Morgunblaðið - 26.03.2020, Page 54

FRJÁLSAR
Bjarni Helgason
bjarnih@mbl.is
Paralympics, Ólympíumót fatlaðra,
er eina stórmótið í frjálsum íþróttum
sem spjótkastarinn Helgi Sveinsson
hefur ekki unnið til verðlauna á.
Helgi ætlaði sér því stóra hluti í Tók-
ýó í Japan í ágúst á þessu ári. Nú er
ljóst að ekkert verður úr því að leik-
arnir fari fram dagana 25. ágúst til 6.
september, þar sem þeim var frestað
í síðasta lagi fram á næsta sumar
vegna kórónuveirunnar.
Spjótkastarinn öflugi verður 41 árs
í júní en hann keppir í fötlunarflokki
F63. Hann hefur tvívegis unnið til
gullverðlauna á Evrópumeistaramóti
og þá varð hann heimsmeistari í
spjótkasti í Lyon í Frakklandi árið
2013. Hans besti árangur á Para-
lympics er fimmta sæti en þeim ár-
angri náði hann bæði í London 2012
og Ríó 2016, en leikarnir í Tókýó í
sumar hefðu verið hans þriðju leikar.
„Maður var svo sem búinn að gera
sér grein fyrir því að þetta myndi
enda svona, miðað við hvernig hlut-
irnir hafa þróast, síðustu vikur og
daga,“ sagði Helgi í samtali við
Morgunblaðið í gær.
„Að sjálfsögðu er mjög leiðinlegt
að þetta skuli hafa farið svona.
Maður er búinn að vera að fókusa
mjög lengi á einhvern ákveðinn enda-
punkt og maður veit í raun ekkert
hvernig eða hvenær maður kemst
aftur af stað í átt að sínum mark-
miðum. Ég er hins vegar ekki einn í
þessu og það eru allir íþróttamenn á
sama stað, þannig lagað, og því á
þetta ekki eingöngu við um mig. Ég
er hins vegar sannfærður um að það
muni birta til einn daginn en stóra
spurningin er í raun bara hvenær það
verður.“
Alltaf að læra eitthvað nýtt
Helgi var að glíma við meiðsli á síð-
asta ári en byrjaði að æfa af fullum
krafti fyrir hinar ýmsu undankeppnir
fyrir Paralympics í nóvember á síð-
asta ári. Hann var kominn á gott
skrið þegar kórónuveirufaraldurinn
blossaði upp í heiminum og ákveðið
var að aflýsa hverju mótinu á fætur
öðru sem hefði getað tryggt honum
þátttökurétt á Paralympics.
„Ég er búinn að vera að æfa mjög
vel að undanförnu og ég er í góðum
gír, æfingalega séð. Ég tel mig vera
orðinn nokkuð góðan af meiðslunum
þótt ég finni ennþá fyrir verkjum
öðru hverju hér og þar. Ég tel mig
líka hafa tekið miklum framförum frá
því síðasta haust. Maður er alltaf að
læra eitthvað nýtt í þessu og planið
var alltaf að ná einhverjum mótum til
þess að ná settu lágmarki. Fyrst var
hætt við Grand Prix-mótið í Dubai og
síðan hrundi þetta bara koll af kolli.
Maður fór þá að reyna að hugsa upp
einhverjar aðrar leiðir til þess að ná
þessum lágmörkum en það hefur
ekkert heyrst með þessar und-
ankeppnir ennþá. Þetta var mikill
skellur enda ruglað dæmi sem er í
gangi í heiminum í dag.“
Mikið álag á líkamann
Margir hafa gagnrýnt Alþjóða ól-
ympíunefndina, Alþjóðasamband
fatlaðra og forráðamenn leikanna í
Japan fyrir það hversu langan tíma
það tók að fresta þessum viðburðum.
Ólympíusamband Kanada ætlaði
ekki að senda keppendur á leikana ef
þeir færu fram í júlí og þá skoruðu
bæði Ástralar og Pólverjar á Alþjóða
ólympíunefndina að fresta leikunum
til eins árs.
„Maður skilur alveg að þetta er
ekkert lítil ákvörðun sem þeir eru að
taka með því að fresta leikunum. Það
er gríðarlega mikið undir hjá Japan
og öllu batteríinu í kringum leikana í
heild sinni. Þess vegna sýnir maður
því ákveðinn skilning að það sé reynt
að halda eins lengi og hægt er í upp-
runalegar dagsetningar. Á móti
kemur að það hefði líka verið fínt
fyrir okkur íþróttamennina að fá
þessar upplýsingar fyrr því óvissan
er manns versti óvinur. Að æfa í
óvissu hefur bæði mikil áhrif á mann
sjálfan og hvatningin fyrir því að
æfa er allt önnur en undir eðlilegum
kringumstæðum. Verður eitthvað af
mótinu eða ekki og það er fljótt að
koma upp í hugann þegar á móti
blæs. Að vera spjótkastari er létt
geggjun og þetta er engin grín
grein. Maður er að klessa líkamann
hægri vinstri og óneitanlega fer
maður að spá í það af hverju maður
er að hanga í þessu ef maður hefur
ekkert til þess að stefna að. Þess
vegna var frábært að fá að vita þetta
í gær (fyrradag) og maður getur þá
lengt í öllum plönum og mætt
tvíefldur til leiks þegar nær dregur
móti.“
Hefur áhuga á þjálfun
Eins og áður sagði hefur Helgi
aldrei unnið til verðlauna á Para-
lympics en hann greindi frá því í
samtali við Morgunblaðið í október á
síðasta ári að draumurinn væri að
geta hætt á toppnum. Þrátt fyrir að
hann verði 41 árs gamall í sumar er
hann ekki farinn að leiða hugann að
því að hætta og stefnir ótrauður á
sína þriðju Paralympics.
„Ég er búinn að vera í þessu í góð-
an tíma og orðinn gamall. Maður er
farinn að finna lengur fyrir verkj-
unum núna en þegar maður var að
byrja í þessu fyrir tæpum áratug og
það er ekki að hjálpa manni, ég skal
alveg viðurkenna það. Svo nær mað-
ur kannski einhverjum árangri og
fyllist miklum eldmóði. Þá geta hlut-
irnir breyst og manni finnst maður
allt í einu eiga nóg inni. Ég tek
næsta tímabil og negli á það eins og
staðan er í dag með það að markmiði
að fara á leikana og gera mitt allra
besta. Svo bara sjáum við til hvað
gerist eftir það. Ég sé ekki fyrir mér
að hætta í bráð, eins og staðan er í
dag í það minnsta, því ég hef bara
svo gaman af þessu. Til lengri tíma
litið sé ég svo alveg fyrir mér að
leggja þjálfun fyrir mig eða eitthvað
í þeim dúr, þannig að maður er ekk-
ert að fara kveðja sportið neitt,“
bætti spjótkastarinn við.
Ekki tilbúinn að hætta
 Helgi Sveinsson stefnir áfram á sitt þriðja Ólympíumót  Ekkert grín að vera
spjótkastari enda létt geggjuð íþrótt  Aldurinn loksins farinn að segja til sín
Ljósmynd/ÍF
Sigursæll Helgi Sveinsson hefur tvívegis orðið Evrópumeistari og einu sinni
heimsmeistari en hann bíður eftir sínum fyrstu verðlaunum á Paralympics.
54 ÍÞRÓTTIR
MORGUNBLAÐIÐ FIMMTUDAGUR 26. MARS 2020
26. mars 1947
Knattspyrnusamband Íslands
er stofnað í Vonarstræti í
Reykjavík en
fjórtán félög og
íþróttabandalög
eiga aðild að
sambandinu frá
byrjun. Þau eru í
Reykjavík (4),
Hafnarfirði (2),
Akranesi (2), Akureyri (2),
Vestmannaeyjum (2), Ísafirði
og Siglufirði. Agnar Klemens
Jónsson er kjörinn
fyrsti formaður KSÍ.
26. mars 1980
Íslenska karlalandsliðið í
körfuknattleik spilar 100. leik
sinn í sögunni
og heldur upp á
það með því að
vinna Armeníu,
77:67, í vináttu-
leik í Laug-
ardalshöll. Pét-
ur Guðmunds-
son skorar 21 stig fyrir Ísland.
26. mars 1983
Kringlukastarinn Vésteinn
Hafsteinsson kastar yfir 60
metra í fyrsta skipti á ferl-
inum þegar hann kastar 60,14
á háskólamóti í Austin í Texas
í Bandaríkjunum.
26. mars 2003
Hermann Hreiðarsson, lands-
liðsmaður í knattspyrnu,
gengur í raðir enska úrvals-
deildarliðsins Charlton frá
Ipswich. Charlton greiddi 900
þúsund pund fyrir Hermann.
26. mars 2003
Guðni Bergsson mætir á
fyrstu landsliðsæfingu sína í
hálft sjötta ár á þegar lands-
liðið undirbjó sig fyrir leik
gegn Skotlandi í Glasgow í
undankeppni EM í knatt-
spyrnu. Guðni spilaði síðan
fyrsta landsleik sinn eftir
langt hlé en Skotar unnu 2:1.
26. mars 2006
Dagný Linda
Kristjánsdóttir
og Björgvin
Björgvinsson
sigra í svigi á
Skíðamóti Ís-
lands á Dalvík.
Bæði urðu tvö-
faldir Íslandsmeistarar í þetta
skiptið.
26. mars 2006
Bjarni Fritzson skorar 10
mörk fyrir franska liðið Cré-
teil og var markahæstur þeg-
ar liðið vann Göppingen 30:26
í fyrri undanúrslitaleik lið-
anna í EHF-bikarnum í hand-
knattleik.
26. mars 2008
Eiður Smári Guðjohnsen leik-
ur 50. A-landsleik sinn þegar
Ísland vinnur Slóvakíu 2:1 á
útivelli í vináttuleik í knatt-
spyrnu. Eiður skoraði síðara
mark Íslands í leiknum.
26. mars 2009
Birgir Leifur Hafþórsson leik-
ur fyrsta hringinn á Opna
Andalúsíumótinu á Evrópu-
mótaröðinni í golfi á 69 högg-
um. Var hann þá í 12.-17 sæti á
þremur undir pari.
26. mars 2010
Kári Steinn Karlsson bætir
eigið Íslandsmet í 5.000 metra
hlaupi um tæpar fimm sek-
úndur þegar hann endar í 7.
sæti á sterku boðsmóti í Stan-
ford í Bandaríkjunum. Kári
hleypur á 14:01,99 mínútum.
Á ÞESSUM DEGI
Falur Harðarson hefur ákveðið að
láta af störfum sem þjálfari karla-
liðs Fjölnis í körfuknattleik.
Falur greindi frá því í gær að
hann hefði komist að samkomulagi
við körfuknattleiksdeild Fjölnis um
að hætta þjálfun meistaraflokks
karla eftir þriggja ára starf og
hafði hann frumkvæði að starfslok-
unum. Fjölnir hafnaði í neðsta sæti
úrvalsdeildar karla á keppnis-
tímabilinu sem blásið var af á dög-
unum og er liðið fallið í næstefstu
deild. Liðið komst í undanúrslit
bikarkeppninnar í Laugardalshöll.
Lætur af störfum
að eigin ósk
Morgunblaðið/Eggert
Á förum Falur Harðarson er hættur
hjá Fjölni eftir þriggja ára starf.
Kári Kristján Kristjánsson, lands-
liðsmaður í handknattleik og leik-
maður bikarmeistara ÍBV, er smit-
aður af kórónuveirunni. Frá þessu
greindi hann í þættinum Sportið á
Stöð 2.
Kári segist hafa fengið það stað-
fest á þriðjudag að hann væri smit-
aður og væri því á leiðinni í tveggja
vikna einangrun. Hann segist ekki
vita til þess að aðrir leikmenn ÍBV
séu með veiruna og telur ólíklegt
að hann hafi smitast af liðsfélaga.
ÍBV lék síðast hinn 11. mars áður
en hlé var gert á deildinni.
Landsliðsmaður
smitaður
Ljósmynd/Einar Ragnar Haraldsson
Einangrun Kári Kristjánsson tekur
því rólega á næstunni.
Bjarni Fritzson mun hætta sem þjálf-
ari karlaliðs ÍR í handknattleik að
tímabilinu loknu og við tekur aðstoð-
arþjálfari liðsins, Kristinn Björgúlfs-
son. Vegna breytinga í efnahagslífinu
hefur ÍR neyðst til að draga saman
kostnað, endurskipuleggja og koma
jafnvægi á rekstur deildarinnar, eins
og fram kom í tilkynningu frá hand-
knattleiksdeildinni í vikunni. Þrír
leikmenn virðast vera á förum frá fé-
laginu eftir tímabilið, Bergvin Þór
Gíslason, Sveinn Andri Sveinsson og
Þrándur Gíslason Roth.
Bjarni hefur stýrt ÍR frá árinu
2014 og skrifaði nýlega undir tveggja
ára samning en forsendur hafa nú
breyst. ÍR er í 6. sæti Íslandsmótsins
sem stendur með 24 stig að tveimur
umferðum óloknum en óvíst er með
framhald mótsins vegna útbreiðslu
kórónuveirunnar.
Kvennaliðið lagt niður
Að óbreyttu mun ÍR hvorki tefla
fram meistaraflokki kvenna í hand-
knattleiknum á næsta tímabili né
ungmennaliði karla nema auknar
tekjur muni koma til sem ekki eru
fyrirsjáanlegar. Leikmenn kvenna-
liðsins fengu bréf frá stjórn hand-
knattleiksdeildar í vikunni þar sem
þetta kom fram. Starfsemi yngri
flokka verður áfram haldið úti eftir
því sem næst verður komist.
sport@mbl.is
Ýmsar breytingar hjá ÍR
Bjarni
Fritzson
Kristinn
Björgúlfsson