Fréttablaðið - 02.12.2020, Blaðsíða 11

„Þetta er ljómandi læsileg bók, ekki síst vegna þess
að höfundar hafa traustatök á íslensku máli og
beita því fjörlega við flóknar útskýringar.“
S Ö L V I S V E I N S S O N / M O R G U N B L A Ð I Ð
Stórfróðlegt rit eftir feðgana Kristján
Leósson og Leó Kristjánsson um íslenska
kristalinn sem breytti heiminum og varð
lykillinn að ráðgátum vísindamanna.
Bókabúð Forlagsins | Fiskislóð 39 | Opið 10–19 alla daga til jóla | www.forlagid.is
LANDSINS MESTA ÚRVAL BÓKA
Í gær var fjárhagsáætlun fyrir 2021 kynnt í borgarstjórn sem og græna planið, viðspyrnu-
áætlun borgarinnar vegna COVID-
19. Það er engum ofsögum sagt að
fjárhagsáætlunin er mjög Pírataleg
og ég er stolt af því að vera hluti af
meirihluta sem hefur þrek og þor í
að bregðast við krefjandi aðstæðum
af festu. Viðspyrnan vegna COVID
tekur ekki bara á fjárhagslegum
kröggum heldur einnig umhverfis-
legum og samfélagslegum. Við
ætlum að fjárfesta í fólki, ekki bara
malbiki og steypu.
Nútímavæðing þjónustu mun
gerast á tveimur til þremur árum í
stað tíu, það er gert með því að setja
í það tíu milljarða í stað þriggja.
Allri þjónustu og stjórnsýslu
verður umturnað þannig að þarfir
íbúar verði í forgrunni, ekki þarfir
og þvermóðska kerfisins. Minnka
sk r if f innsk u , minnk a vesen,
minnka tímaeyðslu, minnka sóun
og minnka mengun.
Við ætlum að auðvelda innritun í
leikskóla með betra yfirliti yfir laus
pláss og einfalda framkvæmdir með
nýrri skipulags- og byggingargátt.
Með Gagnsjá Reykjavíkur og
nýrri styrkjagátt munum við
stórauka gagnsæi í öllu stjórnkerfi
borgarinnar. Með fjárfestingu í
gagnainnviðum eykst aðgengi að
gögnum sem mun styðja við gagna-
drifna og upplýsta ákvarðanatöku.
Við ætlum einnig að efla lýðræðið
með nýrri lýðræðisgátt svo þú getir
auðveldlega komið þínum athuga-
semdum á framfæri.
Með tölvuátaki á öllum skóla-
stigum fyrir rúmlega 700 milljónir
á þremur árum munum við tryggja
að öll njóti góðs af tækniframförum
og tækifærunum sem þeim fylgja.
Auk þess að hlúa að velferð íbúa
hlúum við að velferð dýranna sem
er metnaðarmál hjá okkur Pírötum.
Með stækkun selalaugarinnar í
Fjölskyldu- og húsdýragarðinum
munum við búa betur að selunum
og þróa garðinn áfram sem friðsælt
athvarf dýra.
Ný dýraþjónusta Reykjavíkur
sem sameinar alla þjónustu við
gæludýr borgarinnar í Fjölskyldu-
og húsdýragarðinum. Dýr og menn
eiga nefnilega að geta lifað í sátt og
samlyndi, í enn þá betri borg.
Borgin nútímavædd á þreföldum hraða
Dóra Björt Guð-
jónsdóttir
oddviti Pírata
í Reykjavík
og formaður
mannréttinda-,
nýsköpunar- og
lýðræðisráðs
Við erum að týna börnum og unglingum í kórónuveiru-faraldrinum. Öðruvísi er
ekki hægt að skilja viðvörunar-
raddir sem heyrast víða innan úr
kerfinu. Alvarlegast er ástandið
á Suðurnesjum. Þar hefur enda
höggið vegna atvinnumissis verið
þyngst, einfaldlega vegna þess hve
mikið vægi ferðaþjónustan hefur í
atvinnu svæðisins. Á stjórnvöldum
hvílir sú ábyrgð að koma til móts
við íbúa Suðurnesja eins og hægt er
á þessum gríðarlega erfiðu tímum.
Áherslan hefur verið á mótvæg-
isaðgerðir vegna atvinnumissis.
En það brenna eldar víðar. Börn og
unglingar hafa eins og aðrir upp-
lifað það hvaða áhrif sóttvarnaað-
gerðir geta haft á líðan og tengsl.
Þá hefur verið ljóst frá upphafi
að kórónuveirufaraldurinn hefur
ýmis neikvæð áhrif á velferð barna
og unglinga, en það er ekki hægt að
lýsa þeim upplýsingum sem koma
fram í samtölum við Velferðarvakt
stjórnvalda og félagsmálayfirvöld
og lögreglu á Suðurnesjum öðruvísi
en sem reiðarslagi.
Í lok október voru tilkynningar
til Barnaverndar orðnar jafn-
margar og allt árið 2019. Nýjum
barnaverndarmálum hefur fjölgað
töluvert og f leiri börn vistuð utan
heimila. Of beldi inni á heimilum
hefur aukist, ekki síst gagnvart
börnum. Fleiri börn og unglingar
sýna merki um vanrækslu og van-
líðan. Þá hefur fjölgað beiðnum
foreldra eftir stuðningi við skóla-
máltíðir og frístundaúrræði. Það
segir okkur sorglega sögu af þung-
bærum aðstæðum f jölskyldna,
þegar óvissa er um næstu máltíð
barnanna. Dæmin eru f leiri. Því
miður.
Álagið á starfsfólk félagsþjónust-
unnar á Suðurnesjum er gríðarlegt
og ekki hjálpar til að innviðir á
svæðinu hafa ekki vaxið nægilega
hratt til að halda í við íbúafjölgun.
Þar líkt og annars staðar eru gráu
svæðin einfaldlega of mörg, svæðin
þar sem börnin eiga á hættu að
detta niður á milli kerfa. Það er því
mjög jákvætt að félags- og barna-
málaráðherra kynnti í vikunni
svokallað farsældarfrumvarp sem
unnið hefur verið að síðustu ár í
samvinnu fjölmargra aðila. Með
því er ætlunin að samþætta öll
kerfi sem styðja við börn og fjöl-
skyldur barna sem verða fyrir áföll-
um og reyna þannig að tryggja að
börnin falli ekki á milli kerfa. Það
er óskandi að stjórnvöld tryggi að
verkefnið fái nauðsynlega fjármuni
til skemmri tíma og lengri.
Núna þurfum við hins vegar að
beina stuðningi þangað sem þörf-
in er mest. Það er á ábyrgð okkar
allra.
Börn fyrir
borð
Hanna Katrín
Friðriksson
þingflokks-
formaður
Viðreisnar
S K O Ð U N ∙ F R É T T A B L A Ð I Ð 11M I Ð V I K U D A G U R 2 . D E S E M B E R 2 0 2 0