Dagblaðið Vísir - DV - 14.08.2020, Side 38

38 SPORT 433 14. ÁGÚST 2020 DV
MISTÖK ERU
PARTUR AF
LEIKNUM
Pálmi Rafn Pálmason, leikmaður
KR, hóf sinn knattspyrnuferil árið
2001 með Völsungi. Hann var í
atvinnumennsku í sex ár og hef-
ur spilað 18 leiki fyrir A-landslið
Íslands. Pálmi fagnaði Íslands-
meistaratitli með KR í fyrra. Hér
segir Pálmi frá nokkrum atriðum
sem hafa hjálpað honum að ná
góðum árangri á vellinum.
Pálmi Rafn Pálmason býr að áralangri reynslu sem knattspyrnumaður. MYND/ANTON BRINK
SJÖ HEILRÆÐI PÁLMA RAFNS
Aukaæfingin
Með því að æfa aukalega eykur maður bæði getu og
sjálfstraust. Þegar ég var yngri æfði ég mikið aukalega
með því bæði að fara í ræktina og styrkja mig, vera
lengur úti á velli eftir æfingar og æfa sendingar, skot,
fá fyrirgjafir og „slútta“.
Næring
Það er mikilvægt að hugsa um hvað maður borðar til
þess að vera í sem bestu líkamlegu standi. Ég borða í
rauninni allt en fyrir mér snýst það líka um að borða í
hófi og borða meira af því sem er hollt heldur en öfugt.
Ég leyfi mér stundum að borða nammi og frekar óhollan
mat. Mér finnst gos t.d. mjög gott en ég reyni að tak-
marka mjög hvað ég drekk af því.
Svefn
Ég reyni að sofa alls ekki minna en sjö tíma á nóttu,
helst að ná allavega átta tímum. Börn þurfa auðvitað
meiri svefn og þau ættu að venja sig á að fá svefninn
sem líkami þeirra þarfnast. Líkaminn hvílist og nær
endurheimt sem styrkir hann þegar maður sefur. Að
sama skapi þarf heilinn í okkur svefn til að hvílast.
Svefnleysi getur haft mikil áhrif á andlega heilsu og
hefur til dæmis áhrif á getu til að læra og viðbragðs-
tíma, hlutir sem eru ansi mikilvægir í flestum íþróttum
allavega.
Markmiðasetning
Að setja sér bæði langtíma- og skammtímamarkmið.
Það getur hjálpað manni að taka rétt, eitt skref í einu,
í átt að toppnum. Ef maður setur sér markmið þá getur
það auðveldað manni að komast á þann stað sem
maður er að leitast eftir. Sem dæmi mætti nefna að
ung stelpa eða strákur setur sér langtímamarkmið um
að verða atvinnumaður í fótbolta. Hún/hann setur sér
svo nokkur skammtímamarkmið, eitt þeirra gæti verið
að ná undir ákveðnum tíma í einhverju hlaupi, annað
að halda bolta á lofti ákveðið oft og svo framvegis.
Skynmyndun
Ég nota skynmyndun mikið. Fyrir leiki loka ég alltaf
augunum og sé fyrir mér t.d. að ég sé inni í teig og bolt-
inn er að koma til mín á mismunandi hátt. Ég reyni þá
að sjá fyrir mér hvernig ég myndi afgreiða hvern bolta.
Ég sé líka fyrir mér að ég sé að fá bolta til mín í erfiðum
aðstæðum og vinn svo úr því hvernig ég myndi leysa
þær aðstæður. Eftir leiki, þegar maður fer að sofa, er
gott að hugsa út í atriði sem gerðust í leiknum. Atriði
sem maður hefði getað leyst betur og hvernig maður
hefði átt að gera það og líka atriði sem maður leysti vel
og hvernig maður gerði það.
Sjálfstal
Mistök eru partur af leiknum. Ef maður verður smeykur
við að gera mistök eykur maður líkurnar á að gera
þau. Það er mjög algengt, ef maður t.d. á sendingu
sem klikkar, að hugsa næst þegar maður er að fara að
senda boltann að maður verði að passa sig að klikka
ekki aftur. Það eykur líkurnar á að maður geri mistök.
Gott er að hugsa alltaf þegar maður gerir mistök að þau
séu partur af leiknum og maður verður að reyna sem
fyrst aftur að gera sama hlutinn til að sýna sjálfum sér
að maður geti gert hann betur. Maður á ekki að hugsa
HVORT hlutur er að fara að takast hjá manni, maður á
að hugsa að hann ER að fara að takast!
Aldrei verða södd/saddur
Maður á alltaf að leitast eftir því að bæta sig og aldrei
halda að maður sé kominn á toppinn. Maður getur alltaf
meira!