Morgunblaðið - 18.01.2020, Blaðsíða 9

9
MORGUNBLAÐIÐ LAUGARDAGUR 18. JANÚAR 2020
Viðskiptafræðingur /
löggiltur fasteignasali
Símanúmer 659 4044
halla@gimli.is
Halla Unnur
Helgadóttir
Löggiltur
fasteignasali
Símanúmer 899 9787
sb@gimli.is
Sigþór
Bragason
Skrifstofa
Símanúmer 661 1121
ellert@gimli.is
Ellert Bragi
Sigurþórsson
Löggiltur fasteigna-
og skipasali
Símanúmer 773 7126
elinrosa@gimli.is
Elín Rósa
Guðlaugsdóttir
Sölustjóri
Símanúmer 896 5221
bardur@gimli.is
Bárður
Tryggvason
Viðskiptafræðingur /
sölufulltrúi
Símanúmer 691 4252
kristjan@gimli.is
Kristján
Gíslason
Löggiltur fasteigna-
og skipasali
hafrun@gimli.is
Hafrún Huld
Einarsdóttir
Löggiltur fasteigna-
og skipasali
Símanúmer 690 2602
elin@gimli.is
Elín Urður
Hrafnberg
Viðskiptafræðingur /
sölufulltrúi
Símanúmer 820 6511
lilja@gimli.is
Lilja
Hrafnberg
Grensásvegi 13
108 Reykjavík
S 570 4800
gimli@gimli.is
Við vitum hvað þín eign kostar
Hafðu samband og samdægurs verðmetum við eignina þína
þér að kostnaðar- og skuldbindingarlausu
Snjóflóðin á Vestfjörðum
Í gær var unnið að því að kortleggja og mæla botninn á
höfninni á Flateyri með fjölgeislamælingu, en þau gögn
verða notuð til þess að skipuleggja næstu skref hreins-
unarstarfsins. Fram kemur í nýjustu stöðuskýrslu al-
mannavarnadeildar ríkislögreglustjóra að ráðgert sé
að fjarlægja báta úr höfninni í dag og vonandi gengur
það verk hratt fyrir sig, þar sem stormi er spáð á Vest-
fjörðum og víðar um land á morgun, sunnudag.
Morgunblaðið/Hallur Már
Ráðgera að fjarlægja báta í dag
Arnar Þór Ingólfsson
arnarth@mbl.is
„Það er eitt sem situr eftir, aðallega,
og það er það að við höfum búið undir
þessum görðum frá því þeir voru
teknir í notkun og þeir eru búnir að
reynast alveg frábærlega – þangað
til á þriðjudagskvöld,“ segir Páll Ön-
undarson, bílstjóri á Flateyri. Hann
segist telja að það risti djúpt í huga
Önfirðinga og sérstaklega Flateyr-
inga að varnirnar hafi ekki haldið að
öllu leyti.
„Þarna eru varnir, sem voru að
vísu hannaðar og byggðar á árunum
1996 og upp úr. Þær höndluðu ekki
þetta flóð sem kom. En að fara að
hengja einhvern sérstaklega fyrir
það finnst mér ekki réttlátt. Þetta er
bara eins og með önnur mannanna
verk að sum virka, önnur ekki. Þá er
bara að ráðast í það að laga garðinn,
þannig að hann veki traust hjá bæj-
arbúunum,“ segir Páll, sem blaða-
maður náði tali af í gær.
Hann eins og margir aðrir Flat-
eyringar upplifir ákveðið óöryggi,
eftir að hafa upplifað sig svo gott sem
100% öruggan gegn snjóflóðum á
þorpið frá því að garðarnir risu.
„Sprenging“ varð í þorpinu þegar í
ljós kom að unglingsstúlku var sakn-
að í flóðinu, en blessunarlega fannst
hún heil á húfi. En þetta á ekki að
geta komið fyrir, segir Páll, sem býr í
Ólafstúni, nokkrum húsum frá hús-
inu sem flóðið lenti á.
Miklar framfarir síðan 1995
„Ég vona að menn setjist yfir
þetta og ræði hvað megi betur fara.
Þetta er garður sem var gerður úr
jarðvegi, það þarf ekki að panta hann
frá útlöndum, hann er þarna. Það
hafa orðið miklar framfarir í hönnun
á snjóflóðamannvirkjum og ég tala
nú ekki um tölvulíkönum,“ segir Páll
og rifjar upp í flæðandi samtali við
blaðamann þá tíma er engir voru
varnargarðarnir.
Þá fór fjölskyldan alltaf að heiman,
úr efstu götu bæjarins, og færði sig
neðar á eyrina þegar spáð var vondu
veðri. „Þú átt erfitt með að sannfæra
þig þegar börnin þín koma og spyrja:
Mamma, eða pabbi, er óhætt að sofa
hérna í nótt?“ segir Páll, sem segist
telja að þetta óöryggi hafi að ein-
hverju leyti snúið til baka.
Taka utan um hvert annað
Undanfarnir dagar hafa verið
þungir fyrir marga sem lifðu hörm-
ungarnar fyrir aldarfjórðungi.
„Við höndlum þetta bara á okkar
hátt og við kunnum það alveg við
Flateyringar að taka utan um hvert
annað þegar við þurfum á því að
halda. En það hafa náttúrlega orðið
mikil kynslóðaskipti á Flateyri síðan
flóðið kom. Það fóru margir í burtu
og svo náttúrlega bara deyr fólk eins
og gengur og gerist og aðrir gefast
upp á þessu þrjóskulíferni að búa
þarna, eins og sumir segja,“ segir
Páll.
Varnirnar ekki pottþéttar
 Það ristir djúpt í huga Flateyringa að flóðin hafi farið
yfir garðana  „Sprenging“ þegar stúlkunnar var saknað
Morgunblaðið/Arnar
Æðruleysi „Við höndlum þetta á
okkar hátt,“ segir Páll Önundarson.
Arnar Þór Ingólfsson
arnarth@mbl.is
„Ég var ekki hér á Flateyri þegar
fyrra flóðið féll fyrir 25 árum. Þessi
upplifun var allt öðruvísi. Maður gat
hjálpað, maður vissi um allt sem var
að gerast og gat hjálpað til. Sú til-
finning var góð, því ég veit hvernig
hin tilfinningin er, að vera einhvers
staðar í burtu þar sem þú veist ekk-
ert hvað er að gerast, hvernig veðrið
er eða hvar fólkið er. Að því leyti til
var gott að vera á staðnum,“ segir
Kristín Guðmunda Pétursdóttir, sem
rekur gistiheimilið Litla-Býli á Flat-
eyri.
Kristín var úti á gönguskíðum með
vinkonum sínum skömmu áður en
flóðin féllu á þriðjudagskvöld, aðeins
að viðra sig, en var síðan sest heima
við kertaljós að setja inn mynd úr
gönguskíðaferðinni á Instagram-síðu
gistiheimilisins þegar hún heyrði
drunurnar og sá síðan kófið koma
upp fyrir varnargarðinn.
„Ég hugsaði bara, nei, þetta er
ekki að gerast,“ segir Kristín sem
hljóp strax og vakti manninn sinn áð-
ur en hún hljóp inn í herbergi til son-
ar síns og beið þar í smástund á með-
an lætin gengu yfir. Því næst tók við
ótti, þar sem dóttir hennar var ekki
heima og var heldur ekki stödd á
heimili vinkonu sinnar, hvar hún átti
að vera komin inn. Fljótlega komu
vinkonurnar þó hlaupandi heim,
heilar á húfi.
Á fullu allt frá flóðum
„En svo bara byrjaði þetta, að
hringja í þennan og hinn. Svo heyrð-
ist frá Suðureyri og vitandi af ætt-
ingjum þar og vinum – hausinn var
bara á milljón,“ segir Kristín, sem
dreif sig í að taka saman hluti sem
einhvern í neyð gæti vantað, föt, raf-
hlöður, kaffi. Síðan þá segist Kristín
hafa verið „á fullu“ við að hjálpa til
við að vinna úr stöðunni eins og aðrir
íbúar á Flateyri.
Hún telur að um það bil 15-20 mín-
útur hafi liðið frá flóðinu úr Skolla-
hvilft og þar til flóð féll úr Innra-
Bæjargili, en er þó ekki alveg viss.
Hún segir þó að það hljóti að hafa
verið einhver tími, þar sem björg-
unarsveitin var orðin fullgölluð og
komin niður að höfn á þeim tíma.
„Það má kannski þakka fyrra flóð-
inu að það voru allir komnir út og
voru svo fljótir upp eftir, ef maður
má segja þannig, ég veit það ekki,“
segir Kristín.
Samhugur að utan
„Við erum öll frekar opin og knús-
um hvert annað og tölum saman og
allir þeir sem hafa komið hingað og
aðstoðað okkur,“ segir Kristín, en
Flateyringar hafa komið saman í
Gunnukaffi við Hafnargötu og veitt
hver öðrum félagsskap, faðmast,
grátið og hlegið. Hún bætir við að
einnig sé gott að finna samhug lands-
manna með þeim þolendum hamfar-
anna sem hafa nú orðið fyrir tjóni og
áföllum. Einnig segir Kristín að hlýj-
ar kveðjur streymi að á samfélags-
miðlum, frá erlendum ferðamönnum
sem hafi gist hjá henni á Litla-Býli
og að það þyki henni vænt um.
„Alls staðar að úr heiminum og
alls konar kveðjur. Það er rosalega
gott, þó maður geti ekki svarað öll-
um.“
Morgunblaðið/RAX
Þakklát Kristín Guðmunda Pétursdóttir segir að það hafi verið gott að
finna hlýhug þjóðarinnar til Vestfirðinga undanfarna daga.
Betra að vera
á staðnum og
ná að hjálpa til
 Knúsast, grátið og hlegið frá flóðum