Morgunblaðið - 30.04.2020, Qupperneq 12

Lítil Ronja tveggja mánaða eftir fyrstu aðgerð. Hún var lengi í spelkum.
Kristín Heiða Kristinsdóttir
khk@mbl.is
Ronja var farin að fela öriðsitt, hún vildi ekki aðneinn sæi það. Hún varorðin óörugg út af þessu
og talaði um að sér þætti þetta ljótt.
Ég ákvað þá að fá mér eins ör, til að
standa með henni og sýna henni að
mér þykir þetta flott. Ég ber örið
með stolti og vil að hún geri það líka,
þetta eru hennar flottu og óvenju-
legu sérkenni,“ segir Hrafnhildur
Tinna Sveinsdóttir sem lét flúra á sig
samskonar ör og sjö ára dóttir henn-
ar, Ronja Mary Sigurjónsdóttir, hef-
ur á hægri öxl og niður á upp-
handlegg, eftir tvær skurðaðgerðir.
„Ronja var stór við fæðingu,
hún var 19 merkur og lenti í vand-
ræðum við að koma í heiminn. Hún
var rifin út með látum og fékk við
það axlarklemmu, sem varð til þess
að rof kom á taugar sem liggja frá
mænu út í handlegg. Með öðrum orð-
um þá rofnaði tengingin frá heila og
út í handlegg og fyrir vikið lömuðust
vöðvar í öxl og handlegg. Þegar hún
var orðin rúmlega tveggja mánaða
kom í ljós að hún var úr axlarlið og
þá þurfti hún að fara í aðgerð til að
setja hana í lið. Í framhaldinu var
hún í spelkum í átta vikur. Þegar hún
var orðin fjögurra ára þurfti hún svo
að fara aftur í aðgerð en þá var upp-
handleggsbeinið skorið í tvennt og
hendinni snúið um fjörutíu gráður
inn á við til að auka líkur á að hún
gæti snert munn. Hún er lömuð að
hluta í handleggnum, en hefur þó
einhverja vöðvaspennu. Hún getur
lítið notað höndina, hún getur ekki
lyft henni upp, enda er höndin orðin
stíf, af því sumir vöðvar eru sofandi
en aðrir ekki. Hún á eftir að fara í
þriðju aðgerðina þegar hún verður
eldri.“
Eftir að Tinna tók ákvörðun á
síðasta ári um að standa með dóttur
sinni á þennan sérstaka hátt, leitaði
hún til húðflúrara sem kallar sig
Oliverthor, eða Óliver Þór Davíðs-
son, og starfar hjá húðflúrstofunni
Appollo Ink.
Hann hélt að ég væri rugluð
„Ég mætti með Ronju með mér
til hans og sýndi honum örið hennar
og sagðist vilja fá alveg eins. Hann
hélt fyrst að ég væri eitthvað rugluð
og hélt jafnvel að ég ætlaði að láta
húðflúra krakkann, en svo fannst
honum þetta falleg og frumleg hug-
mynd. Hann gerði húðflúrið með
hvítu bleki, svo þetta lítur út eins og
alvöru ör. Við Ronja erum báðar
mjög ánægðar með útkomuna og
núna er Ronja hætt að fela örið sitt
og skammast sín ekki lengur fyrir
það,“ segir Tinna og bætir við að
húðflúrið hennar sé ekki alveg full-
klárað, Óliver eigi eftir að fara eina
umferð enn af hvítu til að ná sömu
þykkt og er á öri Ronju.
„Þegar Ronja var yngri kallaði
hún örið „skerið sitt“ og þegar ég
sagði henni fyrst frá hugmyndinni
um að ég ætlaði að fá mér alveg eins
„sker“ og hennar, hélt hún að ég ætl-
aði að taka örið af henni og færa það
yfir á mig. Það er erfitt að telja sex
ára stelpu trú um það í orði að örið
sem henni finnst ljótt sé flott. Ég
varð að sýna henni það í verki,“ segir
Tinna og bætir við að Ronja beri
nafn með rentu.
„Hún er þó nokkuð lík Ronju
nöfnu sinni ræningjadóttur, sögu-
persónu Astridar Lindgren. Við köll-
um hana stundum Ronju ræningja-
dóttur, af því hún er sjálfstæð og
sterk eins og hún. Ronja okkar er
mikill nagli sem sigrast á mótlæti og
fer sínar eigin leiðir. Hún var mjög
hætt komin þegar hún fór í fyrstu að-
gerðina aðeins rúmlega tveggja
mánaða, þá var henni fyrir mistök
gefinn tífaldur skammtur af morfíni
á Barnaspítalanum. Hún reif sig upp
úr því, eins og öllu öðru. Hún er al-
gjör Ronja.“
Mæðgur bera örin sín með stolti
„Hún er algjör Ronja, nagli sem fer sínar eigin leiðir,
sjálfstæð og sterk,“ segir Tinna, móðir Ronju sem ber
stórt ör eftir tvær skurðaðgerðir. Til að standa með
dóttur sinni lét Tinna húðflúra á sig alveg eins ör.
Morgunblaðið/Eggert
Mæðgur Tinna og Ronja eru ánægðar með örin sín sem þær kalla skerin og prýða axlir þeirra og upphandleggi.
Skerið Óliver flúrar á Tinnu og hefur mynd í síma af Ronju til hliðsjónar. Alveg eins Tinna og Ronja með skerin sín tvö.Aðgerð Ronja sofandi eftir seinni aðgerðina, þá fjögurra ára.
12 DAGLEGT LÍF
MORGUNBLAÐIÐ FIMMTUDAGUR 30. APRÍL 2020