Dagblaðið Vísir - DV - 24.04.2020, Síða 6

24. APRÍL 2020 DV
A nna Aurora Waage Ósk­arsdóttir komst í frétt­irnar fyrr í mánuðinum
eftir að hún var handtekin í
Bolungarvík grunuð um að
hafa villt á sér heimildir til
að starfa réttindalaus sem
sjúkraliði í bakvarðasveit
Heilbrigðisstofnunar Vest­
fjarða, auk þess sem hún var
sökuð um lyfjastuld. DV hafa
undanfarnar vikur borist hátt
í hundrað ábendingar frá fólki
sem segir Önnu Auroru hafa
leikið tveim skjöldum, logið
til um starfstitla eða menntun
eða boðið fram sérfræðiþjón­
ustu á ýmsum sviðum, svosem
lögmannsþjónustu og skatta­
ráðgjöf, án þess að hafa til­
skilin réttindi.
Úr Mosfellsbænum
Anna Aurora Waage Óskars­
dóttir er fædd 7. júlí 1983.
Samkvæmt heimildum DV er
fæðingarnafn hennar Anna
Jóna Óskarsdóttir. Mun hún
hafa notað fæðingarnafn sitt
fram á unglingsaldur en síðan
bætt við eftirnafninu Waage.
Anna Aurora ólst upp í Mos­
fellsbæ og er yngst þriggja
systkina.
Samkvæmt heimildum DV
gekk Anna Aurora í Varmár­
skóla í Mosfellsbæ. Að loknu
grunnskólaprófi stundaði um
tíma nám við Fjölbrautaskól­
ann í Ármúla og Borgarholts­
skóla en engar heimildir eru
til staðar um að hún hafi lokið
stúdentsprófi frá íslenskum
eða erlendum skóla.
Sambýlismaður Önnu er
Hreinn Heiðar Oddsson, fædd­
ur 24. janúar 1974, og eiga þau
fimm börn á aldrinum 8­15
ára.
2007-2010
Samkvæmt gögnum sem
DV hefur undir höndum var
einka hlutafélagið LF verk
ehf. stofnað í júní 2007 og
starfsemin flokkuð undir
leigu atvinnuhúsnæðis. Í mars
2009 var fyrirsvarsmönnum
fyrirtækisins, Önnu Auroru
(þá Anna Jóna Óskarsdóttir)
og Hreini Heiðari Oddssyni,
stefnt fyrir dóm af tveimur
verktökum sem störfuðu hjá
fyrirtækinu árið 2007 og
fram í ársbyrjun 2008. Kröfð­
ust þeir vangoldinna vinnu­
launa, sem dómurinn féllst á
að hluta.
Annar starfsmaðurinn
staðfesti í samtali við DV
að hann hefði á sínum tíma
verið ráðinn í verktakavinnu
fyrir fyrirtækið til að sinna
framkvæmdum á Litlu Fells­
öxl í Hvalfjarðarsveit, þar
sem reisa átti sumarbústaði.
LF verk ehf. var úrskurðað
gjaldþrota í janúar 2010. Sam­
kvæmt opinberum gögnum
var Anna Jóna Óskarsdóttir
skráður þinglýstur eigandi að
Litlu Fellsöxl 4, ásamt Hreini
Heiðari Oddssyni. Í mars 2011
var eignin auglýst á nauðung­
aruppboði.
2012
DV hefur heimildir fyrir að
minnsta kosti tveimur kærum
sem lagðar hafa verið fram á
hendur Önnu Auroru vegna
fjársvika. Sú fyrri var lögð
fram árið 2013 en í samtali
við DV bað kærandinn um
nafnleynd. Hann segir Önnu
Auroru hafa verið kallaða inn
í skýrslutöku vegna málsins á
sínum tíma. Engin ákæra hafi
þó verið gefin út.
„Í kringum 2012 kynnist
ég henni einhvern veginn
á netinu og hún þykist vera
lögfræðingur. Ég átti í hálf­
gerðum útistöðum við lög­
fræðistofu sem mér fannst
ekki standa sig gagnvart mér.
Hún þóttist geta leyst öll mín
vandamál og ég lagði ein­
hvern 40 þúsund plús inn á
hana. Hún tók við persónuupp­
lýsingum frá mér og fleirum.
Já, hún ætlaði að sækja eitt­
hvert skjal sem kostaði 25.000
minnir mig. Svo þegar ég
fór að ýta á hana þá þóttist
hún vera upptekin við önnur
mál,“ segir kærandinn sem á
þessum tíma bjó í sama bæjar­
félagi og Anna Aurora.
„Eftir að ég kærði og gekk á
hana fluttu þau héðan. Ég var í
rauninni í afneitun. Því ég beit
á agnið, lét hana hafa pening
og persónulegar upplýsingar.
Ég vildi ekki trúa því að þetta
væru tómar blekkingar. Þetta
eru vondar minningar að rifja
upp.“
Þess ber að geta að í tölvu­
póstsamskiptum Önnu Auroru
og kærandans frá þessum
tíma, sem DV hefur afrit af,
titlar Anna Aurora sig sem
„hdl og löggildan verðbréfa­
sala“. Þá titlar hún sig einn­
ig sem stjórnarmann í stjórn
Samherja á Íslandi og Sam­
skipta ltd.
2013
Árið 2013 var Anna Aurora
búsett í Mosfellsbæ. DV og
fleiri fjölmiðlar greindu frá
því á dögunum að árið 2013
hefði hún sótt um fjárhagsað­
stoð úr neyðarsjóði Lágafells­
kirkju í Mosfellsbæ en á þeim
tíma þjónaði Skírnir Garðars­
son þar sem prestur. Skírnir
grunaði hana um græsku og
spurðist fyrir um gögn þau er
hún lagði fram til stuðnings
umsókninni. Í kjölfarið kærði
Anna Aurora Skírni fyrir
persónuverndarbrot vegna
þessarar eftirgrennslanar og
leiddi það til þess að honum
var sagt upp störfum.
Í febrúar 2013 var Anna
Aur ora, þá Anna J. Waage,
kjörin formaður Barnanna
okkar, samtaka foreldra leik­
skólabarna í Reykjavík. Á
heimasíðu samtakanna kom
fram að hlutverk þeirra væri
að „standa vörð um hags­
muni og velferð leikskóla­
barna á leikskólum Reykja­
víkurborgar“. Í tengslum við
það sat Anna meðal annars
fundi í skóla­ og frístundaráði
Reykjavíkurborgar. Samtökin
voru lögð niður í ágúst sama
ár. Í samtali við RÚV á sínum
HVER ER ANNA AURORA WAAGE?
Anna Aurora var flutt með þyrlu Landhelgisgæslunnar til að sinna starfi bakvarðar á Heilbrigðisstofnun Vestfjarða. MYND/ANTON
Hér gefur að líta hluta af ferli Önnu Auroru í
gegnum árin. Þess ber að geta að stuðst er við
opinber gögn og staðfestar heimildir.
Framhald á síðu 8 ➤
Ritstjórn
dv@dv.is
6 FRÉTTIR