Bændablaðið - 23.04.2020, Qupperneq 54

Bændablaðið | Fimmtudagur 23. apríl 202054
Eðalfólksbílar eins og BMW,
Benz og Porsce hef ég reynt
að forðast að prófa á þeirri
forsendu að íslenskt vegakerfi
sé það lélegt að umfjöllun mín
um fínan eðalbílinn mundi vera
neikvæð frá byrjun til enda.
Tesla er einn af þessum bílum
sem mig langaði ekki til að keyra
því að ég hafði lent í að hjálpa
eiganda Teslu með tvö sprungin
dekk, en þegar ég las að Tesla væri
orðin mest seldi bíllinn á Íslandi
það sem af er ári var mér ekki stætt
á að prófa ekki bílinn.
Flott verð þrátt fyrir að hafa
hækkað aðeins frá áramótum
Bíllinn sem ég prófaði heitir Tesla
3 long range og er fjórhjóladrifinn.
Samkvæmt upplýsingum frá
fram leiðanda á að vera hægt að
komast yfir 500 km á hleðslunni.
Krafturinn er mikill og upptaka,
en uppgefin hröðun frá 0 upp í 100
km hraða er 3,4 sek. Fyrstu mánuði
ársins var verðið á Tesla 3 mjög
gott, en vegna hækkunar erlendra
gjaldmiðla er nú grunnverðið á
Tesla 3 eindrifs bíl 5.680.000 en á
bílnum sem ég prófaði er nú verðið
6.450.000.
Innréttingin og mælaborðið
sérstakt í Teslabílum
Að sitja í bílnum, miði maður út frá
útsýninu og veginum, er svolítið
eins og að maður sitji á veginum
svo lágur er bíllinn frá jörðu. Varla
að maður trúi því að hæðin undir
lægsta punkt er 14 sentímetrar.
Fremri sætin eru góð, en
höfuðpúðarnir hefðu mátt vera
aðeins stærri og skálalaga inn því
ef bílnum er snögglega gefið inn
er krafturinn það mikill að höfuðið
þrykkist í höfuðpúðann.
Svolítið þröngt fyrir „miðlungs
feitan Íslending“ að fara í aftur-
sætið.
Lykillinn er eins og greiðslu-
kort, maður ber kortið bara upp að
hurðarstafnum og bíllinn opnast,
en hægt er að setja upp „app“ í
símann og virkja farsíma sem lykil
að bílnum.
Mælaborðin í Teslabílum er
eins og stór „iPad“, snertiskjár sem
notaður er fyrir allar stillingar og
meira að segja þegar maður opnar
fremra farangursrýmið.
Gaman að keyra svona kraft­
mikinn bíl á góðum vegum
Ég bý í hverfi 108 í Reykjavík þar
sem hámarkshraðinn er frá 30 og
upp í 50 km. Á svona kraftmiklum
bíl vissi maður ekki fyrr en póst-
númerið hoppaði inn á skjáinn. Það
er afskaplega erfitt að keyra um
hverfið mitt á svona kraftmiklum
og hljóðlausum bíl á löglegum
hraða.
Eins og með alla bíla sem ég
prófa þá hávaðamældi ég bílinn,
en mér til vonbrigða mistókst mæl-
ingin. Þrátt fyrir að bíllinn hafi
verið á grófum ónegldum vetrar-
dekkjum, þá tel ég að bíllinn mundi
mælast um 70 db. (byggi það bara
á reynslu fyrri mælinga á öðrum
bílum).
Ljúfur bíll að
keyra í langkeyrslu
Langkeyrslan var í styttra lagi, en
að keyra bílinn á góðu malbiki er
mjög ljúft. Þó þarf aðeins að passa
upp á hraðablindu á bestu vegunum
(þessum fáu góðu köflum). Þegar
vegir eru góðir hættir manni til að
keyra mun hraðar heldur en maður
telur sig vera að keyra.
Sá litli kafli sem ég keyrði bíl-
inn á möl var það leiðinlegur að ég
notaði fyrsta tækifæri til að komast
á bundið slitlag. Það segir bara að
þessi bíll er ekki skemmtilegur á
malarvegi.
Plúsarnir eru fleiri en mínusarnir
Stærstu plúsarnir eru í fyrsta lagi
verðið, er það myndi kallast „grín“.
Þá er krafturinn æðislegur, sætin góð,
innrétting flott. Bíllinn er umhverfis-
vænn og fer langt á hleðslunni. Hann
má draga kerru sem er allt að 910 kg.
Ef það á að vera með dráttarkrók, þá
þarf að panta hann um leið og bílinn
því ekki er settur krókur á Teslabíla
hér á landi.
Mínusarnir, ekki margir, en það
er ekkert varadekk, sem er ekki
hentugt fyrir holótta malarvegi.
Mesti mínusinn hefur ekkert með
bílinn að gera, en það er vegakerfið
á Íslandi sem er einfaldlega ekki
tilbúið fyrir svona eðalbíla sem
framleiddir eru á hjólbörðum sem
eru nánast ekki með neina fjöðrun,
þó svo að þessi bíll sé á 18 tommu
felgum.
Lokaorðin eru þau að vegirnir í
hverfinu mínu eru þokkalega góðir
og hætt við að ég yrði fljótt próflaus
á svona bíl þar. Fyrir mér er allt gott
við þennan bíl en vegirnir bara ekki
nógu góðir.
VÉLABÁSINN
Hjörtur L. Jónsson
liklegur@internet.is
Lengd 4.694 mm
Hæð 1.443mm
Breidd 1.850 mm
Helstu mál og upplýsingar
Tesla 3 4x4 á góðu verði og
kemst langt á hleðslunni
Óneitanlega flottur bíll – Tesla 3. Myndir /HLJ
Farangursrýmið að aftan er stærra en maður heldur.
Svo er líka farangursrými að framan.
Ari, bensínsölumaðurinn á Bíldshöfðanum, fórnaði bara höndum og sagðist
ekkert geta gert fyrir mig.
Mælaborðið er svolítið sérstakt í bílnum.
Þarna hefði ég viljað teppaleggja og
einangra.
Lely Center Ísland
Reykjavík: Krókháls 5f – Sími 414 0000 – www.vbl.is
Akureyri: Óðinsnes 2 – Sími 464 8600
KÚPLINGAR í flestar
gerðir dráttarvéla