Bændablaðið - 23.04.2020, Blaðsíða 61
Bændablaðið | Fimmtudagur 23. apríl 2020 61
Landbúnaðarháskóli Íslands
starfar á þremur meginstarfsstöðv-
um, að Hvanneyri í Borgarbyggð,
Reykjum í Ölfusi og Keldnaholti
í Reykjavík. Í júní síðastliðnum
var samþykkt ný stefna til fimm
ára fyrir Landbúnaðarháskólann.
Sett voru fram þrjú gildi:
SJÁLFBÆRNI, HAGSÆLD og
FRAMSÆKNI og framtíðarsýnin
sett fram í eftirfarandi setningu:
„Landbúnaðarháskóli Íslands
er þekktur innanlands sem og á
alþjóðavettvangi fyrir framsækna
kennslu, rannsóknir og nýsköpun
sem stuðli að verðmætasköpun og
fæðuöryggi til framtíðar með sjálf-
bærri nýtingu auðlinda.“
Sex áherslur
Í tilkynninu frá skólanum kemur
fram að stefnunni er skipt í sex
áherslur; 1) Stuðla að nýsköpun og
verðmætasköpun, 2) Sækja fram á
sviði rannsókna og þróunar, 3) Bjóða
framsækið og virðisaukandi nám,
4) Tryggja skilvirka nýtingu inn-
viða, 5) Efla mannauð og liðsheild
og 6) Tryggja traust og gott orðspor.
Hverri áherslu er síðan fylgt eftir
með aðgerðum, mælikvörðum og
markmiðum og hefur skólinn unnið
markvisst að eftirfylgni og þegar
náð góðum árangri. Í því sambandi
má nefna að styrkir sem fengust úr
samkeppnissjóðum voru rúmlega
tvöfalt hærri en undanfarin ár, nem-
endum hefur fjölgað, innviðir hafa
verið styrktir, ráðið hefur verið í nýjar
stöður, nýir samstarfssamningar verið
gerðir og reglulega birtast jákvæðar
fréttir úr starfi skólans.
Nýtt skipurit
Um síðustu áramót var nýrri stefnu
fylgt eftir með nýju skipuriti.
Háskólaráð fer með yfirstjórn skól-
ans og dagleg stjórnun er í höndum
framkvæmdastjórnar sem skiptist í
fræðasvið og sameiginlega stjórn-
sýslu.
Fagbrautum er nú skipt á þrjár
fagdeildir sem bera heitin Ræktun og
fæða, Náttúra og skógur og Skipulag
og hönnun. Á hverri deild er boðið
upp á starfsmenntanám á fram-
haldsskólastigi, grunnnám (BS) og
framhaldsnám (MS og PhD). Lögð
er áhersla á að efla rannsóknir og
nýsköpun til að styðja við kennslu á
öllum námsstigum. Deildarforsetar
voru valdir til forystu fyrir hverja
deild og með þeim í deildarráði sitja
brautarstjórar sem tryggir að allar
brautir komi að stjórnun, sem og
fulltrúar nemenda. Með nýjum fag-
deildum er ætlunin að efla samstarf-
ið á milli námsstiga, ná fram sam-
legðaráhrifum, bæta innviði skólans
og nýtingu þeirra og styrkja um leið
þverfaglegt samstarf. Fagdeildirnar
mynda saman fræðasvið skólans
og rektor, deildarforsetar og starfs-
menntanámsstjóri mynda stjórn þess.
Til að styðja við fagdeildir er
stoðþjónusta skólans sem nú skipt-
ist í rektorsskrifstofu, rekstrarsvið,
rannsóknir og alþjóðasamskipti og
kennsluskrifstofu. Stoðþjónusta
skólans hefur verið efld með nýjum
mannauðs- og gæðastjóra og upp-
lýsinga- og skjalastjóra sem tóku til
starfa í byrjun ársins. Rektor stýrir
stjórnsýslu skólans ásamt skrifstofu-
stjóra rektorsskrifstofu, rekstrar-
stjóra, rannsókna- og alþjóðafulltrúa
og kennslustjóra.
Endurmenntun
Endurmenntun og fræðsla fyrir al-
menning er starfrækt í þeim fræðum
sem viðurkenning háskólans tekur
til. Endurmenntun skólans hefur
náð miklum vinsældum og er bæði
boðið upp á einstök námskeið og við-
bótarnám. Má þar sem dæmi nefna
fjölmörg námskeið sem tengjast
ræktun og náttúrunytjum, jurtalitun,
Reiðmanninn og Grænni skóga.
Landbúnaður, umhverfi og
skipulag skipta öllu máli
Á næstu árum mun áfram verða
lögð áhersla á að efla rannsóknir
og alþjóðastarf og samþætta
rannsóknir, nýsköpun og kennslu
á lykilsviðum skólans sem snúa
að sjálfbærri nýtingu auðlinda,
umhverfis, skipulags og mat-
vælaframleiðslu á norðurslóðum.
Eftir hremmingar sem gengið hafa
yfir heiminn að undanförnu ætti
öllum að vera ljóst að þetta eru
þau svið sem skipta mestu máli
fyrir skólann.
/VH
Bílasala Akureyrar
Freyjunes 2, 603 Akureyri
S. 461-2533
Netfang: sala@bilak.is
www.bilak.is
NÝIR FRÁ BL Í ÁBYRGÐ!
´20 Dacia Duster Comfort.
Dísel, beinskiptur.
Verð 3.990,- #110170
´20 Subaru Forester Lux MHEV NEW.
Bensín, sjálfsk.
Verð 7.190,- #110052
´20 Subaru Forester premium.
Bensín, sjálfskiptur.
Verð 5.990,- #110009
´20 Nissan Qashqai Acenta.
Dísel, sjálfskiptur.
Verð 5.340,- #110131
S: 5272600 - www.velavit.is
Varahlutir - Viðgerðir
Vélavit
Sala Þjónusta
www.velavit.is
Erum með varahluti og þjónustu fyrir allar JCB vélar
S: 527 2600
Smáauglýsinga-
síminn er:
563 0300
VÉLBOÐA mykjudreifarar!
VÉLBOÐI
S: 565-1800
www.velbodi.is
Í fjórum útfærslum
og mörgum stærðum
Nýtt skipurit Landbúnaðarháskóla Íslands:
Ný stefna til fimm ára
17,70%
8,0% 7,2%
10,4%
23,2%
37,0%
29,2%
0,00%
5,00%
10,00%
15,00%
20,00%
25,00%
30,00%
35,00%
40,00%
Mannlíf Viðskiptablaðið DV Stundin Morgunblaðið Fréttablaðið Bændablaðið
Prentmiðlar - meðallestur á öllu landinu