Morgunblaðið - 12.05.2020, Qupperneq 2

2 FRÉTTIRInnlent
MORGUNBLAÐIÐ ÞRIÐJUDAGUR 12. MAÍ 2020
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Flugmenn og flugvirkjar spyrjast
nú í talsverðum mæli fyrir um iðn-
greinar í Tækniskólanum – skóla
atvinnulífsins. Sem kunnugt er var
þorra fólks í þessum störfum hjá
Icelandair sagt upp störfum á dög-
unum og mikill samdráttur er í
fluginu nú.
„Þegar aðstæður breytast er eðli-
legt að fólk rói á ný mið og leiti
nýrra tækifæra,“ segir Hildur
Ingvarsdóttir, skólameistari Tækni-
skólans. „Í dag fer fólk á öllum
aldri í nám, margir gjarnan sam-
hliða vinnu og sækja þá oft í kvöld-
nám. Það sem er eftirtektarvert
núna er áhugi fólks úr fluginu sem
spyr meðal annars um nám í raf-
virkjun, pípulögnum og húsasmíði.
Þá hafa einhverjir kynnt sér nám í
skipstjórn, en gjarnan er þetta fólk
milli þrítugs og fertugs. Já, þetta
er nokkur fjöldi fyrirspurna og svo
er bara að sjá hvað skilar sér áður
en umsóknarfrestur rennur út í lok
maí.“
Leiðsöguskólinn er starfræktur á
vegum Menntaskólans í Kópavogi
og umsóknarfrestur um nám þar
næsta vetur er til 15. júní. „Við
auðvitað vitum ekkert um aðsókn-
ina næsta vetur en mér þykir lík-
legt að hún verði annaðhvort sára-
lítil eða að allt fyllist,“ segir
Guðríður Eldey Arnardóttir, skóla-
meistari MK. „Núna erum við á
vordögum að brautskrá 39 nem-
endur úr leiðsögunámi en gætum
tekið á móti helmingi fleiri. Í raun
væri snjall leikur fyrir fólk að
skella sér í leiðsöguskólann núna
meðan allt er stopp og vera svo
tilbúið þegar fjörið byrjar og ferða-
mennirnir mæta aftur næsta vor.“
sbs@mbl.is
Áhugasamir um iðnnám
 Flugmenn leita á nýjar slóðir  Spyrja um rafvirkjun,
smíði og pípulagnir  Leiðsöguskólinn er snjall leikur
Hildur
Ingvarsdóttir
Guðríður
Arnardóttir
Tvö stéttarfélög framlínustarfsfólks,
Landssamband lögreglumanna (LL)
og Félag íslenskra hjúkrunarfræð-
inga (Fíh), hafa átt í óformlegum
samræðum við samninganefnd ríkis-
ins síðustu daga vegna kjarasamn-
inga.
Fundur Fíh og nefndarinnar fer
fram á miðvikudag og fundur LL og
nefndarinnar á fimmtudag.
Snorri Magnússon, formaður LL,
segir að samninganefnd ríkisins hafi
ekki tekið vel í kröfu félagsins um
launaleiðréttingu, en ætlunin með
henni er að „útkljá atriði sem ná yfir
ansi mörg ár,“ að sögn Snorra. Hann
segir að það yrði afar erfitt að leggja
samning fyrir lögreglumenn sem
ekki fæli í sér þessa leiðréttingu.
Hjúkrunarfræðingar felldu kjara-
samning sem þeim var boðinn fyrir
skemmstu. Guðbjörg Pálsdóttir, for-
maður Fíh, segir að nú hafi félagið
leitað eftir upplýsingum um það
hvað félagsmenn vilji sjá að sé gert
með öðrum hætti í samningnum.
„Við teljum okkur núna vera kom-
in með mjög greinargóða mynd af
því til að geta haldið glaðbeitt
áfram,“ segir Guðbjörg.
Bæði lögreglumenn og hjúkrunar-
fræðingar hafa verið samningslausir
í rúmt ár og segja Guðbjörg og
Snorri að félagsmenn sínir séu orðn-
ir þreyttir á samningsleysinu. ragn-
hildur@mbl.is
Framlínan
ræðir kjör-
in áfram
 Félagsmenn
þreyttir á ástandinu
Áhöfnin á Bárði SH-81 kom til Ólafsvíkur í gær
með um 20 tonn, en lokadagur vetrarvertíðar
samkvæmt gömlu viðmiði var í gær, 11. maí. Þar
með er afli Bárðar á vetrarvertíðinni frá áramót-
um orðinn 2.311 tonn af óslægðum afla upp úr
sjó og er líklegt að um Íslandsmet sé að ræða hjá
netabáti.
„Stanslaus fiskgengd, stöðugir stormar og
hörkumannskapur,“ segir Pétur Pétursson, út-
gerðarmaður og skipstjóri, þegar hann er spurð-
ur hvað hafi einkennt vertíðina. Aflinn í mars-
mánuði var einstakur, alls 1.091 tonn. Bárður
SH-81 kom nýr til landsins frá Danmörku í lok
síðasta árs og er 23,6 metra plastbátur. Pétur
eldri rær ýmist á nýja Bárði eða eldri báti með
sama nafni, en sonur hans og nafni rær þá á nýja
skipinu.
Samkvæmt upplýsingum sem skipverjar á
Bárði höfðu aflað var mesti afli netabáts á vetr-
arvertíð til þessa 1.917 tonn hjá Þórunni Sveins-
dóttur VE árið 1989.
Á myndinni eru, frá vinstri, Pétur Pétursson
yngri, Eiríkur Gautsson, Guðjón Arnarson,
Sveinbjörn Benediktsson, Pétur Pétursson eldri,
Jóhann Eiríksson, Helgi Bjarnason, Sæbjörn
Ágústson, Kristján Helgason og Höskuldur
Árnason. aij@mbl.is
Stormar og stöðug fiskgengd í allan vetur
Morgunblaðið/Alfons Finnsson
Aflamet á vetrarvertíð hjá Pétri og félögum á Bárði SH-81
Aron Þórður Albertsson
aronthordur@mbl.is
Horft verður til þess að ná fram 30-
40% betri nýtingu á flugáhöfnum
Icelandair í nýjum kjarasamning-
um. Þetta herma heimildir Morg-
unblaðsins innan úr flugfélaginu.
Ekki verður endilega farið fram á
launalækkanir heldur verður samn-
ingurinn skoðaður heildstætt. Verð-
ur áhersla lögð á að ná eininga-
kostnaði fyrirtækisins niður til að
gera fyrirtækið betur samkeppnis-
hæft á alþjóðavísu.
Eru framangreindar tölur aðeins
innan þeirra launalækkana sem ráð-
gjafi eins af stóru hluthöfum fyrir-
tækisins hefur sagt nauðsynlegar.
Hefur hann jafnframt sagt að með
30-40% betri nýtingu sé einfaldlega
ekki gengið nógu langt. Meira þurfi
til ætli félagið sér að vera í stakk
búið til að mæta samkeppni er-
lendra lággjaldaflugfélaga.
Flugfreyjurnar of dýrar
Eins og fram kom í Morgun-
blaðinu í gær var haft eftir áður-
nefndum ráðgjafa að launalækkun á
bilinu 50-60% væri nauðsynleg til að
gera Icelandair samkeppnishæft til
næstu ára. Hefur sami ráðgjafi lýst
yfir áhyggjum af nýgerðum kjara-
samningi Icelandair við flugvirkja.
Samkvæmt heimildum Morgun-
blaðsins innan úr flugfélaginu hafa
forsvarsmenn þess ekki farið fram á
50-60% launalækkun í samningavið-
ræðum við flugmenn og flugfreyjur.
Þess í stað hefur fremur verið ein-
blínt á aukna nýtingu, sem jafn-
framt á að skila sér í lægri ein-
ingakostnaði.
Mestu máli er talið skipta að ná
betri nýtingu á flugfreyjur félags-
ins, sem eru umtalsvert dýrari hlut-
fallslega en stöllur þeirra erlendis.
Verða allar hliðar teningsins skoð-
aðar í því samhengi. Þá verður
kannað hvaða takmarkandi ákvæð-
um í samningum flugáhafnanna er
hægt að breyta og endurskoða.
Staðsetningin breytist ekki
Að því er heimildir blaðsins
herma stefna forsvarsmenn Ice-
landair enn að því að safna fjár-
magni með hlutafjárútboði. Hafa
forsvarsmenn hluthafa viðrað þá
hugmynd að útgáfa breytanlegra
skuldabréfa kunni að vera skynsam-
legri leið. Sem stendur er þó áfram
stefnt að hlutafjárútboði þótt ekki
sé útilokað að það kunni að breytast
í ferlinu.
Í áætlunum Icelandair er ekki
gert ráð fyrir að staðsetning þess á
markaði breytist. Flugfélagið muni
þannig ekki horfa til þess að skil-
greina sig sem lággjaldaflugfélag.
Þess í stað verði rekstrarmódel þess
óbreytt auk þess sem áfram verði
lögð áhersla á farþegaflutninga milli
Evrópu og Bandaríkjanna.
Vilja betri nýtingu flugáhafna
 Einingakostnaður Icelandair þarf að lækka  Verður ekki lággjaldaflugfélag  Útboð enn á dagskrá