Morgunblaðið - 20.02.2020, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 20. FEBRÚAR 2020
Ársfundur Lífeyrissjóðs verzlunarmanna verður haldinn
þriðjudaginn 24. mars kl. 18:00 á Grand Hótel Reykjavík.
Dagskrá fundarins
• Venjuleg ársfundarstörf, dagskrárliðir skv. grein 6.6
í samþykktum sjóðsins.
• Kynning tryggingastærðfræðings, tryggingafræðileg staða
LV og áhrif hækkandi lífaldurs.
• Önnur mál.
Sjóðfélagar eiga rétt til setu á ársfundinum.
Fundargögn verða afhent á fundarstað.
Reykjavík, 23. janúar 2020
Stjórn Lífeyrissjóðs verzlunarmanna
Ársfundur 2020
Lífeyrissjóður
verzlunarmanna
—
live.is
Alls bárust 88 umsóknir um alþjóð-
lega vernd hér á landi í janúar síðast-
liðnum. Það eru 22% fleiri umsóknir
en í sama mánuði í fyrra þegar um-
sóknirnar voru 72. Þetta má lesa úr
tölum Útlendingastofnunar.
Langflestar umsóknirnar nú
komu frá fólki með ríkisfang í Vene-
súela, eða 27. Þar næst voru átta um-
sóknir frá Írökum, sex frá
Kólumbíumönnum og jafnmargar
frá Líbíumönnum. Fimm Sýrlend-
ingar sóttu um hæli og fjórir Palest-
ínumenn. Alls voru umsækjendur af
26 þjóðernum.
Hópur umsækjenda nú í janúar
skiptist þannig að karlar voru 44,
konur 24, fjórir drengir, 13 stúlkur
og þrír fylgdarlausir drengir.
Búið er að afgreiða 93 mál á þessu
ári. Þar af fékk 51 alþjóðlega vernd
en 15 umsóknum var synjað. Þrettán
umsækjendur voru sendir til baka á
grundvelli Dyflinnarreglugerðar-
innar, sex fengu vernd í öðru ríki og
mál átta til viðbótar fengu önnur lok.
Til samanburðar má geta þess að
umsækjendur um alþjóðlega vernd
hér á landi í fyrra voru samtals 867.
Flestir komu þá frá Venesúela eða
180 og næstflestir frá Írak eða 137. Í
þriðja sæti hópa umsækjenda voru
Nígeríubúar en 50 þeirra sóttu um
alþjóðlega vernd og í fjórða sæti
voru Afganir með 49 umsóknir. Í 5.
sæti voru Albanir en 48 þeirra sóttu
hér um hæli í fyrra.
Árið 2019 voru afgreiddar alls
1.123 umsóknir. Þar af var alls 376
veitt hér vernd, viðbótarvernd eða
mannúðarleyfi en umsóknum 251
umsækjanda var hafnað. Endur-
sendir voru 173 á grundvelli Dyfl-
innarreglugerðarinnar, 182 fengu
vernd í öðru ríki og mál 141 fengu
önnur lok. gudni@mbl.is
Fleiri sækja um
vernd á Íslandi
 Alls bárust 88 umsóknir í janúar 2020
Morgunblaðið/Hari
Útlendingastofnun Tölfræðin
sýnir fleiri umsóknir nú en fyrir ári.
Ágúst Ingi Jónsson
aij@mbl.is
Unnið er að því að ná vélbátnum
Blátindi VE upp, en hann sökk við
bryggju í Vestmannaeyjum í óveðr-
inu á föstudag. Skipið var smíðað í
Eyjum 1947 og er friðað á grund-
velli aldurs samkvæmt lögum um
menningarminjar. Kristín Hart-
mannsdóttir, formaður fram-
kvæmda- og hafnarráðs í Vest-
mannaeyjum, segir ljóst að ein-
hverjar skemmdir hafi orðið á
bátnum og verði tjónið metið þegar
báturinn verður kominn á þurrt.
Hún segir að menn séu meðvitaðir
um friðun bátsins og hafi Minja-
stofnun óskað eftir að fylgjast með
framvindunni.
Á fundi framkvæmda- og hafnar-
ráðs í fyrradag var Blátindur til
umræðu og hvernig ná má bátnum
upp af botninum við fyrsta tæki-
færi. Í fundargerð kemur fram að
ráðið óskar eftir því að unnið verði
af fyllstu varkárni til að koma í veg
fyrir frekari skemmdir eða slys.
Kristín segir að kafari hafi
myndað Blátind á botninum og
reynt að meta tjónið. Skemmdir
séu bæði á skut og fremst á dekki,
að líkindum eftir að báturinn hafi
stungist á stefnið þegar hann fór í
kaf. Vegna þessara og hugsanlega
fleiri skemmda sé ekki talið ráðlegt
að reyna að hífa skipið upp.
Verið að útvega búnað
Þess í stað sé nú verið að útvega
búnað eins og lyftipylsur eða belgi
til að lyfta skipinu. Þetta sé flókið
verkefni þar sem skipið er þungt.
Fyrirhugað er að koma Blátindi
fyrir í aðstöðu hjá Skipalyftunni
við Eiðið. Þar verði væntanlega
hægt að draga eða lyfta honum á
land og meta hversu mikið tjón hafi
orðið.
„Ef hann er í góðu ástandi og
eins og hann var áður en hann fór á
flakk reynum við eflaust að koma
honum aftur í stæðið á Skanssvæð-
inu þar sem hann hafði verið til
sýnis frá 2018. Ef hann er ónýtur
verður að ræða málið þegar og ef
að því kemur. Á þessari stundu
liggur það eitt fyrir að við erum að
vinna að því að ná bátnum upp,“
segir Kristín.
Morgunblaðið/Óskar Pétur Friðriksson
Á ferðalagi Blátindur í fylgd Lóðsins í Vestmannaeyjahöfn í óveðrinu á
föstudag. Blátindur sökk skömmu eftir að komið var með hann að bryggju.
Tjón á Blátindi eft-
ir flakk um höfnina
 Skipið friðað og Minjastofnun fylgist
með  Unnið verði af fyllstu varkárni
Margrét Þóra Þórsdóttir
Akureyri
Mögulegar úrbætur til að bæta um-
ferðaröryggi við Hörgárbraut á
Akureyri eru til skoðunar hjá Akur-
eyrarbæ í samráði við Vegagerðina.
Gert er ráð fyrir að aðilar máls,
fulltrúar frá skipulagsráði, umhverf-
is- og mannvirkjasviði Akureyrar-
bæjar og Vegagerðarinnar, hittist á
fundi í næstu viku og fari yfir málið.
Miklar umræður hafa verið um þjóð-
veg 1 um Hörgárbraut milli Undir-
hlíðar og Borgarbrautar, en þar
hafa verið tíð umferðaróhöpp og al-
varleg slys á óvörðum vegfarendum.
Íbúar í Hlíða- og Holtahverfi
komu saman á fundi á þriðjudags-
kvöld og ræddu málið. Samþykkt
var ályktun þar sem skorað var á
Akureyrarbæ og Vegagerðina að
grípa til aðgerða tafarlaust til að
auka öryggi vegfarenda á þjóðvegi 1
um Hörgárbraut. Meðal annars vildi
íbúafundurinn að strax yrði ráðist í
merkingarátak um hámarkshraða
og umferð skólabarna.
Pétur Ingi Haraldsson, sviðsstjóri
skipulagssviðs Akureyrarbæjar,
segir engar ákvarðanir liggja fyrir á
þessari stundu, en farið verði yfir
málið með þeim sem það varðar á
fundi í næstu viku.
„Þetta er flókið verkefni sem þarf
ítarlega skoðun og er verið að skoða
ýmsa möguleika sem koma til greina
til að auka umferðaröryggi á þessu
svæði,“ segir hann.
Undirgöng yrðu úr leið
Á íbúafundinum kom fram að í
gildi væri deiliskipulag þar sem gert
væri ráð fyrir undirgöngum skammt
ofan við brúna yfir Glerá. Undruðu
fundargestir sig á því að þrátt fyrir
að skipulagið hefði verið í gildi í um
það bil 10 ár hefði ekkert orðið af
framkvæmdum við þessi undirgöng.
Pétur Ingi segir að uppi séu efa-
semdir um að göng á þessum stað
myndu nýtast nægilega vel til að
auka umferðaröryggi barna úr
Holtahverfi á leið í Glerárskóla eða á
íþróttasvæði Þórs sem er handan
Hörgárbrautar. „Það er líklega
meginstraumur gangandi vegfar-
enda yfir Hörgárbrautina á þessu
svæði. Undirgöng niður undir Gler-
árbrú eru töluvert úr leið fyrir börn-
in og miðað við almenna reynslu
efast menn um að gangandi, t.d.
börn sem búa í Stórholti, muni
leggja svo langa lykkju á leið sína,
heldur reyna að koma sér yfir göt-
una annars staðar,“ segir Pétur Ingi
og bætir við að möguleikar af öllu
tagi sem kunni að bæta umferðar-
öryggi verði skoðaðir.
Skoða hvort eitthvað
megi bæta strax
„Við erum að skoða með Akur-
eyrarbæ hvort úr einhverju megi
bæta strax,“ segir Gunnar H. Guð-
mundsson, svæðisstjóri Vegagerðar-
innar á Akureyri. Einnig yrði samtal
tekið við helstu aðila máls, eins og
lögreglu og hverfisnefnd í Hlíða- og
Holtahverfi.
Gunnar sagði að Vegagerðin og
Akureyrarbær hefðu síðastliðin ár
staðið sameiginlega í verulegum
framkvæmdum við helstu gatnamót
í þjóðvegakerfinu í gegnum Akur-
eyri í þeim tilgangi að auka
umferðaröryggi. Þeim væri hvergi
nærri lokið og væri þannig verið að
vinna að skipulagsmálum varðandi
stóru gatnamótin við Glerána.
„Þetta tengist að sjálfsögðu að-
gerðum á Hörgárbrautinni en
ákvörðun hefur hvorki verið tekin
um undirgöng né göngubrýr. En
komi til slíkra verkefna mun kostn-
aður skiptast milli Vegagerðar og
Akureyrarbæjar,“ segir Gunnar.
Skoða mögulegar úr-
bætur við Hörgárbraut
 Efasemdir um að undirgöng myndu nýtast nægilega vel
Morgunblaðið/Margrét Þóra
Umdeild ljós Íbúar óska eftir því í ályktun sem samþykkt var á fundi í vik-
unni að gangbraut yfir Hörgárbraut norðan Glerárbrúar verði fjarlægð og
fundin öruggari leið, hugsanlega með göngum undir götuna.