Íþróttablaðið - 01.12.1969, Síða 5

„Pósthólf Iþróttablaðsins.
Okkur langar til að skrifa
íþróttablaðinu með von um, að
það gefi okkur greið svör. Við
erum nokkrir 13 ára piltar, sem
spilum knattspyrnu með einu
Reykjavíkurfélaganna í 4. fl.,
og erum mjög óánægðir með
það, hve forustumenn knatt-
spyrnumálanna sinna yngri
flokkunum lítið. Ef við vinn-
um mót, t. d. Reykjavíkur- eða
haustmót fáum við ekki afhenta
bikara strax eftir mótið eins og
gert er í meistaraflokki. Við
fáum yfirleitt mjög lélega dóm-
ara á leikina, sem sumir hverj-
ir kunna miklu minna en við í
reglunum. Svo er sárasjaldan
minnzt á það í blöðunum hvern-
ig leikirnir í yngri flokkunum
enda.
Þetta er ekki til að örfa áhug-
ann hjá yngri flokkunum. Hinir
eldri eru alltaf að heimta meiri
og betri árangur, en skipta sér
ekkert af yngri flokkunum. Úr
því að þeir sýna þessum mál-
um ekki meiri skilning er ekki
von til þess, að vel gangi. Svo
skorum við á íþróttafréttaritara
„ískomfrð 5K05ÖLUHNI Ldcgdveoi!
að skýra alltaf frá úrslitum í
yngri flokkunum.
Virðingarfyllst
Helgi Pétursson“
Svar:
Það er hverju orði sannara, að
yngri flokkunum er ekki sýnd
sú ræktarsemi sem skyldi. Það
virðist t. d. ekkert vera því til
fyrirstöðu, að þið fáið afhent
sigurlaun strax að keþpni lok-
inni. Er þeirri beiðni hér með
komið á framfæri.
Varðandi skrif dagblaðanna
um úrslit í yngri aldursflokk-
unum er það að segja, að mjög
erfitt og tafsamt er að afla sér
upplýsinga um úrslitin. Sum
blöð hafa reynt að gera þetta,
en gefizt fljótlega upp. Hins
vegar hafa blöðin það fyrir
venju að birta myndir af sigur-
vegurum yngri flokkanna og
skýra um leið frá úrslitum í við-
komandi móti. Er það ágætur
siður, sem ekki má leggjast nið-
ur.
Ung handknattleiksáhuga-
stúlka hefur skrifað blaðinu og
beðið um upplýsingar um Norð-
urlandamót kvenna í handknatt-
leik, sem haldið var á íslandi.
Hún spyr í fyrsta lagi hvenær
mótið hafi verið haldið. í öðru
lagi um úrslit leikja. Og í þriðja
lagi hver hafi verið fyrirliði ís-
lenzka liðsins.
Svar:
Mótið var haldið dagana 26.-
30. júní 1964 á Laugardalsvell-
inum. Því miður höfum við
ekki við hendina úrslit í öllum
leikjum mótsins, en úrslit í
leikjum íslenzka liðsins urðu
þessi:
ísland — Svíþjóð 5 : 4
Island — Finnland 14 : 5
ísland — Danmörk 8 : 8
ísland — Noregur 9 : 7
Fyrirliði íslenzka liðsins var
Sigríður Sigurðardóttir, hin góð-
kunna handknattleikskona úr
Val, sem enn leikur handknatt-
leik við góðan orðstír.
H.S. skrifar blaðinu bréf, sem
við birtum örlítið stytt:
„Ég hef lengi verið áskrifandi
að íþróttablaðinu. Ég er ánægð-
ur með þær breytingar, sem
gerðar hafa verið á því og finnst
betur hæfa að birta viðtöl og
greinar en skýrslur, þar sem
þurrar tölur eru alls ráðandi.
En vel að merkja! Hvernig
stendur á því, að við áskrifend-
urnir fáum blaðið seinna í hend-
ur en þeir, sem kaupa það 1
lausasölu? Ég gat keypt síðasta
blað í lausasölu löngu áður en
mér barst það sem áskrifanda.
Er ekki hægt að kippa þessu í
lag?
H.S.“
Svar:
Það voru mistök af okkar
hálfu, að blaðið skyldi fara í
lausasölu, áður en það var sent
til áskrifenda. Mun séð til þess,
að slíkt endurtaki sig ekki.
ÍÞRÓTTABLAÐIÐ
61