Mosfellingur - 09.01.2020, Qupperneq 4

www.lagafellskirkja.is
kirkjustarfið HelgiHald næstu vikna
sunnudagur 12. janúar
kl. 11:00 Guðsþjónusta í Lágafells-
kirkju. Sr. Ragnheiður Jónsdóttir.
kl: 17:00 BATAMESSA – Guðsþjónusta
í tengslum við samtökin Vinir í bata.
Sr. Ragnheiður Jónsdóttir.
sunnudagur 19. janúar
kl: 20:00 Kvöldguðsþjónusta.
Sr. Ragnheiður Jónsdóttir. Ræðumaður
er Aðalbjörg Egilsdóttir líffræðingur
sem nýlega sat loftslagsráðstefnu í
Madrid sem fulltrúi unga fólksins.
sunnudagur 26. janúar
Guðsþjónusta í Mosfellskirkju
kl. 11:00. Sr. Arndís Linn.
- Dreift frítt í Mosfellsbæ, Kjalarnes og Kjós4
Vinningshafar í jóla­
krossgátu blaðsins
Í jólablaði Mosfellings gafst
lesendum kostur á að spreyta sig á
verðlaunakrossgátu. Dregið hefur
verið úr innsendum lausnum og
eru sigurvegararnir þau Sigríður
Halldórsdóttir Arkarholti 12
og Ámundi Jökull Játvarðsson
Grundartanga 5. Vinningshafarnir
fá gjafabréf á veitingastaðinn Blik
Bistro & Grill og verður gjafabréfum
komið til þeirra á næstu dögum.
Lausnarorð krossgátunnar var
„Fleira þarf í dansinn en fagra
skóna“. Við þökkum þeim fjölmörgu
sem sendu inn rétta lausn og óskum
vinningshöfum til hamingju.
- Jólakrossgáta 201918
Verðlauna
krossgáta
Mosfellingur og Blik Bistro bjóða upp á jólakrossgátu Verðlaun í boði Blik Bistro
Dregið verður úr innsendum lausnarorðum og fá tveir heppnir
vinningshafar 5.000 kr. gjafabréf frá Blik Bistro & Grill.
Sendið lausnarorðið sem er í tölusettu reitunum, 1-30, á netfangið krossgata@mosfellingur.is
eða heimilisfangið Mosfellingur, Spóahöfða 26, 270 Mosfellsbæ.
Merkt „Jólakrossgáta”. Skilafrestur er til 6. janúar. Látið fylgja nafn og heimilisfang.
H
öf
un
du
r k
ro
ss
gá
tu
: B
ra
gi
V
. B
er
gm
an
n
- b
ra
gi
@
fr
em
ri.
is
Rafræn kosning um
íþróttakarl og ­konu
Búið er að tilnefna 26 einstaklinga
til íþróttakarls og -konu Mosfells-
bæjar 2019. 14 karlar eru tilnefndir
og 12 konur. Íþróttafólkið er kynnt
betur til sögunnar annars staðar í
blaðinu. Bæjarbúum gefst kostur
á, ásamt aðal- og varamönnum í
íþrótta- og tómstundanefnd, að
kjósa. Kosningin fer fram á vef
Mosfellsbæjar www.mos.is dagana
9.-14. janúar. Velja skal í 1., 2. og 3.
sæti. Úrslit verða kynnt fimmtudag-
inn 16. janúar kl. 19 í íþróttamið-
stöðinni að Varmá. Þangað eru allir
velkomnir. Á myndinni hér að ofan
má sjá íþróttamenn Mosfellsbæjar
2018, þau Andra Frey knatt-
spyrnumann og Maríu Guðrúnu
taekwondokonu.
sunnudaga-
skóli
alla sunnudaga kl. 13:00
í lágafellskirkju
Foreldra-
morgnar
hefjast 9. janúar
sókn Í sókn
– liFandi samFÉlag
Vertu með í sókninni!
Mosfellsbær og Bakki ehf. hafa undirritað
samkomulag um áframhaldandi uppbygg-
ingu íbúabyggðar í Helgafellshverfi, svo-
kallaðan fjórða áfanga þar sem 188 íbúðir
verða reistar á næstu árum.
Bakki tekur með samningnum að sér
allar framkvæmdir við gatnagerð, þar með
talið Skammadalsveg, stíga og göngustíga,
veitur og frágang opinna svæða og leikvall-
ar en Bakki eignaðist allan byggingarrétt á
svæðinu með kaupum á gildandi samningi
af Landsbankanum þann 22. mars 2017.
Bakki ber alla ábyrgð á uppbyggingu
Samkvæmt samkomulaginu ber Bakki
ábyrgð á allri uppbyggingu á svæðinu sem
er hefðbundið í sambærilegum verkefnum.
Frá þessu eru þó tvær undantekningar. Þær
eru annars vegar að Mosfellsbær mun sjá
um að veita ofanvatni af svæðinu þ.e. læki
sem rigningar og leysingavatn flæðir um, þó
þannig að Bakki mun skaffa veituskurði til
lagningar umræddra lagna og loka þeim.
Þessi leið er farin í ljósi þess að Mos-
fellsbær hefur séð um slíkar framkvæmdir
í öðrum áföngum hverfisins og mun tengja
lagnir frá fimmta áfanga inn á umræddar
lagnir og því best að þær séu á einni hendi.
Hins vegar mun Mosfellsbær skaffa ljósa-
staura, lagnir þeirra og tengibúnað við
Skammadalsveg enda er einungis um að
ræða stuttan hluta lengri vegar og eðlilegt
að tryggt verði að samskonar búnaður sé
notaður meðfram öllum veginum.
opin svæði byggist upp samhliða
Með samkomulaginu er lagt til að breyt-
ing verði gerð á kröfum í deiliskipulagi um
íbúðir fyrir 55 ára og eldri og að þær verði
40 talsins. Á grunni almennra útboðsskil-
mála Mosfellsbæjar verður ýmsum kvöðum
þinglýst á byggingarlóðir innan áfangans
auk ákvæða um hraða framkvæmda sem
skiptir íbúa í Helgafellshverfi miklu máli.
Í samkomulaginu er jafnframt gert ráð
fyrir að framkvæmdum verði skipt í þrjá
áfanga og að tryggt verði að opin svæði
byggist upp samhliða annarri uppbyggingu.
Mosfellsbær er og verður áfram eigandi alls
lands á skipulagssvæðinu.
aukin byggingarréttargjöld
Mosfellsbær mun leggja á gatnagerðar-
gjöld vegna byggingarlóða í samræmi við
gjaldskrá eins og hún verður á hverjum
tíma. Þá mun Bakki greiða alls um 92 m.kr.
í aukin byggingarréttargjöld vegna fjölg-
unar íbúða á svæðinu samkvæmt þeirri
deiliskipulagstillögu sem fyrir liggur.
Greiðslum Bakka verður varið til fullrar
greiðslu kostnaðar af uppbyggingu innviða
samkvæmt samkomulaginu. Mosfellsbær
mun því ekki bera markverðan kostnað af
uppbyggingunni.
Byggð sem verði öllum til sóma
„Hér er um að ræða mikilvægan samning
sem tryggir hagsmuni bæjarbúa í bráð og
lengd. Það er mikill og jákvæður kraftur í
samfélagi okkar Mosfellinga og mikilvægt
að sú byggð sem þarna mun rísa verði
öllum til sóma,“ segir Haraldur Sverrisson
bæjarstjóri Mosfellsbæjar.
„Bæjarstæðið er fallegt og mun tengja
saman þétta byggð í nágrenni við útivistar-
perlur okkar. Nú þegar þessi uppbyggingar-
samningur er í höfn tekur við lokahnykkur
skipulagsvinnunnar og í kjölfarið ættu
framkvæmdir að geta hafist.“
vandaða skipulag með íbúa í fyrsta sæti
Eigendur Bakka hafa tekið virkan þátt í
uppbyggingu í Mosfellsbæ á undanförn-
um 40 árum, áður sem Álftárós og nú sem
Bakki. Þeir hafa t.d. byggt Kjarnann og
fjölda verslana auk vel á annað þúsund
íbúða og sérbýlishúsa í Mosfellsbæ.
„Félagið hefur haft þá stefnu að viðhalda
einkennum Mosfellsbæjar með byggingu lít-
illa raðhúsa og hagkvæmra íbúða sem henta
fólki sem vill búa börnum sínum áhyggju-
lítið líf í nánd við náttúruna,“ segir Örn
Kjærnested hjá byggingafélaginu Bakka.
„Ein helsta rós í hnappagat fyrirtækis-
ins er bygging Permaform-húsanna upp
úr 1990 þegar ástandið á markaðnum var
mjög erfitt og mikið atvinnuleysi. Þessi
hús voru á um það bil 30% lægra verði en
sambærileg stærð íbúða.
Með uppyggingu á 4. áfanga í Helgafelli er
Bakki kominn í gamla gírinn og setur stefn-
una á vandað skipulag með íbúana í fyrsta
sæti. Vandaðar íbúðir og hagkvæmt verð.“
Uppbyggingarsamningur um fjórða áfanga íbúabyggðar í Helgafellshverfi undirritaður
188 íbúðir verða reistar í
4. áfanga Helgafellshverfis
feðgarnir guðmundur og Örn kjærnested
skrifa undir með haraldi bæjarstjóra
MOSFELLINGUR
kemur næst út
30. janúar
mosfellingur@mosfellingur.is
helgafellshverfi
stækkar til austurs