Dagblaðið Vísir - DV - 16.10.2020, Side 2

Það ber sig enginn vel
H elgi Björns hafði rangt fyrir sér. Það bera sig ekki allir vel
þessa dagana. Hvort sem það
eru Ingjalds fíflin sem fara
ekki eftir sóttvarnareglum,
þeir sem eru orðnir þreyttir
á þessu öllu saman, þeir
sem eru að fara í sína þriðju
sóttkví og jafnvel þríeykið er
farið að láta að sjá.
Svarthöfði sjálfur er orð-
inn hundleiður á upplýsinga-
óreiðunni og taugaveikluninni
sem henni fylgir. Sjálfur ber
hann alltaf grímu, og gerði
löngu áður en COVID-19 skall
á. Svarthöfði kærir sig jafn-
framt lítið um að vera í ná-
vígi við ókunnuga sem bera
ekki grímu. Þess vegna kætt-
ist Svarthöfði nokkuð þegar
einhvers konar grímuskyldu
átti að koma á í verslunum.
Bros Svarthöfða var þó fljótt
að breytast í grettu. Skilaboð
Þórólfs voru þessi: „Skylt að
bera andlitsgrímur ef ekki er
hægt að tryggja a.m.k. 2 metra
á milli einstaklinga sem ekki
eru í nánum tengslum.“
Hvað í fjandanum þýðir það?
Grímuskylda í Melabúðinni en
ekki í Krónunni á Granda?
Grímuskylda í Bónus á Smára-
torgi en ekki Bónus á Nýbýla-
vegi? Svo eru Íslendingar allt
of miklar brussur til að geta
fyllilega tryggt tvo metra.
Allir eru voða duglegir og
prúðir í biðröðunum, en inni í
verslunum gilda lögmál frum-
skógarins. Fólk gerir hluti eins
og að troðast fram fyrir hvert
annað í mjólkurkælinum til
að ná örugglega síðustu hrís-
mjólkinni með sultu. Eða velur
sér þrengsta ganginn í búðinni
til að stoppa með risakörfu og
tala við Stínu frænku sem þeir
hafa ekki hitt í sex mánuði,
líklega vegna þess að Stína er
leiðinleg en íslenska kurteisin
krefst þess að menn stoppi í 5-7
mínútur og tali um nákvæm-
lega ekki fokking neitt.
Á meðan þarf fólk að fara
allan hringinn til að komast að
matnum sem það vantar, eða
teygja sig yfir Stínu og félaga,
eða ganga þétt upp að þeim
og hvæsa AFSAKKIÐÐÐ!?
Við allt þetta þarf að brjóta 2
metra regluna. Stína frænka
má bara fara til fjandans, það
er alveg hægt að senda henni
skilaboð á Facebook. Og ef
allir væru með grímu þá hefði
maður líklega ekki þekkt Stínu
frænku og hún ekki þekkt þig.
Svona óskýr fyrirmæli skapa
bara stress og leiðindi. Hinir
hræddu og kvíðnu sem bera
grímuna líkt og um helgiathöfn
sé að ræða ættu að geta treyst
því að komast í verslun án þess
að mæta grímulausu fólki sem
getur ekki virt tvo metra nema
bara rétt í biðröðinni.
Tveggja metra reglan gildir
alls staðar í verslunum. Og það
þýðir heldur ekkert að passa
tvo metra í biðröð bara til að
vera svo hrúgað saman með
mörgum viðskiptavinum til að
koma vörunum í pokann.
Það er bara greinilega svo
að Íslendingar eru eins og
lítil þrjósk börn. Eitt sinn bað
Svarthöfði afkvæmi um að
gæta þess að brjóta ekki múm-
ínbollann hennar mömmu.
Stuttu síðar heyrðist brothljóð
úr eldhúsinu. Afkvæmið rölti
svo bara rólega fram, virtist
hvorki skömmustulegt né nið-
urdregið. „Þetta er allt í lagi,
pabbi. Ég braut bara venju-
legan bolla.“ Afkvæmið þurfti
skýrari reglur. Íslendingar
þurfa það líka. n
SVART HÖFÐI
Aðalnúmer: 550 5060
Auglýsingar: 550 5070
Ritstjórn: 550 5070
FRÉTTA SKOT
550 5070
abending@dv.is
Að standa í lappirnar
Þ
egar ég var ólétt að mínu fyrsta barni
gaf góð vinkona mín mér ráð sem hefur
fylgt mér síðan og ég ósjaldan gripið
til. „Nú þarft þú að vera hörð og taka
ákvarðanir fyrir barnið þitt af því að
það getur það ekki sjálft.“ Við höfðum
verið að ræða tilhneigingu fólks til að vaða ofan í
vagna með nokkurra vikna gömlum börnum til að
kjassa þau. Ónæmiskerfi mjög ungra barna er veikt
og því mælast heilbrigðisyfirvöld til þess að fáir um-
gangist það til að byrja með og fólk spritti eða þvoi á
sér hendurnar þegar það sinnir barninu.
Vinkonan minnti mig á þetta samtal fyrir
skemmstu. Hún sagði að sér liði á vissan hátt eins og
hún væri aftur með kornabarn með veikt ónæmis-
kerfi. Það sé mikilvægt að setja sín mörk sjálfur
og ekkert nema sjálfsagt að aðrir virði þau. Sama
hvað viðkomandi finnst um sóttvarnareglur þá er
lágmarkskurteisi að virða óskir annarra.
Eins sýnir fjöldi smitaðra barna og barna
í sóttkví að börn geti vissulega líka
smitast af veirudjöflinum og lítið er
vitað um eftirmál sjúkdómsins þó að
þeir sem smitast verði ekki mikið
veikir.
„Þú veist ekki hvaða aðstæðum
aðrir eru í. Hvort eða hvaða undir-
liggjandi sjúkdómar eru hjá heim-
ilisfólkinu eða hvort fólk er bara
hrætt og kvíðið,“ sagði vinkonan
og vísaði til þess að hún hafði
nokkrum sinnum fengið
leiðinlegt viðmót þegar hún
lagði höndina yfir brjóstið
til þess að heilsa í stað þess
að faðma fólk eins og hún
gerir venjulega.
Hún hafði átt afmæli
fyrir nokkrum dögum og
þurfti ítrekaðað víkja sér
undan faðmlögum. Það
er vissulega ekki notalegt
að forðast faðmlag sem venju-
lega er kærkomið. Fólk bregst
mismunandi við. Sumir hlæja og
rétt fram olbogann og muldra
„úps“ eða „gleymdi mér“ á
meðan aðrir verða reiðir „láttu ekki svona“ eða „það
má bara ekki lifa lengur“.
Jú, það má nefnilega alveg lifa – og það eftir eigin
höfði. Það er fallegt að bera virðingu fyrir fólki og
aðstæðum þess. Að virða tveggja metra regluna er
lágmarkskurteisi og grímunotkun líka. Önnur vin-
kona mín fékk COVID-19 fyrir rúmlega 6 mánuðum
og er enn að eiga við eftirköstin. Hún setur þó á sig
grímu ef hún fer inn í verslanir.
„Af hverju gerir þú það?“ spurði ég.
„Mér finnst það kurteisi. Fólkið í kringum mig í
búðinni veit ekkert að ég er með mótefni og það er
sjálfsögð kurteisi að valda fólki ekki vanlíðan og
kvíða ef ég get sleppt því.“
Og þarna er það komið gott fólk – Bingó í sal!
„Sjálfsögð kurteisi.“ n
UPPÁHALDS
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Björn Víglundsson RITSTJÓRI: Þorbjörg Marinósdóttir, tobba@dv.is
FRÉTTASTJÓRI: Erla Hlynsdóttir, erlahlyns@dv.is AUGLÝSINGAUMSJÓN: Sigurbjörn Richter,sigurbjorn@dv.is PRENTUN: Torg prentfélag DREIFING: Póstdreifing
DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds.
Öll viðtöl blaðsins eru hljóðrituð. Notkun á efni blaðsins er óheimil án samþykkis. DV, Kalkofnsvegi 2, 101 Reykjavík Sími: 550 7000.
Fallegar grímur fást víða. MYND/HILDURYEOMAN.COM
Lilja Björk Ketilsdóttir
þjálfari í Hreyfingu og vöru-
merkjastjóri hjá Icepharma
segist alltaf eiga þessa hluti í
ísskápnum.
1 Smjör
Hreinlega af því að það er
svo gott, ég borða mikið
smjör og mætti segja að ég
fái mér brauð eða hrökkkex
með smjörinu.
2 Ostur
Af því að ostur gerir svo
margt svo miklu betra. Á
mínu heimili er osturinn
algjörlega ómissandi hvort
sem það er ostur á brauðið,
pitsuna, í sósuna eða réttinn.
Ostur gerir matinn hreinlega
betri.
3 Egg
Þegar þú átt egg er alltaf til
eitthvað að borða, egg á ótal
vegu geta búið til alls konar
máltíðir og svo er alltaf hægt
að baka eitthvað gott þegar
maður á egg.
4 Alls konar sósur
Af því ég er algjör sósukona
og sósur af öllum gerðum
gera allan mat betri.
5 Möndlumjólk
Mér finnst Isola-mjólkin
í bleiku fernunum best.
Smooth ie-gerð er mjög
vinsæl á okkar stóra heimili
og þessi því nauðsynleg í
ísskápnum. Svo er hún svo
agalega góð í kaffið!
Góðgerlar
Að lokum ekki matur en samt
nauðsynlegt! Góðgerlar. Til
að halda öllu í jafnvægi og
líða vel. Ég tek Womens pro-
biotic frá Now og mæli með
þeim.
Í ÍSSKÁPNUM
2 EYJAN 16. OKTÓBER 2020 DV