Dagblaðið Vísir - DV - 03.07.2020, Blaðsíða 4

1Sakamál: Blóðbað á herstöðinni í Keflavík Hin bandaríska Ashley
Turner var myrt á hrottalegan hátt
árið 2005
2Eigendur Bræðraborgarstígs 1 gætu bókfært 90 milljóna
hagnað vegna brunans Kristinn Jón
Gíslason er eigandi félagsins HD
verks ehf. sem á Bræðraborgarstíg 1.
3 Vikan á Instagram: „Erfitt að vera Kim Kardashian fjöl-
skyldunnar“
Fastur liður á mánudagsmorgnum
þar sem við skoðum Instagram-
myndir sem hafa slegið í gegn.
4Vinsælustu fegrunaraðgerðirn-ar á Íslandi í dag Hannes Sigur-
jónsson lýtalæknir segir frá hvaða
fegrunaraðgerðir eru vinsælastar.
5 Óhugnanleg ummæli rétt fyrir slysið á Kjalarnesi Vegkaflinn
hafði ítrekað verið kallaður dauða-
gildra, síðast rúmum hálftíma fyrir
slysið, í íbúahópi á Kjalarnesi.
6Afhjúpar ástæðuna fyrir því að hún hætti með ríka kærastanum
sem sagði alltaf já Fjölmiðlakonan
Jana Hocking segir kærastann hafa
leyft henni að komast upp með allt.
7 Þorvaldur í miklum vanda á Tenerife – Óttaðist dimman
fangaklefa og barsmíðar Þorvaldur
Jóhannsson, eldri borgari frá Seyðis-
firði, lenti í hremmingum í upphafi
útgöngubannsins.
8 „Þá byrjar einhver atburðarás sem líkist martröð“ Frosti Frið-
riksson fór í hjartaaðgerð í Svíþjóð
aðeins tveggja og hálfrar viku gamall.
9 Íbúi hússins á Bræðraborgar-stíg vandar eigandanum ekki
kveðjurnar – Eigandinn hugsanlega
ábyrgur Andor Tibor Vasile horfði á
eftir meðleigjanda sínum stökkva út
um glugga brennandi hússins.
10 Ásakanir um kosningasvindl og ritskoðun – Bubbi hættur
í SÁÁ ef Þórarinn vinnur Gríðarleg
átök voru í aðdraganda aðalfundar
SÁÁ.
MEST LESIÐ
Á DV Í VIKUNNI Í FRÉTTUM ER ÞETTA HELST...
Umdeilt myndband KSÍ
Ný ásýnd landsliðs Ísland í knattspyrnu var kynnt í vikunni
ásamt nýju myndmerki í sérstöku myndbandi sem auglýs-
ingastofan Brandenburg birti á miðvikudaginn. Myndbandið
hefur farið þveröfugt ofan í marga landsmenn sem þykir þar
mikið gert úr þjóðrembingi í ætt við öfgahægrihreyfingar. Í
myndbandinu má finna myndbrot frá eldgosum, tölvuteikn-
aðar myndir af landvættunum og svo að sjálfsögðu mynd af
Íslendingum hvetja knattspyrnumennina sína áfram.
Áfram Paradís á Íslandi
Bíó Paradís við Hverfisgötu mun hefja starfsemi að nýju eftir
að hafa verið lokað frá 1. maí. Samkomulag hefur náðst við
eigendur hússins og uppfærslur hafa verið gerðar á samstarfs-
samningum kvikmyndahússins við ríki og borg. Mennta- og
menningarmálaráðuneytið spilaði þar stórt hlutverk og fékk
fyrir miklar þakkir frá framkvæmdastjóra kvikmyndahúss-
ins, Hrönn Sveinsdóttur.
Einar hafði betur
Einar Hermannsson hafði
betur gegn Þórarni Tyrf-
ingssyni á aðalfundi SÁÁ og
hlaut í kjölfarið afgerandi
kosningu í formannsemb-
ættið. Mikil átök hafa átt
sér stað innan samtakanna.
Fjöldi starfsmanna skrifaði
undir yfirlýsingu þar sem-
þeir lögðust gegn því að Þór-
arinn Tyrfingsson kæmist
aftur að sem formaður samtakanna. Hans tími hefði einkennst
af erfiðum samskiptum og yfirgangi og væri kominn tími á
nýja forystu.
Engir peningar fyrir sálfræðinga
Mikilvægt skref í heilbrigðismálum var tekið á þingi í
vikunni þar sem sálfræðiþjónusta var færð undir Sjúkra-
tryggingar Íslands þegar frumvarp Þorgerðar Katrínar
Gunnarsdóttur, þingmanns Viðreisnar, var samþykkt. Því
munu Sjúkratryggingar niðurgreiða sálfræðiþjónustu ein-
staklinga. Hins vegar eru ekki komnar fjárheimildir til
málaflokksins og segir Bjarni Benediktsson fjármálaráð-
herra að peningarnir séu hreinlega ekki til.
Storytel kaupir Forlagið
Storytel AB, móðurfélag Storytel á Íslandi, hefur fest kaup
á 70 prósenta hlut í Forlaginu, stærstu bókaútgáfu landsins.
Útgefendur eru uggandi yfir þessari þróun og hvaða áhrif það
kemur til með að hafa á íslenska bókaútgáfu að stærsta út-
gáfa landsins sé nú í eigu erlendra aðila. Rithöfundasambandið
fundar í dag vegna málsins.

COVID-19 ógnin eykst
Eftir að landamæri landsins voru opnuð ferðamönnum hefur
staðfestum tilfellum COVID-19 sjúkdómsins fjölgað í sam-
félaginu. Vegna þessa hefur ekki þótt tímabært að ráðast í
frekari tilslakanir á samkomubanni og eru landsmenn hvattir
til að huga vel að sóttvörnum og gefa ekkert eftir þar. Til stóð
að heimila skemmtistöðum að starfa lengur á kvöldin en til
23.00 en nú hefur verið afráðið að bíða með slíkar tilslakanir,
eigendum skemmtistaða til lítillar gleði.
CMYK
SV/HV
Vertu viss um að velja
besta kjötið á grillið!
Meira á
www.fjallalamb.is

4 FRÉTTIR 3. JÚLÍ 2020 DV