Fréttablaðið - 05.06.2020, Blaðsíða 2

Þetta er staðfesting
á stefnu sem Þing-
vallanefnd hefur markvisst
unnið eftir og lýtur að því að
það muni ekki rísa fleiri
sumarbústaðir innan
þjóðgarðsins.
Einar Á. E. Sæ-
mundsen, þjóð-
garðsvörður á
Þingvöllum
Frestur til þess að senda
ábendingu um Reykvíking
ársins er til 15. júní næst-
komandi.
Veður
Norðan 5-13 m/s í dag, en 10-18
austast. Skúrir eða slydduél
norðaustan- og austanlands,
léttskýjað sunnan og vestan
til, annars skýjað en þurrt að
kalla. Hiti 1 til 8 stig, en hiti að 14
stigum suðvestan til yfir daginn.
SJÁ SÍÐU 14
Framkvæmdagleði í Vesturbænum
Sumarið er tíminn til þess að lappa upp á götur bæjarins sem hafa látið á sjá eftir frosthörkur vetrarins. Verktakar voru í sannkölluðu sumarskapi
þegar þeir fræstu malbikið á vígalegum ökutækjum sínum í götunum við Meistaravelli í Vesturbænum í Reykjavík í gær. FRÉTTABLAÐIÐ/ERNIR
FASTEIGNIR Fjármálaráðuneytið
hefur keypt umdeildan steyptan
grunn á sumarhúsalóð í Þingvalla-
þjóðgarði á 35 milljónir króna.
Á Valhallarstíg nyrðri 7 við Þing-
vallavatn er steyptur grunnur að
159 fermetra sumarhúsi sem til
stóð að byggja eftir að bústaður sem
þar hafði staðið var rifinn. Eftir að
steyptur hafði verið upp grunnur
stöðvaði byggingarfulltrúi fram-
kvæmdir 3. október 2008 í kjölfar
þess að byggingarstjórinn hafði sagt
sig frá verkinu. Ekkert hefur síðan
verið gert á staðnum.
Hjónin Bogi Pálsson og Sólveig
Lára Magnúsdóttir áttu grunn-
inn sem fyrir um einu og hálfu ári
komst í eigu föður Boga, Páls Samú-
elssonar, eftir að Þingvallanefnd
hafnaði því að neyta forkaupsréttar
og ganga inn í kauptilboð Páls – upp
á 70 milljónir króna – eða helmingi
hærri upphæð en ríkið hefur nú
greitt. Grunnurinn stendur á leigu-
lóð í eigu ríkisins.
Lögmaður þjóðgarðsins sendi
byggingarfulltrúa Uppsveita Árnes-
sýslu erindi í október síðastliðnum
og spurðist fyrir um hvort bygging-
arfulltrúinn gæti ekki beitt ákvæði
í lögum um mannvirki vegna Val-
hallarstígs nyrðri 7.
„Umbjóðandi minn ítrekar að
hann telur almenningi stafa hætta
af umræddum grunni og einnig er
grunnurinn veruleg lýti á þjóðgarð-
inum og telur umbjóðandi minn
eðlilegt að umræddur grunnur
verði fjarlægður af lóðinni,“ undir-
strikaði lögmaðurinn í næsta bréfi
til byggingarfulltrúans í nóvember.
Í desember spurðist Páll Samú-
elsson fyrir um það hvað gera þyrfti
svo hann gæti fengið endurnýjað
byggingarleyfi á grunninum. Eignin
væri í söluferli og að með bygg-
ingarleyfi yrði auðveldara að selja.
Þá kveðst Einar Á. E. Sæmundsen
þjóðgarðsvörður hafa gripið inn í
atburðarásina. Haft hafi verið sam-
band við Pál sem tekið hafi jákvætt
í að selja.
„Þau samskipti enduðu á því að
við fengum mat frá fasteignasala,“
segir Einar sem kveður þar með
hafa verið kominn grundvöll til að
ríkið næði til sín eigninni og niður-
staða fengist í erfitt og langdregið
mál.
„Þetta er niðurstaða sem byggir
á þeim heimildum og samningum
sem eru í gildi. Hún þýðir að það
mun ekki rísa sumarbústaður
þarna. Og þetta er staðfesting á
stefnu sem Þingvallanefnd hefur
markvisst unnið eftir og lýtur að því
að það muni ekki rísa f leiri sumar-
bústaðir innan þjóðgarðsins,“ segir
Einar. Næsta verkefni sé að ákveða
hvað verði um steypugrunninn.
„Viljum við nýta þetta mannvirki
og breyta í aðstöðusköpun fyrir
þjóðgarðinn eða förum við í mat á
því að láta fjarlægja það? Í raun sé
ég alveg möguleikann á því að geta
nýtt þetta,“ segir þjóðgarðsvörður.
gar@frettabladid.is
Fengu Þingvallagrunn
keyptan á 35 milljónir
Samið hefur verið um kaup ríkisins á umdeildum steypugrunni á Þingvöllum
fyrir 35 milljónir króna. Gengið var frá viðskiptunum þegar þjóðgarðurinn
vildi láta kanna hvort ekki mætti fjarlægja grunninn á kostnað eigandans.
Grunnurinn þykir hættulegur og lýti á þjóðgarðinum. FRÉTTABLAÐIÐ/GARÐAR
SAMGÖNGUR Þýska flugfélagið Luft-
hansa hefur ákveðið að hefja f lug á
nýjan leik til Íslands í júlí. Þetta
kom fram á vefsíðunni turisti.is. Þar
segir að fyrsta kastið muni þotur
Lufthansa f ljúga hingað vikulega
tvisvar í viku frá Frankfurt og frá
München.
Andreas Köster, svæðisstjóri hjá
Lufthansa, segir í samtali við vefsíð-
una að fyrstu vikurnar verið flogið
frá Frankfurt á fimmtudögum og
laugardögum en frekari f lugáætlun
hafi ekki verið negld niður. Það
mun skýrast á næstu viku.
Fyrir kórónaveirufaraldurinn
f laug Lufthansa til og frá Íslandi
allt árið um kring frá Frankfurt og
yfir sumarmánuðina frá München.
Ferðabanni til Íslands verður form-
lega aflétt með skilyrðum 15. júní
næstkomandi. – hó
Lufthansa
flýgur til
Íslands í júlí
SAMFÉLAG Reykjavíkurborg leitar
nú að Reykvíkingi ársins 2020.
Óskað er eftir ábendingum um
borgarbúa sem hefur verið öðrum
til fyrirmyndar eða sýnt af sér hátt-
semi eða atferli sem kemur borginni
til góða.
Er þetta í tíunda sinn sem staðið
er fyrir þessu vali en í fyrra var
Helga Steffensen, stjórnandi Brúðu-
bílsins, Reykvíkingur ársins.
„Fjölmargir Reykvíkingar vinna
óeigingjarnt starf í þágu borgar-
innar án þess að það fari hátt. Þessu
fólki ber að þakka. Ég hvet alla þá
sem vita af slíkum einstaklingum
að senda inn tilnefningu um Reyk-
víking ársins 2020, “ segir Dagur B.
Eggertsson borgarstjóri.
Hægt er að senda ábendingar um
einstaklinga sem koma til greina
ásamt rökstuðningi á netfangið
hugmynd@reykjavik.is eða bréf-
lega til skrifstofu borgarstjóra fyrir
mánudaginn 15. júní.
Að venju mun Reykvíkingur
ársins renna fyrstur fyrir lax í Ell-
iðaánum ásamt borgarstjóra í boði
Stangaveiðifélags Reykjavíkur. – sar
Reykvíkings
ársins leitað
Helga Steffensen var Reykvíkingur
ársins 2019. FRÉTTABLAÐIÐ/BJARNI
5 . J Ú N Í 2 0 2 0 F Ö S T U D A G U R2 F R É T T I R ∙ F R É T T A B L A Ð I Ð