Dagblaðið Vísir - DV - 09.10.2020, Blaðsíða 20

HEITIR OG
HÆFILEIKARÍKIR
á lausu
Einhleypum landsmönnum – og konum,
er tíðrætt um að það sé ekki hlaupið að
því að verða ástfanginn á tímum kóróna­
veirunnar. Allra síst þegar grímuskylda
og snertibann eru við lýði. Það má þó
vissulega nýta ýmis samskipta­
forrit til þess að eiga sam­
skipti og mynda tilfinn­
ingatengsl – jafnvel með
heitum ástarbréfum líkt
og forðum daga.
JÓNSI
Jón Þór Birgisson, betur þekktur sem Jónsi í Sigur
Rós, er söngvari og gítarleikari í hljómsveitinni Sigur
Rós. Jónsi skildi við sambýlismann sinn, Alex Kendall
Somer, fyrr á árinu. Jónsi er hæfileikabúnt með meiru,
hannar ilm fyrir fyrirtækið Fischer sem systur hans eiga
og elskar hommateknó, að eigin sögn. Jónsi er búinn að fá
COVID-19 en hann missti lyktarskynið um tíma, sem er afar
óheppilegt fyrir ilmhönnuð. Jónsi gaf út nýja sólóplötu fyrir
skemmstu sem kallast Shiver og tók 10 ár í vinnslu. Platan er stór-
kostleg – eins og hann sjálfur.
JÓEL SÆMUNDSSON
Leikarinn Jóel Sæmundsson þykir sameina kyn-
tákn og góða gæjann í eina ómótstæðilega blöndu
að sögn vina. Jóel heimsækir heimili landsins öll
sunnudagskvöld sem læknirinn í Ráðherranum, sjón-
varpsþætti á RÚV. Þar er hann iðulega í eldhúsinu og
þykir passa þar vel inn. Hann er hins vegar lítið fyrir
að brjóta saman þvott í hinu raunverulega lífi, elskar
körfubolta og er frá Raufarhöfn.
SIGURÐUR HELGI PÁLMARSSON
Sigurður Helgi er sjónvarpsstjarna á RÚV þar sem hann stýrir þáttunum
Fyrir alla muni ásamt Viktoríu Hermannsdóttur auk þess er hann safnstjóri
myntsafns Seðlabankans. Hann er því vafalaust veikur fyrir gömlum hlutum
og kann að meta hluti með sögu. Siggi eins og hann er kallaður er sonur
tónlistarhetjunnar Pálma Gunnarssonar og söng- og myndlistarkonunnar
Þuríðar Sigurðardóttur svo hæfileikarnir drjúpa vafalaust af honum Sigga
sem þykir toppgaur.
GUÐMUNDUR INGI GUÐBRANDSSON
Guðmundur Ingi er umhverfisráðherra og er fyrsti samkynhneigði karlráðherra þjóðarinnar. Guðmundur Ingi er
með BSc.-próf í líffræði frá Háskóla Íslands og mastersgráðu í umhverfisfræðum frá Yale-háskóla í Bandaríkjunum.
Guðmundur er kallaður Mummi, þykir einstaklega sjarmerandi og er með hússtjórnarpróf frá Hússtjórnarskólanum í
Reykjavík, svo það er uppáskrifað að hann er húsvanur og þykir jafnvel líklegur til afreka í eldhúsinu, en matreiðsla,
móttaka gesta og borðsiðir eru meðal þess sem kennt er í skólanum.
MYND/FACEBOOK
MYND/IMDB
MYND/ANTON BRINK
M
Y
N
D
/S
T
E
FÁ
N
20 FÓKUS 9. OKTÓBER 2020 DV