Dagblaðið Vísir - DV - 09.10.2020, Blaðsíða 2

COVID-kirkjan og Birgitta Haukdal
E ins og oft hefur komið fram er Svarthöfði vel giftur og barna-
lán hefur leikið við hann.
En eins og barnafólk þekkir
um allan heim geta seinni-
partarnir orðið strembnir. Þó
Svarthöfði myndi hvergi ann-
ars staðar vilja eyða sínum
seinnipörtum, er hann alltaf
feginn þegar þeir taka enda og
börnin skríða úr baði og upp í
rúm. Það er einlæg trú Svart-
höfðahjóna að jöfn þátttaka í
heimilisverkum sé forsenda
jafnrar stöðu á heimilinu og
því tekur Svarthöfði alltaf
þátt í nauðsynlegum hús-
verkum þeim er heimilishaldi
fylgja, nema á mánudögum.
Á mánudögum fer frú Svart-
höfði nefnilega að heiman á
sinn vikulega briddsfund og
gefst Svarthöfða þá vel þegið
rými til þess að njóta seddu
sinnar í sófanum eftir mat og
svæfingaraðgerðir. Til þess
að njóta þessara stunda hafði
Svarthöfði keypt sérstakan
stól með háu baki sem grípur
höfuð hans er hann dottar.
Nýliðinn mánudag nýtti
Svarthöfði einmitt í þetta.
Nautnin var slík að hann hafði
rétt kveikt á fréttatímanum er
augnlokin tóku að þyngjast.
Fréttin sem við blasti fjallaði
um að almenningur væri
síður tilbúinn til þess að leyfa
smitrakningarteymi að kafa
ofan í einkalíf sitt án dómsúr-
skurðar og að svar yfirvalda
við því væri að gera það samt.
Smitrakningarteymið hafði
nefnilega, að sögn forstjóra
Persónuverndar, hvers starf
er einmitt að koma í veg fyrir
svona lagað, „ríkar heimildir“.
Þessar „ríku heimildir“ voru
ekkert útskýrðar nánar, en
hver er Svarthöfði að spyrja
spurninga þegar slík hætta
steðjar að?
Seinna í fréttinni sagði frá
því að búið væri að fresta
fundum Alþingis varanlega
og ríkisstjórn heyrði nú undir
þríeykið. Þórólfur, hinn al-
máttugi, leiðir nú þjóðstjórn,
Guðni var sviptur völdum, ef
einhver voru, en fær áfram að
búa á Bessastöðum og plokka
þar rusl á ríkisjörðum. Fyrsta
verk Þórólfs, sem nú gekk
undir nafninu Þórólfur hinn
almáttugi, var að leggja á út-
göngubann og samkomubann
fært niður í tvo plús börn.
Bókasöfnum var lokað en bók
Þórólfs, „Hugmyndir Þórólfs
hins máttuga um vörn gegn
veiru“, hafði verið prentuð í
364.134 eintökum, ein á kjaft,
og dreift til allra í landinu.
Björn Ingi Hrafnsson, æðsti-
prestur COVID-kirkjunnar,
skrifaði innganginn. Keilusöl-
um var lokað, líkamsræktar-
stöðvum skellt í lás og ísbúðum
breytt í dreifingarmiðstöðvar
andlitsgríma og sótthreinsi-
vökva. Bragðarefurinn með
þristi, jarðarberjum og hvítri
súkkulaðidýfu var ei meir.
Þá voru mannréttindi af-
lögð að ráði forstjóra Persónu-
verndar, enda trompa „víð-
tækar heimildir“ Þórólfs þau
hvort eð er. Þegar breyta átti
þjóðsöngnum í lagið „Ég hlýði
Víði“ sungnu af Birgittu Hauk-
dal, hrökk skelkaður Svart-
höfði upp við hurðarskelli. Frú
Svarthöfði var komin heim og
matardiskarnir enn á borðinu.
Svarthöfða þykir óþægi-
legt þegar raunveruleikinn og
draumaheimur blandast svona
saman, en hristi þá ónotatil-
finningu fljótt af sér og setti
í vél. n
SVART HÖFÐI
Aðalnúmer: 550 5060
Auglýsingar: 550 5070
Ritstjórn: 550 5070
FRÉTTA SKOT
550 5070
abending@dv.is
Margmennisskömm
B
oðum og bönnum fylgja brot og alls
konar bit. Og jafnvel þó að eitthvað sé
ekki bannað getur það verið „illa séð“.
Hornaugað er sjaldnast huggulegt.
Þannig hófst kvöld eitt fyrir nokkrum
vikum.
Ég hitti samstarfskonu mína í einn drykk á róleg-
um stað, snemma kvölds. Kom mér heim á skikkan-
legum tíma, með sprittið í veskinu og frekar bjartsýn
á lífið.
Vaknaði á laugardegi með óttann og kvíðann.
Hvað hafði ég verið að hugsa?
Að umgangast fólk á vínveitingastað á þessu ári?
Ónei. Við værum örugglega báðar sýktar. Hel-
sýktar. Jesús minn, það rýkur örugglega úr mér. Ég
er geislavirk af veiru – og skömm.
Ég krosslagði hendur á bringunni og veltist um í
eftirsjá. Klukkan var ekki orðin sjö og ég búin að
klúðra þessu lífi. Ég reyndi kerfislega að
hugsa um sóttvarnahólfin í fyrirtækinu.
Ef við vín-konurnar værum sýktar
myndum við hægt og rólega sýkja allt
fyrirtækið út frá okkur. Ég myndi
eitra B-hólf og hún A-hólf.
Ég fann svitann spretta fram
á efri vörinni og langaði að biðja
einhvern afsökunar. Hvern? Víði?
Ég braut ekki lög eða reglur. Þórólf?
Ég sprittaði mig. Ölmu? Ég faðm-
aði engan né frussaði. Ó, guð, ég
talaði samt hátt. Æ, nei, ég hef
örugglega frussað smá á ein-
hverjum tímapunkti. Jafnvel
mikið.
Ég velti mér yfir á hina
hliðina. Ég get ekki leyft
þessu að gerast! Þetta er
verkefni – ég er nú með
mastersgráðu í verkefna-
stjórnun. Koma svo –
hugsa þetta í lag.
Ég sýki B-hólf og hún A-
hólf. En þá er C-hólf enn ósýkt!
Guði sé lof. Fréttablaðið getur þá
haldið áfram. Ég er ekki búin að
gera út af við fyrirtækið mitt.
ÓNEI!
Skyndilega. Mjög skyndilega, mundi ég það.
Ég hafði hitt dóttur manns sem starfar í C-hólfinu.
Ég talaði við hana. Ég sýkti hana pottþétt. Hún býr
hjá föður sínum sem er nú fórnarlamb mitt. Elsku
barnið fer heim – sýkir pabba sinn og nú er C-hólfið
orðið sýkt. Ég get ekkert gert annað en að draga upp
fyrir haus. Ég finn strax hvernig andþyngslin gera
vart við sig.
Öll hólf sýkt.
Smitskömmin hellist yfir mig eins og flatt diet-kók
yfir klaka. Taugakerfið víbrar.
Eftir á að hyggja er líklega minna álag á alla ef ég
fæ mér bara rauðvínsglas heima og horfi á Friends
það sem eftir er árs. Dósahláturinn verður að duga í
bili. n
UPPÁHALDS
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Björn Víglundsson RITSTJÓRI: Þorbjörg Marinósdóttir, tobba@dv.is
FRÉTTASTJÓRI: Erla Hlynsdóttir, erlahlyns@dv.is AUGLÝSINGAUMSJÓN: Sigurbjörn Richter,sigurbjorn@dv.is PRENTUN: Torg prentfélag DREIFING: Póstdreifing
DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds.
Öll viðtöl blaðsins eru hljóðrituð. Notkun á efni blaðsins er óheimil án samþykkis. DV, Kalkofnsvegi 2, 101 Reykjavík Sími: 550 7000.
Peace-merki dugar ekki ef gríman er vitlaust sett á eins og
hér. Hún þarf að ná yfir nefið. MYND/TM
Inga Lind Karlsdóttir fram-
leiðandi og fluguveiðimaður
elskar að veiða og skipta þá
flugurnar sköpum.
1 Jock Scott
Nýjasta uppáhaldið mitt er
fluga sem ég hef aldrei átt og
aldrei veitt á. Hún er hins veg-
ar næsta fluga sem ég ætla að
verða mér úti um. Jock Scott
er ekki bara ein frægasta og
vinsælasta fluga síns tíma,
hönnuð á 19. öld, heldur líka
ein sú alfallegasta sem hægt
er að finna. Hver veit nema
hún virki enn í íslenskum ám
sumarið 2021? Það er bara ein
leið til að komast að því.
2 Frances
Bæði svört og rauð og í öllum
stærðum, frá litlum krúttum
með gylltum króki og upp
í túpur sem nauðsynlegt er
að setja undir þegar vatnið
býður ekki upp á neitt minna.
Frances er óumdeilanlega
ekki fallegasta flugan í boxi
nokkurs veiðimanns, en hún
er fáránlega aflasæl, ekki
síst í mínum bókum, og hefur
alltaf verið. Ég veiddi minn
fyrsta lax á svarta Frances
og líka stærsta laxinn minn
í ár.
3 Bleikur Nobbler
Ég er tiltölulega nýfarin að
veiða sjóbirting og er rétt að
komast inn í flugutískuna
á þeim vettvangi. Enn sem
komið er toppar ekkert bleika
nobblerinn sem ég fékk 95 cm
sjóbirting á í fyrra.
4 Hitch
Hitch eru í miklu uppáhaldi
hjá mér. Það er svo gaman
að fylgjast með þeim skauta
yfir hylinn á yfirborðinu og
ég held að fátt toppi tökuna
þegar árásargjarn lax ræðst
á hana.
5 Skáskorinn Skuggi og
Sunray Shadow
Þessar eru líka alltaf til í box-
inu mínu. Truflaðar flugur
og ég er með þá kenningu að
ef laxinn tekur þær ekki þá
er hann annað hvort ekki í
hylnum eða hann mun ekki
taka neitt þann daginn. Svo
verð ég að lauma Frigga inn
í lokin. Ég ætla ekki að ljúga
þó sá gaur, í ýmsum litum, sé
ekki áberandi í boxinu hefur
hann gefið okkur hjónum
fjölmarga fiska, bæði laxa og
sjóbirtinga, og þar með fram-
kallað óumræðilega gleði.
FLUGURNAR
2 EYJAN 9. OKTÓBER 2020 DV