Morgunblaðið - 26.03.2020, Blaðsíða 28

KÓRÓNUVEIRUFARALDUR
Tómlegt um að litast
á ferðamannaslóðum
Helgi Bjarnason
helgi@mbl.is
Mannlífið hefur breyst vegna
kórónufaraldursins. Þess má sjá
merki hvert sem farið er. Minni
umferð er á götum bæja og borga
og fáir ferðamenn bera þess glöggt
vitni.
Í hefðbundnu árferði er mikið líf
í kringum ferðamennskuna á Suð-
urnesjum alla daga ársins. Það er
ekki nú. Skýrustu dæmin um það
eru nánast tómir salir og verslanir
Flugstöðvar Leifs Eiríkssonar og
Bláa lónið, sem lokað hefur dyrum
sínum vegna samkomubanns.
55 flugferðum aflýst
Samkvæmt áætlunum flugfélaga
sem birtast á vef Isavia voru áætl-
aðar 36 lendingar áætlunarflugvéla
í gær og 30 brottfarir. Það gekk
aldeilis ekki eftir því aðeins 6 þot-
ur lentu og 5 fóru. Allt annað flug
var fellt niður.
Af þeim vélum sem komu voru
þrjár frá Icelandair en þær komu
frá London, Boston og Amster-
dam. Önnur flugfélög flugu frá
Búdapest, Frankfurt og London.
Héðan flugu vélar Icelandair til
Boston og London og önnur félög
flugu til Kaliningrad, London og
Óslóar.
Eins og flugið gefur til kynna
voru afgreiðslusalir Flugstöðvar
Leifs Eiríkssonar hálftómir þegar
ljósmyndari Morgunblaðsins leit
þar við í gær. Sömu sögu var að
segja um umhverfi flugstöðvar-
innar, svo sem bílastæði. Flug-
stöðin er stærsti vinnustaður Suð-
urnesja og því hætt við að lítið sé
að gera hjá mörgum starfsmann-
inum þar þessa skrítnu daga.
Bláa lónið er einn vinsælasti
áfangastaður ferðafólks á Íslandi.
Stjórnendur ákváðu að loka bað-
staðnum frá 23. mars og út apríl
vegna samkomubanns heilbrigðis-
yfirvalda.
Morgunblaðið/Eggert
Draugahús Afgreiðslufólk var við innritun í Leifsstöð en það hafði lítið að gera því engir farþegar voru í biðröð.
Bláa lónið Eina lífið við Grindavík um þessar mundir er jarðskjálftar í ná-
grenni Þorbjarnarfells. Ekki einn einasti bíll sást á bílastæðinu veglega.
Flugstöð Gestir Flugstöðvar Leifs Eiríkssonar þurfa ekki að hringsóla lengi um bílastæðin til að reyna að finna geymslustað fyrir bíla sína eins og gera þarf á álagstímum.
Innritun Farþegar fimm flugvéla innrituðu sig í flug í gær. Samkvæmt
áætlun áttu 30 vélar að fara en 25 flugferðir voru felldar niður.
28
MORGUNBLAÐIÐ FIMMTUDAGUR 26. MARS 2020
Stykkjaverð 2.490 kr.
Frí heimsending úr vefverslun til 1. apríl
1 stærð
passar á
alla
Við erum öll almannavarnir
Höfðabakka 9, 110 Reykjavík | Sími 561 9200 | vefverslun@run.is