Morgunblaðið - Sunnudagur - 05.01.2020, Blaðsíða 2

Hvers vegna þættir um Siglufjörð?
„Hugmyndin varð til í samtali milli mín og fólks frá Siglu-
firði sem aðstoðaði okkur síðan mikið við gerð þáttanna.“
Hverjar eru áherslurnar?
„Þetta er fimm þættir sem fjalla um dramatíska sögu
þessa merkilega staðar frá upphafi vega og fram á okkar
daga, með sérstakri áherslu á síldarævintýrið. Í grunninn
erum við að segja frá fólki; rómantíkinni, ástarlífinu, skíð-
unum, pólitíkinni og verkalýðsbaráttunni, svo fátt eitt sé
nefnt. Síldarárin voru miklir uppgangstímar, ekki bara á
Siglufirði. Í raun má segja að þetta sé saga Íslands í hnotskurn.“
Myndefni gegnir væntanlega stóru hlutverki?
„Heldur betur, þarna er mikið af dásamlegu myndefni sem gam-
an er að sýna og við notum mikið af lifandi myndum sem fengnar
eru víða að, meira að segja alla leið frá Sovétríkjunum sálugu.“
Síldarævintýrið er baðað ljóma.
„Já, það var mikill uppgangur á þeim árum og Siglufjörður nán-
ast eins og gullgrafarabær. Ungt fólk streymdi þangað og ófá
hjónabönd urðu til. Síðan hrundi allt og eftir stóð bær sem talað
var um að væri sá daprasti og ljótasti á Íslandi. Menn biðu lengi
eftir síldinni en hún kom ekki aftur. Á undanförnum árum hefur
Siglufjörður hins vegar upplifað endurreisn, byggður hefur verið
upp líftækniiðnaður og fleira, og mikil gerjun á staðnum.“
Ertu með þætti um fleiri bæi á teikniborðinu?
„Já, við Pétur Ármannsson arkitekt stefnum að því að gera þætti
um byggingasögu eldri bæja á Íslandi, svo sem Ísafjarðar, Hafn-
arfjarðar, Vestmannaeyja og Akureyrar. Það verður líklega næsta
verkefni mitt fyrir sjónvarp. Þó að ég eigi að vera 101-maður finnst
mér alltaf jafn gaman að vera úti á landi.“
Morgunblaðið/RAX
EGILL HELGASON
SITUR FYRIR SVÖRUM
Sögur af
síld og fólki
Í FÓKUS
2 MORGUNBLAÐIÐ SUNNUDAGUR 5.1. 2020
Enn eitt árið er runnið upp! Nýr áratugur, nýtt upphaf. 2020 hljómar svomiklu betur en 2019. Spennandi tímar framundan, alveg pottþétt! Það er einhvern veginn alltaf þannig að fólk staldrar aðeins við á
þessum árstíma og fer að hugsa sinn gang. Fólk setur sér ný og oft háleit
markmið og hugsar fram á við en stundum líka til baka. Hvað hefði mátt fara
betur á síðasta ári? Hvað var gott? Hvernig má gera nýtt ár enn betra en síð-
asta? Því flest viljum við vera betri manneskjur og það er hægt að stefna að
því á ýmsan hátt.
Ég fann gamlan pistil sem ég
skrifaði fyrir nokkrum árum á sama
árstíma. Þá var ég að tala um að taka
mig á í heilsunni; borða minna af
sykri, hreyfa mig meira, missa x
mörg kíló. Ég las pistilinn yfir og
hefði eins getað birt hann aftur hér
og nú orðréttan. Það er nefnilega
alltaf sama sagan um hver áramót.
Ég er alltaf búin að gúffa í mig sykri
allan desember. Ég er alltaf farin að
slaka á í ræktinni. Ég ætla alltaf að
gera betur á næsta ári. Næsta árið
er alltaf árið sem ég ætla að ná tök-
um á þessu öllu saman, en svo fer allt
í sama farið. Af hverju læri ég aldrei
af reynslunni; þetta virkar ekki!
Því hef ég ákveðið að í ár ætla ég ekki að refsa mér fyrir slóðaskapinn. Ég
ætla ekki að vakna 5.30 alla morgna í janúar og fara skjálfandi út í bíl og
keyra í ræktina. Ég ætla ekki að neita mér um góða sneið af súkkulaðiköku
bara af því það er janúar. Ég ætla ekki að pína ofan í mig grænum ógeðs-
drykkjum í lítratali.
Því þetta skiptir engu máli. Þótt ég nái af mér þremur kílóum í vor þá koma
þau bara aftur í desember. Þannig að ég nenni þessu ekki lengur og er hætt
að lofa bót og betrun. Það er nefnilega svo leiðinlegt að mistakast og besta
leiðin til að gera það ekki, er að vera ekkert að setja sér of háleit og óraunsæ
markmið.
Þannig að í ár er áramótaheitið mitt öðruvísi. Ég ætla ekki að lofa að mæta
sex sinnum í viku í ræktina. Ég ætla ekki að lofa að ná fituprósentu niður í
tuttugu. Ég ætla ekki að lofa að missa fimm kíló.
Hins vegar ætla ég að halda áfram að huga að heilsunni og lifa fallegu lífi.
Ég ætla að njóta lífsins og vera góð við fólkið mitt. Ég ætla að þakka fyrir allt
það góða. Það er fínt áramótaheit og mun háleitara en að missa alltaf sömu
fimm kílóin!
Sömu fimm kílóin,
aftur og aftur
Pistill
Ásdís
Ásgeirsdóttir
asdis@mbl.is
’Ég ætla ekki að neitamér um góða sneið afsúkkulaðiköku bara af þvíþað er janúar. Ég ætla
ekki að pína ofan í mig
grænum ógeðsspínat-
drykkjum í lítratali.
Sylvia Bajkowska
Nei, reyndar ekki. Við höldum bara
áfram.
SPURNING
DAGSINS
Strengdir
þú ára-
mótaheit?
Sævar Stefánsson
Ég gerði það ekki og hef aldrei gert
það.
Elín Björnsdóttir
Ég gerði það ekki. Ég hef gert það,
en ákvað að sleppa því núna.
Andri Buchholz
Nei, ég gerði það nú ekki. Ég trúi
ekki á svoleiðis.
Ritstjóri Davíð Oddsson
Ritstjóri og
framkvæmdastjóri
Haraldur Johannessen
Aðstoðarritstjóri og umsjón
Karl Blöndal kbl@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
RAX
Siglufjörður – saga bæjar er ný þáttaröð í umsjón Egils Helgasonar
sem hefur göngu sína á RÚV í kvöld, sunnudagskvöld. Dag-
skrárgerð annast Ragnheiður Thorsteinsson.
TÆKNI A
FYRIR H
TVINNUMANNSIN
E I
www.alver.is S: 896 4040 LauraStar á Íslandi
LauraStar
er létt og
meðfærilegt og
þú ert fljótari
að strauja en
nokkru sinni
fyrr.
Dolorin
Hita- og verkjastillandi paracetamól
Á HAGSTÆÐUVERÐI!
Reykjavíkurvegur 62 | Sími 527 0640 | 220 Hafnarfjörður | www.wh.is
Lesiðvandlegaupplýsingarnaráumbúðumogfylgiseðli
fyrir notkun lyfsins.
Leitið til lækniseða lyfjafræðingsséþörfá frekari
upplýsingumumáhættuogaukaverkanir.
Sjá nánari upplýsingar um lyfið á www.serlyfjaskra.is
Þú færð
Dolorin í næsta
apóteki
Dolorin500mg
paracetamól töflur -
20stkog30stk