Morgunblaðið - 23.03.2020, Blaðsíða 22

22 MINNINGAR
MORGUNBLAÐIÐ MÁNUDAGUR 23. MARS 2020
Smáauglýsingar
Sumarhús
Sumarhús – Gestahús –
Breytingar
 Framleiðum stórglæsileg sumarhús
í ýmsum stærðum.
 Tökum að okkur stækkun og
breytingar á eldri húsum.
 Smíðum gestahús – margar
útfærslur.
 Sjáum um almennt viðhald á
sumarhúsum og sólpöllum.
 Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Iðnaðarmenn
Faglærður Húsasmiður.
Húsasmiður/einyrki með mikla
reynslu óskar eftir vinnu. S.7820040
Þjónusta
Málningarþjónusta
Upplýsingar í síma 782 6034.
Bílar
TILBOÐ
1.090 þús. staðgreitt
FORD Galaxy
7 manna - Diesel
2.0 Diesel árg 2011
• Sjálfskiptur
• Ekinn 172 þús.
• Skoðaður 2021
• Nýsmurður
• Nýlega skipt um olíu á
skiptingu
• Glæný Vredestein nagladekk
Verð 1.790 þús.
Uppl. í síma 615 8080
Raðauglýsingar
Félagsstarf eldri borgara
Garðabæ Skipulagt tómstunda- og íþróttastarf fyrir eldri borgara á
vegum Garðabæjar, s.s. í Jónshúsi, Smiðjunni, Litlakoti,
íþróttahúsinu í Sjálandsskóla og Ásgarði, fellur niður tímabundið.
Starfsemi hjá FEBG og FEBÁ fellur einnig niður tímabundið.
Grensáskirkja Félagsstarfið liggur niðri vegna COVID-19 smits.
Korpúlfar Allt félagssstarf á vegum Korpúlfa fellur niður vegna
Kórónaveirufaraldurs nema gönguhópar Korpúlfa, gengið er frá kl.
10:00 mánudaga, frá Borgum, Grafarvogskirkju og í Egilshöll. Á
miðvikudögum og föstudögum kl. 10: frá Borgum og inni í Egilshöll.
Hvetjum alla til að halda áfram heilsueflingu og passa upp
á hvert annað með því að hringja hvert í annað og fylgjast vel með á
samfélagsmiðlum, takk.
Norðurbrún 1 Félagsstarfið liggur niðri vegna COVID-19 smits.
Seltjarnarnes Allt félags og tómstundastarf hjá eldri borgurum á
Seltjarnarnesi liggur niðri vegna COID19. Við hjá félagsstarfinu gerum
allt sem í okkar valdi stendur til að upplýsa og vera til staðar. Hægt er
að vera í sambandi á fb síðunni eldri borgarar á Seltjarnarnesi með
ábendingar eða leita upplýsinga. Einnig má hringja í Kristínu í síma
893 9800 eða senda póst á kristin.hannesdottir@seltjarnarnes.is
Sléttuvegur 11-13 Selið á Sléttuvegi er lokað um óákveðin tíma
vegna Covid-19 smits innanlands
Vantar þig
fagmann?
FINNA.is
Ekkert gjald er tekið fyrir birtingu minningagreina. Þær eru einnig birtar á www.mbl.is/minningar.
Birting
minningagreina
Samkomubann og óvenjulegar aðstæður í þjóðfélaginu hafa leitt til þess að
útfarir eru nú með breyttu sniði.
Morgunblaðið hefur brugðist við með því að rýmka reglur um birtingu á
minningargreinum.
Minningagreinasíður blaðsins standa opnar öllum þeim sem vilja minnast
ástvina eða sýna aðstandendum samúð og samhug.
Í ljósi aðstæðna hefur verið slakað á fyrri verklagsreglum hvað varðar útfarir
í kyrrþey. Ekkert er því til fyrirstöðu að birta minningargreinar sama dag og
útför einstaklings er gerð hvort sem hún er háð fjöldatakmörkunum eða
gerð í kyrrþey.
Starfsfólk greinadeildar Morgunblaðsins er boðið og búið að aðstoða þá sem
hafa spurningar um ritun minningargreina eða hvernig skuli senda þær til
blaðsins.
Við Tolli eins og
ég kallaði hann allt-
af vorum vinnu-
félagar og góðir vin-
ir til tuga ára og höfðum við líka
lífssýn. Við vorum vanir að vinna
og vissum að við fengum ekkert
nema leggja vel að okkur. Það
var að vori til fyrir margt löngu
að góður vinur minn sem var for-
maður knattspyrnudeildar Þórs
hringdi í mig og sagðist hafa góð-
an mann sem vildi gerast lög-
reglumaður og ekki væri það
verra að hann væri góður knatt-
spyrnumaður. Ég bað hann að
senda hann til mín þar sem okkur
vantaði góðan sumarmann. Ég sá
strax þegar Tolli kom inn á skrif-
stofu mína að þarna var traustur
maður á ferð og eftir gott samtal
var hann ráðinn í lögregluna og
okkar vinskapur hófst. Það kitl-
aði líka undirmeðvitund mína að
þarna kæmi góður liðsmaður í
frægt fótboltalið okkar lögreglu-
manna á Akureyri. Tolli var þá
þegar menntaður smiður en á
þeim árum voru iðnaðarmenn
mínir uppáhaldslögreglumenn.
Þeir komu úr öguðu vinnuum-
hverfi og voru vanir löngum
vinnudegi oft við erfiðar aðstæð-
ur. Þannig getur lögreglustarfið
oft orðið og því gott að hafa svo-
Þórarinn
Jóhannesson
✝ Þórarinn Jó-hannesson
fæddist 23. ágúst.
Hann lést 11. mars
2020.
Vegna aðstæðna
í þjóðfélaginu var
útförin lokuð.
leiðis menn til
starfsins. Tolli var
duglegur og sam-
síða vinnunni sinni
vann hann mikið við
smíðar og byggði
m.a. tvö einbýlishús
fyrir sig og fjöl-
skyldu sína. Þegar
við lögreglumenn
byggðum okkur
sumarhús var gott
að eiga hann að því
hann kunni öll handverk við
byggingar. Hann var bestur í fót-
boltaliði lögreglunnar og spilaði
okkur hina klaufana upp þannig
að góð liðsheild myndaðist. Við
unnum marga glæsta sigra með
hann í fararbroddi. Mér fannst
Tolli hugsa vel um sína heilsu því
hann hreyfði sig mikið, duglegur
að sækja líkamsræktarstöðvar,
fór á veiðar og vann mikla erf-
iðisvinnu við byggingar. Ég hitti
hann síðast um miðjan desember
sl. en þá hittumst við á líkams-
ræktarstöð. Þar var rætt um
væntanleg starfslok hans en þau
nálguðust. Hann sagði mér frá
fyrirætlunum sínum, byggja nýtt
hús, fara í langa gönguferð í sum-
ar o.fl. Ég man að hann tók svo til
orða að hann væri í sínu lífsins
besta líkamsformi. Við ræddum
líka um ferðir til Tenerife en
hann og fjölskyldan ætluðu að
vera þar yfir jólin og áramótin en
ég ætlaði þangað í byrjun næsta
árs. Við vorum sammála um að
þar væri gott að vera á þessum
árstíma. Að lokum óskuðum við
hvor öðrum gleðilegra jóla og
góðrar ferðar. Ekki gat ég látið
mér detta það í hug að þetta sam-
tal okkar væri það síðasta. Ég
fékk svo fréttir til Tenerife um
heilsufar hans og þegar ég kom
heim voru fréttirnar farnar að
verða erfiðari þar sem sjúkdóm-
urinn ágerðist. Það var svo skrýt-
in tilviljun að daginn áður en
hann lést hugsaði ég mikið til
hans og var ákveðinn að leita enn
betri frétta hjá ættingjum hans
morguninn eftir. Þá var hringt í
mig frá lögreglustöðinni og sagt
að hann hefði látist um nóttina.
Kæri vinur. Nú þegar ég skrifa
þessi kveðjuorð sit ég og horfi á
útför þína í tölvunni minni.
Ég kveð þig, kæri vinur, og bið
hinn hæsta að vaka yfir velferð
fjölskyldu þinnar um ókomna
framtíð. Hafðu kæra þökk fyrir
samstarfið og vináttuna.
Ólafur Ásgeirsson.
Nú hefur Tolli okkar lagt af
stað á sinn Jakobsveg, þó annar
sé en ætlað var.
Fyrir rúmum þrjátíu árum
vorum við svo gæfusöm að kynn-
ast Tolla þegar hann hóf búskap
með systur minni. Betri mann
gat hún varla valið, börnunum
hennar góður faðir og okkur öll-
um í fjölskyldunni kær. Margs er
að minnast og margs er að sakna.
Ekki munum við fjögur sitja sam-
an í sumarbústaðnum við góðan
mat og spil. Ekki verða fleiri
veiðiferðir þeirra svila, ekki
hjálpast að við húsbyggingar,
minnug sumarsins þegar Tolli,
sem var smiður góður, var að
reisa húsið þeirra í Fífuhvammi.
Tolli unni sólinni meira en margir
og í fyrstu sólargeislum vorsins
var vinur vor kominn í stuttbuxur
og helst ber að ofan, meðan Palli
var í síðbuxum og peysu. Garð-
urinn í Fífuhvammi ber þess fag-
urt vitni að þar bjuggu rækt-
endur, sama má segja um
sumarbústaðalandið. Endalaust
verið að hlúa að gróðri og húsum.
Þar er mikil gæfa hvað þau hjón
Anna og Tolli voru samhent og
dugleg að láta drauma sína ræt-
ast. Þau ferðuðust mikið bæði
innanlands og utan. Síðustu mán-
uði var æft og gengið til að und-
irbúa sem best gönguferð þeirra
um Jakobsveginn sem til stóð að
fara í vor. Í desember kvöddum
við þau kát og hress áður en þau
fóru til Tenerife þar sem þau
héldu jól og áramót með börnum
sínum og barnabörnum. Af
myndum að dæma var gengið,
sólað sig og haft gaman. Engan
gat grunað að óveður væri í að-
sigi og hrausti, glaði og duglegi
Tolli væri dauðvona. Í veikindum
sínum sýndi hann fádæma æðru-
leysi og lífsvilja þó á móti blési
þessa tvo mánuði. Ósanngjarnt
er orð sem kemur upp í hugann
þegar kveðjustundin er komin,
sár söknuður eftir góðum dreng
og vini.
Ég þakka Guði löngu liðinn dag
sem lét mig eignast þig að ævivin.
Og öll þau blóm sem uxu á þinni leið
með ilm og fegurð hresstu og glöddu
mig.
Og birtan sem þú breiddir yfir allt
sló bjarma á lífið allt í kringum þig.
Svo líða dagar, ár og ævitíð
og ýmsum blikum slær á loftin blá.
Í sorg og gleði alltaf varstu eins
og enginn skuggi féll á þína brá.
Svo brast á élið, langt og kólgukalt
og krafan mikla um allt sem gjalda má.
Og fljótið niðar enn sem áður fyrr
og ennþá flúðin strýkur næman streng.
Við blæþýtt ljóð, um blóm og sumaryl
og bjarta kyrrð – í minningu um þig.
(Oddný Kristjánsdóttir)
Kveðja, Mottes og frændi.
Borghildur og Páll.