Morgunblaðið - 23.03.2020, Blaðsíða 27

ÍÞRÓTTIR 27
MORGUNBLAÐIÐ MÁNUDAGUR 23. MARS 2020
ÞÝSKALAND
Jóhann Ingi Hafþórsson
johanningi@mbl.is
„Ég verð í einangrun í viku í við-
bót, eins og allir í liðinu, og má ekk-
ert fara út. Ég hef samt ekki fundið
fyrir neinum einkennum,“ sagði
Ýmir Örn Gíslason, landsliðsmaður
í handbolta, í samtali við Morgun-
blaðið.
Ýmir gekk í raðir þýska stórliðs-
ins Rhein-Neckar Löwen frá Val í
febrúar. Síðustu daga hefur Martin
Schwalb þjálfari liðsins, sem og
nokkrir leikmenn, greinst með
kórónuveiruna. Ýmir má því ekki
fara út úr húsi.
„Þetta er ekki óskastaða. Maður
reynir eitthvað að æfa heima en
maður er ekki með endalausar hug-
myndir, svo það verður fljótt
þreytt. Það er sem betur fer lítið
eftir af þessu og þetta fer að klár-
ast,“ sagði Ýmir. Hann segir nokk-
urn viðbúnað í borginni, en félagið
er í Mannheim í suðvesturhluta
Þýskalands.
„Það er búið að loka einhverjum
leikvöllum og svo öllum skólum og
leikskólum. Það er enn fólk á ferli
en það passar sig á því að vera í
nægilega mikilli fjarlægð hvert frá
öðru. Fólk er ekki mikið að hittast,
svo að það eru einhverjar varúðar-
ráðstafanir í gangi. Ég hef hins veg-
ar ekkert getað farið út til að upp-
lifa það mikið sjálfur.“
Ýmir, sem er 22 ára, fluttist til
Þýskalands með unnustu sinni og
ungum syni. „Unnustan mín er með
mér úti og strákurinn líka. Maður
nær að halda rútínu og vakna með
stráknum á morgnana. Við púslum,
litum og málum og spilum einhverja
glataða leiki sem eru samt
skemmtilegir í leiðinni. Við reynum
að vera hugmyndarík saman.“
Ekki þægileg staða
Ýmir viðurkennir að staðan sé
frekar óþægileg, enda nýfluttur út,
og liðsfélagar og þjálfari smitaðir.
Framhaldið er í óvissu og óljóst
hvort hægt verður að halda keppni
áfram í þýska handboltanum á
þessu tímabili.
„Þetta er náttúrulega ekki þægi-
leg staða. Það væri óskandi ef það
væri enginn smitaður hérna og við
værum alveg laus við þetta, en stað-
an er augljóslega ekki svoleiðis. Ég
veit ekki alveg hvernig framhaldið
verður hérna. Ég veit ekkert hve-
nær við byrjum að æfa aftur og ég
veit ekki hvort deildin byrjar aftur
23. apríl eða hvort hún yfir höfuð
byrjar aftur. Þetta eru skrítnir
tímar en við ættum að vita meira á
næstu dögum. Sem betur fer er frá-
bært fólk í þessu félagi sem er búið
að aðstoða mig mjög mikið síðan ég
kom og eftir að ég fór í einangrun.
Það er mjög vel hugsað um okkur
hérna. Starfsfólk félagsins er dug-
legt að heyra í manni til að gá hvort
mann vanti eitthvað.“
Beið eftir rétta tækifærinu
Ýmir var lítið að flýta sér út í at-
vinnumennsku. Þess í stað beið
hann þolinmóður eftir rétta tæki-
færinu og samdi við stórt félag í
einni sterkustu deild heims. Hann
segir það skell að þetta ástand hafi
komið upp á þessum tímapunkti,
þegar atvinnumannaferillinn er rétt
að byrja.
„Ég var kominn á ágætisskrið og
búinn að standa mig vel í deildinni.
Þeir voru allavega ánægðir með
mig í liðinu. Það er frábært að æfa
með þessum gæjum og frábærar
aðstæður og allt til alls. Maður var
vel tilbúinn að halda áfram og gera
betur. Svo kemur þessi skellur en
maður verður bara að halda haus og
gera eins vel og hægt er og halda
rétt á spilunum. Ég held áfram þótt
ég geti ekki æft handbolta akkúrat
núna og reyni að halda mér gang-
andi á einhvern hátt. Ég reyni að
æfa eins og ég get, en ætli ég endi
ekki bara á því að fara að hugleiða,“
sagði Ýmir léttur.
Veit ekki hvað gekk á
Lið Löwen er í sjötta sæti þýsku
deildarinnar þegar það á átta leikj-
um ólokið og er búið að vinna alla
fjóra leiki sína í riðlakeppni 16-liða
úrslita EHF-bikarsins, þar sem það
er þegar komið í átta liða úrslit þó
að tveimur leikjum sé ólokið.
Kristján Andrésson var þjálfari
Löwen þegar Ýmir kom til félags-
ins, en aðeins nokkrum dögum síðar
var búið að reka íslenska þjálfarann
og Martin Schwalb var tekinn við.
„Vissulega var það ekki óska-
staða fyrir mig að koma út og svo
var hann strax farinn. Ég veit ekki
almennilega hvað gekk á áður en ég
kom, þannig að ég þekki ekki alla
söguna, en svona fór þetta.“
Kíkir oft í kaffi til
Alexanders og Eivorar
Hjá Löwen hitti Ýmir fyrir Alex-
ander Petersson, liðsfélaga sinn úr
landsliðinu. Voru þeir báðir í stóru
hlutverki á EM í byrjun árs. Þá
þekkti Ýmir eiginkonu Alexanders,
Eivoru Pálu Blöndal, en þau koma
bæði úr Val. Eivor spilaði á sínum
tíma í Þýskalandi og með landslið-
inu. Sonur þeirra, Lúkas Petersson,
varði mark U17 ára landsliðs Ís-
lands í fótbolta á síðasta hausti.
„Konan hans er úr Val og er mik-
ill Valsari, þannig að maður þekkti
hana og þau. Maður kíkir oft í kaffi
til þeirra, horfir á fótboltaleiki með
stráknum hans og eyðir tíma með
þeim. Þau eru frábær og það verður
gott að komast úr einangrun og
kíkja til þeirra og hitta eitthvert
fólk,“ sagði Ýmir Örn við Morgun-
blaðið.
Reynum að vera hugmyndarík
 Ýmir Örn Gíslason landsliðsmaður í handbolta var nýbyrjaður að spila með
stórliði Rhein-Neckar Löwen þegar öllu var lokað  Fjölskyldan í einangrun
Ljósmynd/Einar Ragnar Haraldsson
Varnarmaður Ýmir Örn Gíslason er í stóru hlutverki í varnarleik íslenska
landsliðsins og á 41 landsleik að baki, þar af sjö á EM í janúar.
Handknattleiksdeild ÍBV hefur
samið við landsliðskonuna Söndru
Erlingsdóttur og gerir hún tveggja
ára samning við félagið. Sandra er
Eyjakona sem hefur undanfarin tvö
ár leikið með Val. Hún lék með ÍBV
frá 2016 til 2018 og fluttist síðan til
Reykjavíkur til að spila með Val
meðfram námi. Með Val vann hún
alla þá titla sem í boði voru á síð-
ustu leiktíð og var lykilmaður hjá
liðinu. Sandra hefur leikið með öll-
um yngri landsliðum Íslands og þá
hefur hún síðustu ár leikið með A-
landsliðinu.
Sandra aftur til
Vestmannaeyja
Morgunblaðið/Eggert
Eyjar Sandra Erlingsdóttir snýr
aftur til ÍBV á næstu leiktíð.
Geir Þorsteinsson, fyrrverandi for-
maður Knattspyrnusambands Ís-
lands, er kominn aftur í íslenska
fótboltann eftir rúmlega þriggja
ára fjarveru. Hann hefur verið ráð-
inn framkvæmdastjóri Knatt-
spyrnufélags ÍA og tekur þar við af
Sigurði Þór Sigursteinssyni sem
hefur gegnt starfinu undanfarin ár.
Geir var framkvæmdastjóri KSÍ frá
1997 til 2007 og síðan formaður
sambandsins frá 2007 til 2017.
Hann er annars uppalinn KR-ingur
og starfaði fyrir sitt félag þar til
hann kom til liðs við KSÍ.
Geir til liðs við
Skagamenn
Morgunblaðið/Hari
Akranes Geir Þorsteinsson hefur
verið ráðinn til starfa hjá ÍA.  Hrafnhildur Hanna Þrastardóttir
hefur skorað 84 mörk í 19 leikjum með
Bourg-de-Péage í efstu deild Frakk-
lands í handbolta á leiktíðinni. Er hún
tíundi markahæsti leikmaður deildar-
innar. Þá er hún markahæsti nýliði
deildarinnar, á fyrsta ári sínu í at-
vinnumennsku. Hefur Hrafnhildur
skorað mörkin 84 úr 150 skotum og er
með 56 prósenta skotnýtingu. Bourg-
de-Péage er í níunda sæti deildarinnar
af 12 liðum með 33 stig eftir 19 leiki.
 Þó nokkur ensk knattspyrnufélög
hafa augastað á Philippe Coutinho,
sóknarmanni Barcelona og fyrrverandi
leikmanni Liverpool. Coutinho er
samningsbundinn Barcelona til ársins
2023 en hann er sem stendur að láni
hjá Þýskalandsmeisturum Bayern
München. Arsenal, Chelsea, Man-
chester United og Tottenham hafa öll
áhuga á sóknarmanninum en hann á
ekki mikla framtíð fyrir sér á Spáni
samkvæmt fréttum frá Katalóníu.
 Ensku knattspyrnufélögin Liverpool
og Arsenal hafa áhuga á Evan Ndicka,
tvítugum Frakka sem leikur með Ein-
tracht Frankfurt í Þýskalandi. Þá hafa
Valencia, Sevilla og AC og Inter í Míl-
anó einnig fylgst með leikmanninum
unga.
 Marouane Fellaini, fyrrverandi leik-
maður Manchester United, hefur verið
greindur með kórónuveiruna. Hann
spilar í dag með kínverska liðinu
Shandong Luneng og staðfesti félagið
í nótt að Belginn væri með veiruna.
Fellaini gekk til liðs við Shandong frá
United í janúar á síðasta ári en hann
sneri aftur til Kína á föstudaginn og
var þá veiruprófaður. Hann er nú kom-
inn í einangrun en samkvæmt tilkynn-
ingunni er hann einkennalaus.
 Knattspyrnugoðsögnin Paolo Mal-
dini hefur verið greindur með kórónu-
veiruna, sem og sonur hans, Daniel
Maldini. Paolo lék allan ferilinn með
AC Milan og spilaði 647 deildarleiki
með liðinu en Daniel lék fyrsta leik
sinn fyrir Mílanóliðið í síðasta mánuði.
Maldini eldri er 51 árs og sá yngri 18
ára.
 Brasilíumaðurinn Ronaldinho, sem
á sínum tíma var einn besti knatt-
spyrnumaður heims, varð fertugur á
laugardag. Hann fagnaði væntanlega
lítið, þar sem hann er í gæsluvarðhaldi
í Paragvæ fyrir að reyna að komast til
landsins á fölsuðu vegabréfi.
 Lorenzo Sanz er í hópi þeirra Spán-
verja sem látið hafa lífið af völdum
kórónuveirunnar, 76 ára að aldri. Sanz
var forseti knattspyrnufélagsins Real
Madrid frá 1995 til 2000 og eigandi
Málaga frá 2006 til 2010.
 Robert Lewandowski, knatt-
spyrnumaður Bayern München í
Þýskalandi og pólska landsliðsins, hef-
ur gefið eina
milljón evra
til barátt-
unnar gegn
útbreiðslu
kórónuveir-
unnar. Hann
er einn fjöl-
margra
knattspyrnu-
manna sem
hafa reynt
að leggja sitt
af mörkum
á þessum
tímum.
Eitt
ogannað
Körfuboltamaðurinn LeBron James segist vilja ljúka
ferlinum hjá Los Angeles Lakers, en hann gekk til liðs
við félagið árið 2018. LeBron er 35 ára gamall og einn
sigursælasti leikmaður deildarinnar í dag.
Hann spilaði með Cleveland Cavaliers á árunum 2003-
10 og svo aftur 2014 til 2018 eftir dvöl hjá Miami Heat.
Hann varð NBA-meistari árin 2012 og 2013 með Miami
og 2016 með Cleveland og hefur verið valinn besti leik-
maður deildarinnar fjórum sinnum.
„Hvaða NBA-lið myndi ég aldrei spila fyrir?“ sagði
LeBron hugsi í myndskeiði á Instagram þar sem hann
svaraði spurningum aðdáenda sinna. „Ég er enn að
spila, ég verð að halda öllum valkostum opnum. En akkúrat núna get ég
sagt ykkur að ég vil ekki fara neitt. Ég vil vera hér og vera í Lakers alla
mína ævi.“ Lakers var í efsta sæti Vesturdeildar NBA með 49 sigra og 14
töp þegar stöðva þurfti keppni vegna kórónuveirunnar. kristoferk@mbl.is
Vill ekki fara frá Lakers
LeBron
James
Margir aðilar innan íþróttahreyfingarinnar víðs vegar
um heim hafa undanfarna daga kallað eftir því að Ól-
ympíuleikunum sem fram eiga að fara í Tókýó 24. júlí til
9. ágúst verði frestað vegna kórónuveirunnar, ásamt Ól-
ympíumóti fatlaðra sem fer fram á sama stað 25. ágúst
til 6. september.
Thomas Bach, forseti Alþjóða ólympíuhreyfingar-
innar, IOC, segir að það sé ekki einfalt mál.
„Ólympíuleikunum er ekki hægt að fresta eins og um
sé að ræða fótboltaleik næsta laugardag. Það er mjög
flókin framkvæmd og við berum mikla ábyrgð. Við
myndum heldur aldrei aflýsa leikunum. Það væri versta
niðurstaðan. Ef þeim yrði aflýst myndum við eyðileggja ólympíudraum 11
þúsund íþróttamanna frá 206 ólympíusamböndum,“ sagði Bach við þýsku
útvarpsstöðina SWR en hugmyndir hafa verið uppi um að fresta leikunum
um nokkra mánuði eða jafnvel til næsta árs. vs@mbl.is
Leikunum yrði aldrei aflýst
Thomas
Bach