiturefni til að þrífast og er því
einstaklega umhverfisvænn.“
Næstu skref
Að sögn Pálma mun þróunarvinnan
við framleiðsluna halda áfram og
að næsta skref sé að fjárfesta í
afhýðingarvél. „Sú vél mun hafa
töluvert meiri afkastagetu en
eldhústæki og til kaupa á henni
verður meðal annars notaður
styrkur frá atvinnuvega­ og
nýsköpunarráðuneytinu sem við
fengum nýlega.
Reynsla okkar til þessa hefur sýnt
okkur að framtíð iðnaðarhamps á
Íslandi sé björt, enda var tilgangur­
inn með þessu að færa hann aftur
undir ljósið,“ segir Pálmi að lokum.
/VH
Hamptrefjar í vinnslu. Á innfelldu myndinni er skálin af Kitchenaid matvinnsluvélinni sem hjónin í Gautavík fengu í jólagjöf og notuð var við framleiðsluna.
Myndir / Pálmi Einarsson
Pálmi Einarsson með útskorið hampblað úr hamptrefjum.
Mynd / Oddný Anna Björnsdóttir.
EINSTÖK SIGLING UM
MIÐJARÐARHAFIÐ. ÞAR SEM
HVERGI ER SPARAÐ Í LÚXUS.
28. MAÍ - 12. JÚNÍ 2020
NÁNAR Í SÍMA 585 4000 EÐA Á UU.IS
MIÐJARÐARHAFIÐ
Innflutningi fylgir áhætta
Arnar Árnason, formaður Lands­
sambands kúabænda.
Arnar segir að innflutningi á fersku kjöti fylgi mikil hætta á að til landsins
berist búfjársjúkdómar sem Íslendingar hafi verið lausir við til þessa.
Skatturinn er
ný ríkisstofnun
Um áramótin sameinuðust
embætti ríkisskattstjóra og
tollstjóra í nýja stofnun sem heitir
„Skatturinn“.
Stofnunin á að verða öflug
og leiðandi upplýsingastofnun á
sviði skatta­ og tollamála. Um 470
manns starfa í nýju stofnuninni
undir forystu Snorra Olsen, sem var
ríkisskattstjóri. /MHH
Forritaþróun
á hendi RML
Um áramótin færðist öll starf­
semi tölvudeildar Bænda sam­
taka Íslands yfir til Ráðgjafar­
miðstöðvar landbúnaðarins.
Með breytingunni verður
upplýsingatækni og ráðgjöf til
bænda undir sama hatti. Starfsemin
felst einkum í þróun tölvuforrita
og skýrsluhaldskerfa fyrir
landbúnað, þjónustu við notendur
og útreikningum á kynbótamati.
Fyrrum starfsmenn tölvudeildar
BÍ verða starfsmenn RML og hægt
verður að ná sambandi við þá í
gegnum síma RML, 516­5000.
Markvissari ráðgjafarþjónusta
Karvel L .
K a r v e l s s o n ,
fram kvæmda­
stjóri RML, segir
að flutningur
verkefna tölvu­
deildar BÍ
muni styrkja
starfsemi RML
og byggja upp
aukna þekkingu
starfsfólks.
„Tækniþróun í landbúnaði er
gríðarlega hröð og mikilvægt að
þekking sé sem breiðust innan
raða RML á þeim möguleikum
sem upplýsingatæknin getur
fært íslenskum bændum og
orðið landbúnaði til framdráttar.
Við vonumst til að þjónusta við
bændur og aðra notendur verði enn
markvissari en áður.“
Allar upplýsingar um forrit og
skýrsluhald er að finna á vef RML,
www.rml.is og þjónustu er hægt
að nálgast í síma 516­5000 og í
netfangið rml@rml.is. /TB
Karvel L.
Karvelsson.