Morgunblaðið - 08.02.2020, Qupperneq 8

8 FRÉTTIRInnlent
MORGUNBLAÐIÐ LAUGARDAGUR 8. FEBRÚAR 2020
Skeifunni 8 | Sími 588 0640 | casa.is
Gæða sófar á góðu verði
Model 9805
L162 cm leður verð frá 369.000,-
L185 cm leður verð frá 389.000,-
Forval demókrata í Iowa reyndistannar ósigur flokksins í sömu
vikunni. Flokksmenn kusu í byrjun
vikunnar en niðurstaða liggur enn
ekki fyrir og alls óvíst er hvort eða
hvenær hún mun
yfirleitt liggja fyrir.
Bernie Sanders hef-
ur lýst yfir sigri og
segist hafa flest at-
kvæði en Pete But-
tigieg segist einnig
sigurvegari.
  
Vandinn liggurmeðal annars í
flóknum reglum um
kjörið í Iowa en ekki
þó síst í tilraunastarf-
semi með nýja tækni.
Demókratar ákváðu
að taka í notkun nýtt forrit í snjall-
símum til að skrá úrslitin en það fór
eins og stundum vill verða; forritið
brást.
  
Og nú þegar kallað er eftir endur-mati á kosningunni og jafnvel
endurtalningu, má leiða hugann að því
hvernig rafræn endurtalning á að fara
fram. Hún getur það varla. Ef rafræn
kosning bregst eru engir kjörseðlar til
að telja að nýju og traust almennings á
niðurstöðunni er lítið þegar fólk getur
ekki farið yfir kjörseðlana til að sann-
reyna niðurstöður.
  
Rafrænar kosningar eru stór-varasamar þó að ýmsum þyki
þær nútímalegar og finnist púkó að
efast um ágæti þeirra. Í New Hamp-
shire eru þó miklar efasemdir um þær
og þar benda þeir sem ráða ferðinni á
að ekki sé hægt að hakka blýantana
sem notast er við í kjörklefanum.
  
Það eru þess vegna líkur á að í NewHampshire verði í það minnsta
hægt að sannreyna úrslitin. En það er
svo annað mál hvort demókratar fara
betur út úr því ef fólk fær að vita fyrir
víst hver vann.
Pete Buttigieg
Rafrænt fíaskó
demókrata í Iowa
STAKSTEINAR
Bernie Sanders
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Sigurður Ingi Jóhannsson samgönguráðherra
kynnti í ríkisstjórn í gærmorgun samkomulag
stjórnvalda við Reykjavíkurborg um rannsóknir á
möguleikum á byggingu nýs flugvallar í Hvassa-
hrauni vestan Hafnarfjarðar.
Þegar samkomulag aðilanna var kynnt síðast-
liðið haust var það með fyrirvara um samþykki
ríkisstjórnar og borgarráðs. Nú liggur það fyrir.
Samkomulagið felur í sér að aðilar munu hvor
um sig leggja 100 milljónir, 200 milljónir alls, til
fjármögnunar rannsókna á næstu tveimur árum.
Á þessum tíma verður unnið að veðurrannsókn-
um, rannsóknum á vatnsvernd og öðrum umhverf-
isþáttum, greiningu á möguleikum og kostnaði við
greiðar landsamgöngur við flugvöll á þessu svæði
og greiningu á áhrifum þess á núverandi flugstarf-
semi á Reykjavíkurflugvelli ef hún yrði flutt á nýj-
an flugvöll. Ef rannsóknir gefa tilefni til verður
hafist handa við frekari verkefni til að hægt verði
að taka ákvörðun um byggingu flugvallarins við
árslok 2024. Vellinum er ætlað að taka við hlut-
verki Reykjavíkurflugvallar ef af verður.
sisi@mbl.is
Setja 200 milljónir í rannsóknir
 Fýsileiki flugvallar í
Hvassahrauni kannaður
Morgunblaðið/Skapti Hallgrímsson
Flugið Flytur innanlandsflugið í Hvassahraun?
Útlit er fyrir að meira mælist af
kynþroska loðnu í leiðangri sem nú
stendur yfir, heldur en í loðnumæl-
ingum í síðasta mánuði. Guðmundur
J. Óskarsson, sviðsstjóri á upp-
sjávarsviði Hafrannsóknastofnunar,
telur þó að ekki sé tímabært að tala
um einhvern kvóta, magnið sé ekki
slíkt enn sem komið er. Niðurstöð-
urnar verða metnar í næstu viku að
leiðangrinum loknum.
Auk rannsóknaskipsins Árna
Friðrikssonar hafa Aðalsteinn Jóns-
son SU og grænlenska skipið Polar
Amaroq tekið þátt í mælingum, en
Börkur NK og Margrét EA leitað
loðnu til að afmarka útbreiðsluna.
Árni varð var við ungloðnu vestur af
Vestfjörðum og hærra hlutfall af
veiðiloðnu var norður af Horni.
Polar og Aðalsteinn urðu varir við
hrygningarloðnu við landgrunns-
kantinn austur og norðaustur af
Langanesi og ungloðnu í Héraðs-
dýpi.
Framundan er að leita á Kolbeins-
eyjarsvæðinu þar sem oft hefur ver-
ið loðna á þessum árstíma. Reiknað
er með að skipin, sem koma úr austri
og vestri, mætist um helgina. Þokka-
legt veður hefur verið til leitar í leið-
angrinum. Ekki hefur verið tekin
ákvörðun um framhald leitar.
Fréttir hafa borist frá grænlensk-
um togurum um loðnu við austur-
strönd Grænlands út af Angmassalik
og á Dohrn-banka vestan miðlínu
milli Íslands og Grænlands. Guð-
mundur segist telja líklegt að þar sé
að mestu um ungloðnu að ræða, en á
þessum slóðum fannst talsvert af
yngri loðnu síðasta haust. aij@mbl.is
Útlit fyrir að meira
mælist í loðnuleiðangri
Ljósmynd/Daði Ólafsson
Óvissa Bjarni Ólafsson AK á loðnuveiðum veturinn 2017.