Sjómannadagsblaðið - 05.06.2015, Blaðsíða 9
16 SJÓMANNADAGSBLAÐIÐ 5. júní 2015 175. júní 2015 SJÓMANNADAGSBLAÐIÐ
Hann segir það landlægt viðhorf
í íslensku samfélagi að menntun
sé fólgin í bóknámi og enginn nái
árangri í lífinu nema vera með
háskólapróf. „Þetta er ekki bara
rangt viðhorf heldur vinnur það
gegn samfélaginu sem sannarlega
þarf á verk- og tæknimenntuðu
fólki að halda. Þetta viðhorf er það
sterkt að oft eru krakkar, sem hafa
mikinn áhuga á iðnnámi, hvattir til
þess af foreldrum sínum að „ganga
frekar menntaveginn“ og leggja
stund á bóknám og fara síðan í
háskóla.“
Verknám er flókið
Hjálmar segir það ekki góða þróun
„þegar fólk í stjórnunarstöðum
í iðnnámsskólunum sé fyrst og
fremst skólafólk sem lagt hefur
áherslu á bóknám, stjórnendur sem
hvorki búa að iðnnámi né reynslu
af verknámi. Þetta getur unnið
gegn eðlilegri þróun skólanna.
Verknám er flókið og það getur
verið erfitt að fá skólastjórnendur,
sem lítið þekkja til verknáms, til
að skilja þörfina á nauðsynlegum
tækjakaupum.
Viðkvæðið er gjarnan að tækja-
kaup séu kostnaðarsöm og skól-
arnir verði að forgangsraða og nýta
hverja krónu sem best. Þetta er rétt
hvað kostnaðinn varðar. Iðnnám
er dýrara en bóknám en það skilar
meiri verðmætum til samfélagsins.
Borgarholtsskóli er 15 ára gam-
all. Á þessum árum hefur ekkert
verið keypt inn fyrir aflvéladeild-
ina, svo dæmi sé tekið. Upphaflega
voru fluttar í skólann gamlar vélar
úr Iðnskólanum. Auðvitað hefur
orðið endurnýjun en hún felst öll
í gjöfum frá fyrirtækjum og um-
boðsaðilum. Þessar gjafir höfum
við kennararnir útvegað, beinlínis
beðið um að fá að gjöf. Við höfum
sem sagt betlað fyrir skólann og
nemendur. Það er ekki hægt að
byggja upp nám til framtíðar með
þessum aðferðum.
Ég hef beðið um að keyptir verði
nýir vélahermar og sitthvað fleira
en fjárveiting til þess hefur aldrei
fengist. Skólunum er sniðinn
þröngur stakkur og þeir þurfa auð-
vitað að forgangsraða. En forsenda
þess að skólastjórnendur geri
verknáminu nægilega hátt undir
höfði er að þeir séu sjálfir með sinn
grunn úr verkmenntun og skilji
mikilvægi hennar fyrir íslenskt
samfélag.“
Upplýsa þarf um
fjölbreytileika námsins
Hjálmar telur brýnt að auka
markvissa kynningu á verknámi
og hann er með ákveðnar hug-
myndir um hvernig best verði
staðið að þeirri kynningu. „Fyrst
og fremst á að fá fólk með 15
til 20 ára fagtengda reynslu til
þess að fara í grunnskólana og
kynna kosti iðn- og tæknináms
fyrir elstu nemendum skólanna.
Einungis þeir sem búa að fagþekk-
ingu geta upplýst nemendurna
um fjölbreytileika námsins, mögu-
leikana sem það gefur og launa-
kjörin sem oft geta verið ansi góð.
Mér finnst líka að þeir sem taka
að sér þessa kynningu gefi sér
tíma í skólunum og verði þar til
viðtals bæði við áhugasama nem-
endur og forráðamenn þeirra.“
Þessa hugmynd sína hefur
Hjálmar rætt við áhrifafólk hjá
Samtökum atvinnulífsins, Sam-
tökum iðnaðarins og mennta-
málaráðuneytinu. „Hugmyndirnar
hafa fengið hljómgrunn og það er
mikilvægt að hrinda þeim í fram-
kvæmd sem fyrst því við erum
þegar orðin aftarlega á merinni
hvað iðn- og tækninám varðar.
Við verðum að breytar
hugarfarinu hjá þjóðinni og hefja
iðnnám til vegs og virðingar enda
getur samfélagið ekki verið án
þess,“ segir Hjálmar Þ. Baldurs-
son.
Því hefur oft verið haldið fram að ekki sé talað um mikilvægi
verknáms fyrir íslenskt samfélag nema á tyllidögum
og þá af fólki sem hefur yfirleitt ekki stundað verknám.
Hjálmar Þ. Baldursson, kennari í málm- og véltæknideild
Borgarholtsskóla, er þeirrar skoðunar og bætir við að oft sé
um að ræða orðin tóm.
Efla þarf iðnnám í landinu