Fréttablaðið - 01.08.2020, Page 2

Veður
Austlæg átt í dag, 8-15 og rigning
SA-lands, en annars víða skúrir. Hiti
9 til 17 stig, svalast og hvassast á
Vestfjörðum. SJÁ SÍÐU 28
Grímulaus ruglingur
Eftir töluverðan rugling um sóttvarnareglur í strætó tilkynnti Strætó síðdegis í gær að farþegum yrði ekki skylt að bera grímur í strætó. Mælst var
hins vegar til þess að farþegar hefðu grímu á sér til að nota á þeim tímum þegar fjölmennast er í vögnum. Tilkynningin dugði þó ekki til að sefa
ágreining um grímunotkun og hefur málinu verið skotið til almannavarna. Gert verður út um deiluefnið á upplýsingafundi í dag. FRÉTTABLAÐIÐ/ERNIR
FERÐALÖG „Þessi hugmynd hefur
blundað í mér í smá tíma en síðustu
sumur hafa mögulegir ferðafélagar
aldrei verið lausir á sama tíma. Út
af faraldrinum voru allir klárir í ár
og þess vegna ákváðum við að kýla
á þetta,“ segir Geir Gunnarsson
meðlimur Geirfuglanna, sem luku
á dögunum því afreki að hjóla yfir
allt Ísland, horn í horn.
„Við byrjuðum á Reykjanestánni
og hjóluðum síðan á ská yfir allt
landið og enduðum yst á Langanesi.
Ég veit ekki hvort að þetta hafi verið
gert áður á hjóli og það væri áhuga­
vert ef einhver getur leiðrétt okkur
með það,“ segir Geir. Ásamt honum
hjóluðu tveir bræður hans, Magnús
og Pétur Már Gunnarssynir, með
honum, sem og vinur hans Krist­
ján Guðni Bjarnason sem slóst með
með í för.
„Við erum vanir hjólamenn og
höfum talsverða reynslu af útivist
og fjallgöngum. Þannig að við höfð­
um góðan grunn og höfðum einnig
undirbúið okkur vel,“ segir Geir.
Alls tók leiðangurinn tólf daga
og reyndi töluvert á, eins og gefur
að skilja, enda einsettu leiðangurs­
menn sér að hjóla sem minnst á til­
búnum vegum, heldur frekar um
fjöll og firnindi. „Það kom okkur í
opna skjöldu að fyrsta dagleiðin á
Reykjanesinu var ein sú erfiðasta.
Við lentum í miklu roki og vorum
ansi framlágir eftir þann dag. En á
móti vorum við heppnir með veður
á hálendinu. Fyrir fram hafði maður
mestar áhyggjur af nokkrum dag­
leiðum þar,“ segir Geir.
Eftir fyrsta daginn gistu þeir
heima hjá sér á höfuðborgarsvæð­
inu, en það sem eftir var ferðarinnar
fylgdi þeim trússbíll. „Það var mik­
ill lúxus. Bjarni Sighvatsson, faðir
Kristjáns Guðna, keyrði bílinn og
þar var nóg af vistum og búnaði
auk þess sem við gátum tekið tjöld
með.“
Ferðin gekk að mestu stóráfalla­
laust þó að einstaka fall eða aumir
vöðvar og liðir hafi stundum valdið
tímabundnum vandræðum fyrir
einstaka Geirfugla. Fjórmenning­
arnir luku því allir leiðangrinum
erfiða.
„ Maður var f urðu góður í
skrokknum á meðan á þessu stóð.
Þetta er gríðarlegt álag og brennsla,
en það er eins og líkaminn venjist
því f ljótt eða slökkvi á sársauka­
skynjurunum,“ segir Geir. Hann
segist helst hafa fundið fyrir
verkjum í rassinum, enda talsvert
álagssvæði í langri hjólaferð, en
skellurinn hafi eiginlega komið
þegar púlinu var lokið.
„Daginn eftir, þegar ég vaknaði
upp í heitu rúmi þá var ég alveg
ónýtur. Skrokkurinn er bara f lak.
En ég vona að það jafni sig f ljótt og
vel,“ segir Geir og hlær.
bjornth@frettabladid.is
Geirfuglarnir hjóluðu
þvert yfir allt Ísland
Fjórir félagar, sem nefna sig Geirfuglana, unnu það afrek á dögunum að hjóla
þvert yfir Ísland, frá Reykjanestá og yst út á Langanes. Ferðin tók tólf daga og
gekk að mestu stórslysalaust enda vanir hjóla- og útivistarmenn á ferðinni.
Geirfuglarnir við upphaf leiðangursins á Reykjanestánni. MYND/AÐSEND
Daginn eftir, þegar
ég vaknaði upp í
heitu rúmi þá var ég alveg
ónýtur.
SAMFÉLAG Forseti Íslands, herra
Guðni Th. Jóhannesson verður
settur í embætti í annað sinn í dag,
en samkvæmt stjórnarskrá hefst
kjörtímabil forseta 1. ágúst og endar
31. júlí að fjórum árum liðnum.
Athöfnin fer fram á Alþingi
venju samkvæmt, en verður minni
í sniðum að þessu sinni en venjulega
vegna sóttvarnaráðstafana.
Þess er einnig minnst í dag að
40 ár eru liðin frá því að frú Vigdís
Finnbogadóttir var sett í embætti í
fyrsta sinn árið 1980. – aá
Forseti settur
í embætti í dag
Forsetahjónin voru hyllt á Austur-
velli árið 2016. FRÉTTABLAÐIÐ/EYÞÓR
Akstur undir áhrifum vímuefna er
aldrei réttlætanlegur. Ökum allsgáð.
Minningarsjóður Lovísu Hrundar | lovisahrund.is
SAMFÉLAG Óvissa ríkir um örlög
Reykjavíkurmaraþonsins sem
fara átti fram 22. ágúst. Fyrir helgi
stóð enn til að hlaupið færi fram
þrátt fyrir heimsfaraldurinn, en
með breyttu sniði í samráði við
almannavarnir. Til greina hefur
meðal annars komið að skipta þátt­
takendum í hópa.
Í ljósi þeirra takmarkana á sam­
komum sem tóku gildi í gær, gæti
þurft að endurskoða ákvörðun
um að halda hlaupið. Samkvæmt
upplýsingum frá Íþróttabandalagi
Reykjavíkur sem heldur utan um
hlaupið, hefur verið boðað til fund­
ar með helstu forsvarsmönnum
þess á þriðjudaginn.
Fjölmörg góðgerðafélög njóta
góðs af hlaupinu og verði því aflýst
mun það hafa áhrif á fjárhag þeirra
vegna styrkja sem komið hafa í
gegnum áheit á hlaupara. – aá
Örlög hlaupsins
rædd eftir helgi
Maraþonið fer fram í ágúst á ári
hverju. FRÉTTABLAÐIÐ/ERNIR
UMFERÐ Umferð á Suðurlands­
vegi var tæplega þriðjungi minni í
gær en í upphafi verslunarmanna­
helgarinnar á síðasta ári. „Ég sá hjá
Vega gerðinni í gær að það óku um 19
þúsund bílar um Geit háls í fyrra en
þeir eru um níu þúsund það sem af
er degi núna,“ segir Aðal steinn Guð­
munds son, varð stjóri hjá um ferðar­
deild lög reglunnar, síðdegis í gær.
Umferðin út úr bænum gekk
vel að hans sögn, ökumenn stilltu
hraða í hóf og fáir fengu sektir. – aá
Minni umferð
en á síðasta ári
1 . Á G Ú S T 2 0 2 0 L A U G A R D A G U R2 F R É T T I R ∙ F R É T T A B L A Ð I Ð