Fréttablaðið - 10.10.2020, Síða 74

ÞANNIG AÐ MÉR
FINNST GEGGJAÐ AÐ
HAFA BARA ÞÁTTINN Í GANGI Í
SJÓNVARPINU OG SVO ER ÉG
BARA Á TWITTER OG FACEBOOK
AÐ FYLGJAST MEÐ HVERJU
FÓLK ER AÐ TAKA EFTIR OG
HVAÐ ÞAÐ ER AÐ SEGJA, GOTT
EÐA SLÆMT.
Mér finnst mjög sérstakt að vera að f r u msý na tvær seríur á sama tíma og þetta fellur mjög
sjaldan svona þar sem það tekur oft
svo mikinn tíma að þróa eitt svona
verkefni og koma því alla leið,“ segir
Arnór Pálmi Arnarson sem er með
tvö heit járn í sjónvarpseldinum,
sem leikstjóri Ráðherrans annars
vegar og Eurogarðsins hins vegar.
Arnór bendir á að hann hafi verið
búinn með Ráðherrann, sem hann
leikstýrði ásamt Nönnu Kristínu
Magnúsdóttur, áður en Eurogarð-
urinn kom upp, en tökum á þeim
þáttum lauk í júní. „Það er bara
mjög gaman að þetta skuli hittast
svona á og svo er líka bara eitthvað
við það að vera að leggja mín lóð á
vogarskálarnar til þess að fólk geti
dreift huganum í þessu ömurlega
ástandi sem er í gangi,“ segir leik-
stjórinn, sem ók blint í Eurogarðinn
þegar hann var í leit að sjálfum sér.
Ráðherramanía í húsbíl
„Ég keypti mér húsbíl þegar ég var
nýbúinn að skjóta Ráðherrann. Af
hverju var ég að kaupa mér hús-
bíl? Það er fáránlegt,“ segir Arnór
sem velti fyrir sér hvort hann væri
í maníu. Kannski dálítið eins og
forsætisráðherrann Benedikt, sem
þjáist í þáttunum af geðhvörfum.
„Ég ákvað bara að daginn sem við
kláruðum myndi ég bara keyra í
mánuð um Ísland. Heimsækja fólk út
um allt land og fara bara í einhverja
svona skrítna ferð að finna mig, sem
ég fann náttúrlega alls ekki.“
Hann minnist þess að hann hafi
í þeirri ferð verið að dæla bensíni
á bílinn þegar kallið úr Eurogarð-
inum kom. Símtal, þar sem hann
var beðinn um að setja saman hóp
og gera leikna gamanþáttaröð sem
yrði tilbúin haustið 2020.
„Spurningin var þá bara, hvað
ætlum við að gera? Mér fannst
það bara fínt að eggið kom langt á
undan hænunni og þegar við byrj-
uðum vorum við ekki með neitt. Ég
var ekki með neina konkret hug-
mynd. Ég fór bara í svörtu bókina
mína og hvað ég hef verið að pæla
svona í gegnum tíðina,“ segir Arnór
sem vissi bara að hann væri að fara
að setja saman hóp og að hann
langaði „að gera seríu sem gæti
gerst einhvers staðar þar sem við
gætum tekið inn hvern sem er úr
þjóðfélaginu, hvers konar karaktera
eða fígúrur sem við vildum. Það var
svona útgangspunkturinn.“
Garður allra tegunda
Arnór segir að í leitinni að sögusviði
sem hentaði öllum hugsanlegum
persónum hafi Húsdýragarðurinn
f ljótlega komið til tals. „Af því að
það þekkja hann allir og við höfum
öll farið þangað. Það hafa allir verið
þarna og það hentaði okkur rosa-
lega vel í skrifunum. Þannig að það
var ákveðið og svo setti ég saman
þennan hóp og það var fínt bara
og svo fórum við í karaktervinnu,“
segir Arnór, um þau Audda Blö,
Steinda, Önnu Svövu og Dóra DNA,
sem öll leika í þáttunum auk þess að
skrifa með honum handritið.
„Við byrjuðum með svo rosa-
lega tóman striga. Það var mjög
skemmtilegt og svo bara skrifaði
þetta sig sjálft þegar við vorum
komin með karakterana og ein-
Trúnó á gólfi í forsætisráðuneytisins
Leikstjórinn Arnór Pálmi Arnarson er með tvær ólíkar sjónvarpsþáttaraðir í gangi, Ráðherrann á RÚV og Euro-
garðinn á Stöð 2, og nýtur þess að skoða hvernig þeir leggjast í áhorfendur í rauntíma á Twitter og Facebook.
Jón Gnarr og Arnór Pálmi við tökur á Eurogarðinum í Húsdýragarðinum.
Leikstjórinn á hælum Ólafs Darra í hlutverki forsætisráðherrans Benedikts.Arnór Pálmi var úti á landi þegar Eurogarðurinn kallaði. MYNDIR/LILJA JÓNS
hvern svona smá boga,“ segir Arnór
og talar um „fjölskyldufílíng í fal-
legum garði“, þegar hann lýsir
áköfum en sérlega skemmtilegum
tökudögum í Laugardalnum.
Glassriver framleiddi Eurogarð-
inn fyrir Stöð 2 og þótt þátturinn sé
kominn í loftið er Arnór enn með
í það minnsta annan fótinn inni á
gafli hjá framleiðslufyrirtækinu og
ýmsar pælingar í gangi.
„Ég er svo bara kominn í að þróa
næstu verkefni og það er svona alla-
vegana og fólk er byrjað að pæla
í hvað ætli þessir vitleysingar í
þessum Húsdýragarði myndu gera
næst,“ segir Arnór og bætir við að
það sé síður en svo útilokað að eitt-
hvað f leira muni koma frá Euro-
garðsgenginu.
Drama og kómedía með hjarta
„Ráðherrann er þessi dramatíska,
stóra sería á meðan Eurogarðurinn
er kómedía en samt með miklu
hjarta. Þarna eru sambönd fólks og
það eru sögur og drama þarna undir
niðri, en þetta er svo allt öðruvísi og
svo ólík verkefni,“ segir leikstjórinn
sem þarf stundum að svara því um
hvort verkefnið honum þyki vænna.
„Það er erfitt en þykir manni ekki
alltaf vænst um yngsta barnið sitt?“
Leikstjórinn hefur þurft að svara
fleiri spurningum undanfarið. „Fólk
hefur spurt mig hvort Ráðherrann sé
gamansería. Ég skil það ekki, vegna
þess að ég horfi bara á þetta sem
dramatíska harmsögu af veikum
manni í ómögulegri valdastöðu,
sem er að fatta það á eftir fólkinu í
kringum sig að hann sé veikur.“
Notalega fastir liðir
Streymisveitur með alla sína
ofgnótt sjónvarpsefnis með til-
heyrandi hámglápi hafa gjörbreytt
neysluhegðun sjónvarpsaðdáenda,
en Arnór kann því notalega vel að
fólk verði að gjöra svo vel að bíða í
viku á milli þátta í bæði Ráðherr-
anum og Eurogarðinum.
„Línuleg dagskrá er bara svo kósí
og íslenskt fyrirbæri,“ segir Arnór
og bendir á að með þessum föstu og
fornu skorðum verði áhorf á þætti
sem þessa einhvern veginn miklu
meira sameiginleg upplifun. „Allir
að tala um þáttinn daginn eftir á
internetinu og eitthvað.“
Þá skemmtir Arnór sér jafnframt
konunglega við að fylgjast með
umræðum og gagnrýni á þættina
í rauntíma á Twitter og Facebook,
á meðan þeir eru í útsendingu á
sunnudagskvöldum.
Tekur mark á góðu sem slæmu
„Ég les þetta allt saman. Ég alveg
dýrka það vegna þess að maður
hugsar svo oft út í að fólk sem er í
sviðslistum, tónlistarmenn eða leik-
arar, fá einhver tafarlaus viðbrögð,
sem er eitthvað sem maður fær svo
sjaldan. Þannig að mér finnst geggj-
að að hafa bara þáttinn í gangi í sjón-
varpinu og svo er ég bara á Twitter
og Facebook að fylgjast með hverju
fólk er að taka eftir og hvað það er að
segja, gott eða slæmt.“
Arnór bætir við að hann hafi ekki
síður gaman af því þegar hann sér
að áhorfendur sjá hlutina einhvern
veginn allt öðruvísi en höfundarnir
sáu þá fyrir sér. „Mér finnst það svo
geggjað,“ segir Arnór, alveg ósmeyk-
ur við hinn, á stundum, mjög svo
óvægna öskurkór virkra á sam-
félagsmiðlum.
„Þegar ég gerði mitt fyrsta skaup
var fólk búið að segja mér að fara
ekki á miðlana. Slökkva bara á öllu
vegna þess að þetta væri komið úr
mínum höndum, en ég alveg dýrka
þetta og ég virði neikvæða gagn-
rýni og viðbrögð alveg jafn mikið og
jákvæð. Mér finnst alveg jafn gaman
að lesa það,“ segir Arnór og bætir við
að vitaskuld vonist hann alltaf til
þess að áhorfendur séu sáttir.
Þverpólitískur velvilji
Fjórði þáttur Ráðherrans af átta
verður sýndur á sunnudaginn
þannig að lokatölur verða ekki
teknar saman í bili, en hins vegar
er nokkuð ljóst að þættirnir fengu
strax í upphafi nokkuð þverpólit-
ískan stuðning úr pólitíkinni sem
þeir hverfast um.
„Við fundum fyrir svo miklum
velvilja frá öllum flokkum og starfs-
fólki við undirbúning á Ráðherr-
anum,“ segir Arnór og bendir á að
þau hafi fengið að taka talsvert upp
á göngum þinghússins en slíkt þyki
síður en svo sjálfsagt.
„Það var eðlilega ekki hægt að
skjóta í forsætisráðuneytinu, inni í
stjórnarráðshúsinu, en við fengum
að fara og skoða það. Svo fór ráðu-
neytisstýran með okkur, bara bank-
aði, inn til Katrínar og þar var hún í
símanum,“ segir Arnór og lýsir því
hvernig Katrín Jakobsdóttir hafi
þá kvatt Bjarna, væntanlega Bene-
diktsson, með þeim orðum að hún
þyrfti að fá að hringja í hann á eftir
vegna þess að hún var að fá gesti.
Sófalaus forsætisráðherra
„Við sátum svo bara með henni og
spurðum hana út í hitt og þetta.
Ekki um pólitík heldur bara út í
daglegt líf hennar. Bara þetta hvers-
dagslega. Hvað gerirðu hérna? Hvar
gengurðu inn og hvernig er bílstjór-
inn þinn? Eruð þið vinir? og allt
þetta sem mér fannst mikilvægt að
reyna að ná,“ segir Arnór, sem einn-
ig spurði Katrínu hvort hún legði sig
einhvern tímann í ráðuneytinu.
Svarið við þeirri spurningu var
nokkuð óvænt, þar sem Katrín svar-
aði neitandi en upplýsti síðan að hún
hefði lagt sig á gólfinu í tíu mínútur
um daginn. „Hún sagðist bara hafa
verið svolítið þreytt eitthvað og sagð-
ist alveg vera til í að hafa sófa þarna
og spurði svo ráðuneytisstýruna
hvort hún gæti fengið sófa.“
Hvort sú varð raunin fylgir ekki
sögunni, en Arnór heyrði þó að
Bryndís Hlöðversdóttir tók vel í
þessa ósk Katrínar.
Arnór segir aðspurður að í svona
tilfellum muni um auðveldan
íslenskan aðgang að fólki í æðstu
stöðum. „Já, ímyndaðu þér. Heldurðu
að House of Cards hafi bara einhvern
veginn farið og hitt Obama og bara
„hey!“ Mér fannst það rosa heimilis-
legt að Katrín tók bara á móti okkur
eins og ekkert væri sjálfsagðara.“
toti@frettabladid.is
1 0 . O K T Ó B E R 2 0 2 0 L A U G A R D A G U R42 L Í F I Ð ∙ F R É T T A B L A Ð I Ð
LÍFIÐ