Bændablaðið - 23.04.2020, Side 26

Bændablaðið | Fimmtudagur 23. apríl 202026
LÍF&STARF
Samfélagssjóður Fljótsdals
til stuðnings við nýsköpun
– Tækifæri til atvinnusköpunar í landbúnaði
Á vegum Fljótsdalshrepps hefur
verið stofnað til verkefnasjóðs til
stuðnings nýsköpun, menningu
og atvinnuskapandi verkefn-
um í Fljótsdal, undir nafninu
Samfélagssjóður Fljótsdals.
Sjóðurinn á rætur í samfélags­
verkefninu Fögur framtíð í Fljótsdal,
sem stofnað var til með samfélags­
þingi síðastliðið vor.
Ferðaþjónsta, sauðfjár -
rækt og skógrækt
Helstu atvinnugreinar Fljótsdals eru
iðnaður er tengist Fljótsdalsstöð,
ferðaþjónusta en tugþúsundir ferða­
manna og útivistarfólks heimsækja
dalinn á hverju ári. Sauðfjár rækt er
megingrein land búnaðar og búin
nokkuð mörg þar, en auk kjötfram­
leiðslu eru unnar afurðir úr sauða­
mjólk. Þá er úrvinnsla úr skógar­
afurðum vaxandi grein á svæðinu.
Styrkirnir eru opnir fyrir alla
einstaklinga, fyrirtæki og stofnanir
sem vilja byggja upp Fljótsdalinn og
styðja við þá starfsemi sem þar er.
Við fyrstu úthlutun sjóðsins verð­
ur allt að 12 milljónum króna veitt
í styrki og er umsóknarfrestur til
miðnættis 30. apríl 2020.
Verkefni tengdum búskap vænleg
Það er Ásdís Helga Bjarnadóttir sem
heldur utan um starfsemi sjóðsins,
en hún starfar sem verkefnastjóri
hjá Austurbrú en Fljótsdalshreppur
samdi við Austurbrú um stjórn verk­
efnisins til tveggja ára. „Öll verkefni
sem stuðla að jákvæðri samfélags­
þróun og eflt geta atvinnu, nýsköpun,
velferð og menningu eru vel þegin.
Á samfélagsþingi sem haldið var
vorið 2019 voru það einmitt verk­
efni sem tengjast búskap sem skor­
uðu hvað hæst. Í því samhengi var
m.a. talað um betri og fjölbreyttari
nýtingu sauðfjárafurða og verið þá
að horfa til alls sem fellur til í þeim
búskap ásamt mögulega samspili við
ferðaþjónustuna. Einnig var tíðrætt
um akuryrkjuna til fóðurs, matvæla,
fæðubótarefna og til hráefnisfram­
leiðslu hvers konar,“ segir Ásdís
Helga þegar hún er spurð um hvort
þarna væru tækifæri í akuryrkju eða
annars konar landbúnaði.
„Verkefni tengd skóginum komu
líka til tals enda svæðið með fyrstu
bændaskógræktarsvæðum á landinu
samanber Fljótsdalsáætlunina sem
hófst fyrir um 50 árum síðan.
Fljótsdalurinn er almennt mjög
heppilegt svæði fyrir landbúnað og
margs konar ræktun enda veður­
sældin með eindæmum. Á svæðinu
liggja því ýmis tækifæri, ekki bara
fyrir bændur og ferðaþjónustuað­
ila heldur einnig ýmsa frumkvöðla
sem hafa áhuga á að nýta það fjöl­
breytta hráefni sem bæði finnst í
dalnum sem og má rækta með
samstarfi við landeigendur. Svo
má líka nefna þann möguleika að
ágætis aðstaða er fyrir einstaklinga
að sinna fjarvinnslu frá Fljótsdal
sem gefur tækifæri á tímabundinni
dvöl og þá möguleika á að fram­
kvæma ýmis verkefni, miðla fræðslu
eða standa fyrir viðburðum,“ bætir
Ásdís Helga við, en margir kunna
að þekkja til starfa hennar fyrir
Landbúnaðarháskóla Íslands þar
sem hún var um árabil.
Austurbrú vinnur að
hagsmunamálum Austurlands
„Ég er fædd og uppalin á Hvanneyri,
fór þar í gegnum öll skólastigin
og starfaði líklega í ein 20 ár við
Landbúnaðarháskólann þannig að
það var kominn tími til að sjá og upp­
lifa eitthvað nýtt. Ég hafði verið í
Hússtjórnarskólanum á Hallormsstað,
sem heitir nú Hallormsstaðaskóli,
fyrir allmörgum árum og leið þar
vel í skóginum og því horfði ég
fyrst og fremst þangað. Til að byrja
með fékk ég starf við búfjáreftirlit
hjá Matvælastofnun og ferðaðist
um allt Austurland, frá Öræfasveit
til Vopnafjarðar, frábær tími. Þaðan
fór ég til Umhverfisstofnunar í veiði­
og verndarteymi og hélt utan um
ýmis námskeið fyrir veiðimenn og
leiðsögumenn á hreindýraveiðum.
Virkilega fróðlegt og skemmtilegt.
Svo í haust sá ég auglýsingu um þetta
verkefni, Fögur framtíð í Fljótsdal,
sem lét mig ekki í friði fyrr en ég
sótti um og var svo heppin að fá.
Ég er ráðin af Austurbrú sem verk­
efnastjóri, en Fljótsdalshreppur samdi
við Austurbrú um stjórn þessa átaks­
verkefnis til tveggja ára. Austurbrú
er sjálfseignarstofnun sem vinnur
að hagsmunamálum Austurlands
og veitir þverfaglega þjónustu og
ráðgjöf tengda atvinnulífi, menntun
og menningu. Austurbrú kemur því
að fjölmörgum verkefnum með
tengingu við ríkisvaldið, sveitar­
stjórnarstigið, fyrirtæki, stofnanir,
félög og einstaklinga.
Starfsstöðvar Austurbrúar
eru víða, það er á Djúpavogi,
Reyðarfirði, í Neskaupstað, á
Seyðisfirði, Vopna firði og svo er
starfsmaður á Borgar firði eystri
sem leiðir þar verkefnið Betri
Borgarfjörður sem er Brothættra
byggða­verkefni á vegum
Byggðastofnunar. Það verkefni
sem ég stjórna er svipað uppbyggt
eins og brothættu byggðaverkefnin.
Unnið er með hugmyndir íbúanna,
reynt að ramma þær inn í raunhæf
verkefni og þeim svo fylgt eftir. Nú
þegar samhliða er til verkefnasjóður
geta einstaklingar, félög og lögaðilar
sótt um til að framkvæma verkefnin.
Ég sem verkefnastjóri er þá líka til
staðar til að veita upplýsingar, tengja
aðila saman, veita ráð og aðstoða
með öllum tiltækum ráðum með það
að markmiði að stuðla að jákvæðari
samfélagsþróun og/eða til eflingar
atvinnulífs í Fljótsdal. Sem verk­
efnastjóri vinn ég líka náið með
skipaðri samfélagsnefnd og fylgi
eftir þeim áherslum og verkefn­
um sem hún vill leggja upp með
hverju sinni. Virkilega fjölbreytt og
skemmtilegt starf með ákveðnum
áskorunum sem gaman er að takast
á við,“ segir Ásdís Helga. /smh
Mynd tekin frá Vallholti í Fljótsdal. Mynd / Brynjar Darri Sigurðarson Kjerúlf
Ásdís Helga Bjarnadóttir er
verkefnis stjóri fyrir Samfélagssjóð
Fljótsdals.
GARÐYRKJU-
STJÓRI
HELSTU VERKEFNI
» Umsjón og uppbygging útisvæða
Landbúnaðarháskóla Íslands
» Kennsla og verkleg þjálfun
nemenda
» Þátttaka í þróun og gerð
kennsluefnis
» Þátttaka í mótun rannsókna-
verkefna á sínu fagsviði
» Umsjón með vélum og tækjum
skólans og viðhaldi þeirra í samstarfi
við aðra starfsmenn
ÆSKILEGAR HÆFNISKRÖFUR
» Menntun sem nýtist í starfi
» Reynsla af umhirðu grænna svæða
» Reynsla af verkstjórn og/eða
verkefnastjórnun
» Vinnuvélapróf og reynsla af notkun
og viðhaldi vinnuvéla
» Reynsla af kennslu
» Heiðarleiki og traust í mannlegum
samskiptum og nákvæmni
í vinnubrögðum
Hlutverk Landbúnaðarháskóla Íslands er að skapa og miðla
þekkingu á sviði sjálfbærrar nýtingar auðlinda, umhverfis,
skipulags og matvælaframleiðslu á norðurslóðum.
Nánari upplýsingar veitir
Guðmunda Smáradóttir, mannauðs- og gæðastjóri, gudmunda@lbhi.is
sími 433-5000 og á heimasíðu skólans www.lbhi.is/storf
Umsóknarfrestur er til 8. maí 2020
Landbúnaðarháskóli Íslands áskilur sér rétt til að hafna öllum umsóknum.
Laust er til umsóknar starf garðyrkjustjóra
við Landbúnaðarháskóla Íslands
Garðyrkjustjóri Landbúnaðarháskóla Íslands hefur umsjón með
uppbyggingu og umhirðu útisvæða skólans á öllum starfsstöðvum
hans og kennir á sínu fagsviði við skólann. Hann hefur faglegan
metnað til þess að útisvæði skólans séu til fyrirmyndar og miðlar
þekkingu sinni og reynslu til nemenda.
Gert er ráð fyrir að um fullt starf sé að ræða.
Þak skálans fauk af að hluta og viðkvæmar plöntur skemmdust.
Mynd / Guðríður Helgadóttir
Garðyrkjuskólinn á Reykjum í Ölfusi:
Miklar skemmdir í óveðri
Talsverðar skemmdir urðu á
garðskála Garðyrkjuskólans á
Reykjum í óveðrinu sem gekk
yfir landið helgina fyrir páska.
Þak skálans fauk af að hluta og
hætt er við að viðkvæmar plöntur
hafi skemmst.
Guðríður Helgadóttir, starfs­
mennta námsstjóri Garðyrkjuskólans
á Reykjum, segir að skemmdir á þaki
gróðurskálans, sem er miðja skólans,
séu miklar. „Skemmdirnar eru meiri
en við höfum séð í svona foki áður,
ekki síst vegna þess að við höfum
ekki lent í þessu á þessum tíma áður.“
„Í skálanum er mikið af við­
kvæmum plöntum, eins og plómur,
ferskjur og eplatré og annars konar
gróður sem er í blóma núna og því
viðkvæmur og gæti hafa skemmst
vegna kulda,“ segir Guðríður.
Eftir óveðrið kom rigning og
hláka og vonandi hefur það bjargað
eitthvað af gróðrinum.
„Meðal þess sem skemmdist er
plastveggur sem snýr að matsal skól­
ans en hann fauk inn og hangir niður
og inn í skálann.“
Guðríður segir að plastið í skál­
anum sé hálfgerður bútasaumur
og beri þess merki að bætt hafi
verið í skemmdir eftir þörfum.
„Hugmyndin var að fara í fram­
kvæmdir við þakið nú í vor en
eftir margra ára baráttu við að fá
fjármagn í verkið fékkst loksins
fjármagn fyrir um þremur árum
síðan. Skemmdirnar núna eru það
miklar að nú erum við að skoða
það að flýta endurbyggingu skál­
ans, í stað þess að fara í enn einn
bútasauminn.
Einnig urðu talsverðar skemmd­
ir á blómaskeytingastofu skólans
vegna þess að hurðin að henni fauk
upp og snjó skóf inn.
Mig minnir að þegar fauk hjá
okkur fyrir jól hafi reikningur­
inn verið rúmar tvær milljónir og
áætla má að viðgerðir á núverandi
skemmdum gætu kostað á bilinu
5 til 6 milljónir króna Það er því
vonandi hægt að fara bara strax
í fyrirhugaða endurbyggingu,“
segir Guðríður Helgadóttir hjá
Garðyrkjuskólanum. /VH