Skessuhorn - 09.08.2020, Blaðsíða 15

MIÐVIKUDAGUR 9. SEptEMBER 2020 15
Nú við upphaf skólaársins má segja
að blásið hafi verið til sveppahátíð-
ar í Laugargerðisskóla. Veðrið hef-
ur almennt verið gott eftir að skóli
var settur í Laugargerði undir lok
ágúst og því verið nýtt til útivist-
ar og sveppaferða. „Við erum búin
að vera mikið að sveppast, fórum í
eina stóra ferð og svo hafa krakk-
arnir verið áhugasamir og nánast
allir hafa farið eitthvað eftir svepp-
um á eigin vegum, með foreldrum
sínum eða ættingjum, þeim finnst
þetta alveg svakalega skemmtilegt,“
segir Ingveldur Eiríksdóttir, skóla-
stjóri Laugargerðisskóla og bæt-
ir því við að hún hafi ekki endilega
átt von á því að krökkunum fyndist
þetta jafn gaman og raun ber vitni.
„Oft finnst börnum sveppir ekki
góðir á bragðið en þau hafa miklu
meira gaman af þeim ef þau fá að
tína þá sjálf,“ segir hún.
Allir búnir að
læra mikið
Það eru þau Asta, Regina og Lukas
sem hafa frætt starfsfólk og nem-
endur skólans um gæði sveppanna,
hvaða tegundir séu ljúffengar á
bragðið og hvernig skuli forð-
ast þær tegundir sem eru eitraðar.
„Þau eru Litháar sem búa hérna
og vinna. Við fengum þau til að
fræða okkur, því við höfðum séð
að þau voru alltaf að tína sveppi til
að matreiða, sem við höfðum ekki
hugmynd um að væri hægt hér um
slóðir, en þau þekkja vel til frá sínu
heimalandi. Við höfðum sem betur
fer vit á því að fá þau til að fræða
okkur um sveppina eftir að skól-
inn byrjaði aftur,“ segir Ingveldur.
„Núna höfum við matreitt pott-
rétti úr sveppum og fáum sveppa-
súpur í skólanum og margt fleira,
við erum búin að smakka ótrúleg-
ustu svepparétti sem okkur hefði
aldrei dottið í hug að væru til,“
bætir hún við.
Á föstudag var til að mynda far-
ið í „sveppamó“ og tíndar kant-
arellur, kóngasveppir og kúalubbi,
sem sumum fannst heldur ómerki-
legt nafn á góðum matsvepp. Hafa
krakkarnir nú lært handtökin við
að þrífa sveppina og undirbúa til
matargerðar, ásamt því auðvitað að
þekkja þessar þrjár tegundir mat-
sveppa. „Við erum öll búin að læra
alveg ótrúlega mikið um eitthvað
sem við höfðum ekki einu sinni
hugsað út í að væri hérna ætilegt
úti um allar koppagrundir hjá okk-
ur,“ segir Ingveldur ánægð.
Þriggja kílóa sveppur
Ingveldur segir að svo virðist sem
undanfarið sumar hafi verið mjög
gott sveppasumar. Þannig fannst til
að mynda einn kúalubbi skammt
frá Eldborg um daginn, sem vó
hvorki meira né minna en þrjú
kílógrömm. Það verður að teljast
stór sveppur. „Þau [Asta, Regina
og Lukas; innsk. blms.] hafa ekki
séð svona stóra kúalubba áður, eins
og hafa verið að finnast hérna hjá
okkur núna, og þessi þriggja kílóa
sveppur er alveg stórmerkilegur,“
segir Ingveldur að endingu.
kgk/ Ljósm. Laugargerðisskóli.
Ólympíuhlaup ÍSÍ fór fram þriðju-
daginn 8. september í ágætis veðri
í Grundarfirði. Starfsmenn ÍSÍ
komu færandi hendi með gjafir fyr-
ir skólann. Þar mátti finna ýmis-
legt dót sem hvetur til hreyfingar.
Lukkudýrið Blossi sá um upphitun
fyrir krakkana áður en fulltrúar ÍSÍ
ræstu nemendur út. Boðið var upp
á fimm og tíu kílómetra hlaupaleið-
ir fyrir iðkendur í þessu hressandi
hlaupi. tfk
tökur á þáttaröðinni Vitjanir, sem
fyrirtækið Glassriver framleiðir,
eru að hefjast og munu að miklu
leyti fara fram í Grundarfirði á
næstu mánuðum. Íbúar í Grund-
arfirði mega því búast við að sjá
kvikmyndagerðarfólk að störfum
enda er þetta nokkuð umfangsmik-
il þáttagerð. Vitjanir, eða Fractures,
eru dramaþættir í leikstjórn Evu
Sigurðardóttur. Gerast þeir í litlu
sjávarþorpi og því var Grundar-
fjörður valinn sem staðsetning fyrir
sviðsmyndina.
Þættirnir eru unnir í samvinnu
við Ríkisútvarpið, Askja Films og
Lunanime BV og verða þeir sýndir
á RÚV þegar þar að kemur. Áætl-
að er að tökur hefjist um miðjan
september. Með aðalhlutverk fara
þau Sara Dögg Ásgeirsdóttir, Edda
Björgvinsdóttir, Katla Njálsdóttir
og Jóhann G Jóhannsson.
tfk
Samtök íslenskra handvergsbrugg-
húsa skora á dómsmálaráðherra að
leggja frumvarp sitt um netverslun
með áfengi fram á nýjan leik og að
tryggja íslenskum handverksbrugg-
húsum rétt til að selja gestum sín-
um vörur á staðnum. Fulltrúar sam-
takanna afhentu Áslaugu Örnu Sig-
urbjörnsdóttur áskorunina í gær,
þriðjudaginn 8. september.
Í tilkynningu frá samtökunum
segir að frumvarp um íslenska net-
verslun með áfengi og heimild smá-
brugghúsa til beinnar sölu gæti var-
ið afkömu frumkvöðlafyrirtækja og
fjölda starfa um allt land. „Íslensk
handverksbrugghús eru nú á þriðja
tug talsins. Þau tryggja um 200
manns störf í sinni heimabyggð og
skila tugum milljóna í skatttekjur á
ári,“ segir Sigurður p. Snorrason,
formaður samtakanna og bætir því
við að brugghúsin framleiði vand-
aðar og eftirsóttar vörur og dragi til
sín fjölda gesta á ári hverju, bæði ís-
lenskra sem erlendra. „Þannig eru
brugghúsin oft mikil lyftistöng fyr-
ir lítil samfélög í nærumhverfi sínu,
sem mörg teljast til brothættra
byggða,“ segir hann.
Hann segir enn fremur að Co-
vid-19 faraldurinn og hrun ferða-
þjónustunnar sem fylgdi í kjölfarið
hafi haft veruleg áhrif á starfsemi
lítilla brugghúsa. Gestafjöldi hafi
dregist verulega saman og brugg-
húsin hafi aðeins getað keppt um
takmarkað hillupláss í áfengisversl-
un ríkisins, til að selja vörur sínar.
„Með heimild til sölu í netverslun
og á framleiðslustað fengist varan
nær framleiðslunni með verulega
minnkuðu fótspori og á hagkvæm-
an hátt, með tilheyrandi jákvæðum
áhrifum fyrir neytendur, umhverf-
ið og afkomu brugghúsanna,“ seg-
ir Sigurður, sem telur að núverandi
kerfi stuðli að óeðlilegri mismunun,
enda geti erlendir aðilar óhindrað
selt íslenskum neytendum áfengi í
netverslunum. „Ef íslenskir fram-
leiðendur vilja gera slíkt hið sama
þurfa þeir að flytja vörur sínar til
útlanda, til þess eins að þær verði
fluttar heim aftur af erlendi net-
verslunm eð tilheyrandi kolefnis-
spori,“ segir hann.
Sigurður segir að mál þetta sam-
eini byggða- og forvarnastefnu.
Samhliða styrkingu atvinnulífs í
brothættum byggðum, þar sem
sum brugghúsin eru starfrækt,
mætti lögfesta aukið aldurseftir-
lit og tryggja áframhaldandi skatt-
tekjur sem nýst gætu í forvarnar- og
æskulýðsstarf. „Í síðasta frumvarpi
ráðherra var gert ráð fyrir leyfis-
sviptingu og refsiábyrgð vegna
ófullnægjandi aldurseftirlits. Við
fögnum slíkum kröfum og bendum
á að engin slík ákvæði gilda um er-
lendar netverslanir,“ segir Sigurð-
ur, sem ítrekar að leggja þurfi áfram
áherslu á forvarnir og lýðheilsu.
„Slíku opinberu starfi má auðvi-
tað sinna enn betur ef tekjur af sölu
áfengis renna í auknum mæli í vasa
íslenskra skattgreiðenda, frekar en
erlendra fyrirtækja. tillagan er því
bæði í senn innblásin af hag frum-
kvöðlafyrirtækja og starfsmanna
þeirra, en ekki síður sjónarmiðum
byggðastefnu og aukna áherslu á
forvarnir og aldurseftirlit,“ segir
hann og bætir því við að bein sala
í brugghúsunum sjálfum muni á
engan hátt auka aðgengi ungs fólks
að áfengi. „Vörurnar yrðu einungis
seldar á stöðum þar sem fólk á lög-
legum áfengiskaupaaldri má koma
saman, rétt eins og gildir á vín-
veitnigastöðum,“ segir Sigurður p.
Snorrason.
kgk
Vilja netverslun með áfengi
aftur á dagskrá
Fulltrúar Samtaka íslenskra handverksbrugghúsa, þau Sigður P. Snorrason (t.v.)
og Laufey Sif Lárusdóttir (t.h.), afhentu Áslaugu Örnu Sigurbjörnsdóttur dóms-
málaráðherra áskorunina í gær.
Tökur á Vitjunum að
hefjast í Grundarfirði
Ólympíuhlaup ÍSÍ hlaupið
í Grundarfirði
Í sveppamó í Laugargerðisskóla
Margir sveppirnir eru mjög stórir, enda
virðsit liðið sumar hafa verið gott
sveppasumar.
Myndarlegir matsveppir sem nemendur og starfsfólk Laugargerðisskóla hafa sótt
í nágrenni skólans.
Þessi kúalubbi sem fannst skammt
frá Eldborg var heldur betur af stærri
gerðinni og vó hvorki meira né minna
en þrjú kílógrömm!