Dagblaðið Vísir - DV - 09.10.2020, Blaðsíða 24

24 FÓKUS 9. OKTÓBER 2020 DV
GRÍMUKLÆDD FJÖLSKYLDA Á TRÉÐ
COVID-fjölskylda með grímur til að hengja á tré, virð-
ist seljast vel á amazon.com. Skrautið kostar frá 12
dollurum, en hægt er að fá með þremur eða fjórum
fjölskyldumeðlimum. Pláss er á klósettpappírsrenn-
ingnum til að skrifa nöfn fjölskyldumeðlima undir hvern
og einn.
Verð: Frá 11.99 $ Seljandi: Amazon.com
TREYSTUM FAUCI
Læknirinn Anthony Fauci, sem leiðir sóttvarnateymi Hvíta hússins, hefur
ítrekað varað Bandaríkjastjórn og forsetann við COVID-19 sjúkdómnum
og talað um að herða þurfi sóttvarnareglur þar í landi, en Bandaríkin hafa
farið afar illa út úr faraldrinum. Á læknasloppnum stendur: Við treystum á
Fauci. Einnig fæst læknirinn vinsæli úr mjúku efni á shoplightspeed.com og
líkist hann þá lítilli dúkku. Nú er bara spurning: Hver hendir sér í að sauma
þríeykið fyrir jólin?
Verð: 19.99 $ Seljandi: callisterschristmas.com
LÆKNIR OG HJÚKKA
Þetta skraut er falleg gjöf handa læknum og hjúkrunarfræðingum á jóla-
gjafalistann, en það er reyndar óþolandi að aðeins sé hægt að fá lækninn
karlkyns og hjúkkuna kvenkyns. Engu að síður falleg skilaboð: „Við mættum
í vinnuna fyrir þig, og þú varst heima fyrir okkur.“
Verð: Frá 60 $ Seljandi: Amazon.com
SPRITTBRÚSINN GÓÐI
Það eru ófáir sem hafa hamstrað
spritt síðustu mánuði og vilja lík-
lega ekki eyða meiri peningum
í að kaupa glersprittbrúsa til að
skreyta jólatréð með. Eða hvað?
Jólasprittbrúsinn mokselst og er
uppseldur í bili.
Verð: 19.99 $
Seljandi: callisterschristmas.com
GRÍMUSVEINNINN
Mynd af þessu jólaskrauti hefur
farið sem eldur í sinu og skrautið
er nú víða uppselt. Brothætt eins
og lífið sjálft, en fallegt á köflum
og minning um erfiða tíma. Í um-
sögn um skrautið er tekið fram að
þó það sjáist ekki sé jólasveinninn
brosandi.
Verð: 21.99 $
Seljandi: callisterschristmas.com
COVID-JÓLASKRAUT MOKSELST
Húmorinn lengir lífið, sagði einhver og hló. Grín sem viðkemur veirunni skæðu er mis-
vinsælt en jólaskraut sem byggir á ástandi heimsins virðist þó ætla að slá í gegn.
F jöldi fólks er nú farinn að kaupa sér jólatrés-skraut, hvers hönnuðir
hæðast að ýmsum aðstæðum
sem hafa skapast í kringum
kórónaveirufaraldurinn. Svo
sem mikla sölu og söfnun
heimsbyggðarinnar á klósett-
pappír. Margir virtust hræð-
ast það einna mest að enginn
klósettpappír yrði fáanlegur.
Grímuklæddir jólasveinar eru
einnig að gera það gott, sem
og hugljúfar kveðjur til heil-
brigðisstarfsfólks.n
Þorbjörg
Marinósdóttir
tobba@dv.is
FJARFUNDARKONAN
Heimavinnan er vinsælt efni í jólaskrauti í ár, en á
síðunni personalizedornamentsforyou.com er hægt
að velja úr alls kyns einangrunar/sóttkvíar/COVID/kló-
settpappírsjólaskrauti. Einnig er hægt að bæta grímu
við alls kyns hefðbundnar fígúrur. Þarna má vissulega
eyða tíma og fjármunum, sé fólk blúsað í sóttkví.
Verð: Frá 15 $
Seljandi: personalizedornamentsforyou.com