Skessuhorn - 02.12.2020, Síða 4

MIÐVIKUDAGUR 2. DESEMBER 20204
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.590 krónur með vsk. á mánuði. Elli- og örorkulífeyrisþegar greiða
kr. 3.100. Rafræn áskrift kostar 2.815 kr. Rafræn áskrift til elli- og örorkulífeyrisþega er 2.595 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Anna Rósa Guðmundsdóttir arg@skessuhorn.is
Gunnhildur Lind Hansdóttir glh@skessuhorn.is
Finnbogi Rafn Guðmundsson frg@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Teljum niður
Þegar þetta er skrifað eru nákvæmlega níu mánuðir síðan kórónaveiran
stakk sér niður hér á landi. Sami tími og meðal meðganga. Engu að síð-
ur finnst mér þetta hafa verið lengri tími. Finnst varla stemma að ekki sé
lengra síðan enda hefur þetta á á allan hátt verið öðruvísi ár en önnur sem
ég hef upplifað. Auðvitað er engin tvö ár eins, en mörg eru svipuð einkum
þegar árunum fjölgar og fennir yfir minningarnar. Á þessu ári hefur ekki
einvörðungu íslenska þjóðin, heldur nánast allar þjóðir orðið að takast á
við breytta heimsmynd. Veiru skrattinn og viðbrögð við henni hafa fært
allt hefðbundið líf úr skorðum. Við þurfum að gæta hvernig við högum
samskiptum okkar við aðra, virða sóttvarnareglur og að skapa aðstæður þar
sem við komum okkur sjálfum eða öðrum í hættu. Ýmist meðvitað eða al-
gjörlega óvart. Nú berum við grímur í búðum og þar sem við mætum öðru
fólki, sprittum og höldum fjarlægð. En þrátt fyrir þetta koma sífellt upp ný
smit í samfélaginu, í gær voru þau átján. Flest koma þau upp óvænt og jafn-
vel ekki vitað hvaðan veiran kom. Snerting á málmhlut í verslun getur verið
nóg, dæling á bensíni án hanska er nóg.
Ég hef í gegnum þetta tímabil reynt að ávinna mér þolinmæði gagnvart
aðstæðum enda veit ég að hver og einn getur fátt gert, annað en að reyna að
haga sér samkvæmt reglum. Ég treysti stjórnvöldum og ekki síst því starfs-
fólki sem er í forsvari fyrir aðgerðir og leiðbeiningar til almennings. Ég ber
mikið traust til þríeykisins og finnst við sem þjóð hafa verið óendanlega
heppin að einmitt þetta fólk var í einmitt þessum störfum þegar þessi veira
þurfti að fara á flug. Að sama skapi ber ég takmarkað traust til þess fólks
sem lætur í sér heyra og vill gagnrýna aðgerðir forystu þjóðarinnar í sótt-
vörnum. Á sjónarsviðið kemur af og til fólk sem þykist vita betur en þeir
sem raunverulega vita betur. Eru tilbúnir að halda því fram að það sé meiri
skaði sem sóttvarnaaðgerðir valda, en ávinningurinn af þeim. Þetta efa-
semdarfólk er hins vegar að dreifa efasemdum. Einhverjir taka þessa orð-
ræðu upp og vantraustið eykst. Við það skapast ekki einvörðungu vanlíðan
í huga þeirra sem eru trúgjarnir, heldur bókstaflega eykst hættan á því að
fólk hætti að virða sóttvarnareglur.
Sá sem einarðast hefur leiðbeint okkur um hegðun á kóvidári er Víðir
Reynisson yfirlögregluþjónn hjá almannavarnadeild Ríkislögreglustjóra.
Hann hefur staðið sig vel í því verkefni. Svo leiðinlega vildi til að hann
sjálfur smitaðist af veirunni í síðustu viku. Slíkt getur í rauninni hent hvern
sem er, sem ekki er nánast lokaður inni í búbblu. Það að Víðir skyldi veikj-
ast reyndist vatn á myllu efasemdarfólksins sem ég nefndi hér að framan.
Afskaplega ómakleg og óspennandi orðræða varð um þennan góða mann,
þar sem fólk upphóf hróp og köll á vefmiðlum um að það risti nú ekki djúpt
sá boðskapur sem hann hefði flutt.
Við skulum átta okkur á því að hver sem er getur smitast af Covid-19.
Það þarf ekki nema eitt óhapp til að veiran nái milli fólks. En í guðanna
bænum! Hvort sem það er Víðir Reynisson eða hver sem; hvaða starfi sem
viðkomandi gegnir, hvar í þjóðfélagsstiganum; ekki gagnrýna viðkomandi,
engar nornaveiðar takk. Það er enginn sem ætlar sér að smitast af þessari
veiru.
Það gleðilega í stöðu okkar núna er sú staðreynd að erlend lyfjafyrirtæki
hafa á undraskömmum tíma þróað og prófað ný bóluefni sem almennt lofa
mjög góðu um varnir. Búið er að gefa út reglur um forgangsröðun í bólu-
setningu og þess verður ekki langt að bíða að efnin komi hingað til lands.
Þess vegna skulum við telja niður og sjá fram á bjartari tíma. Líklega í janú-
ar eða febrúar á nýju ári verður bólusetning hafin af krafti. Það er sko miklu
styttri tími þangað til en ein meðganga. Langflestir hafa komist klakklaust í
gegnum þennan tíma og langflest getum við lokið þessum tíma sem eftir er
þangað til veiran hverfur, þökk sé vísindunum og okkur sjálfum.
Magnús Magnússon.
Dómsmálaráðherra sendi á föstu-
daginn frá sér yfirlýsingu vegna
frumvarps sem lagt var fram á Al-
þingi sama dag og samþykkt síðar
um kvöldið. Batt það enda á verk-
fall flugvirkja hjá Landhelgisgæslu
Íslands sem þá hafði staðið í tvo
daga. Þar með var styttur sá tími
sem landsmenn voru án starfshæfr-
ar björgunarþyrlu, en ein þyrla varð
með þessu útkallshæf á sunnudags-
kvöldið.
Í yfirlýsingu frá Áslaugu Örnu
Sigurbjörndóttur dómsmálaráð-
herra vegna málsins kom fram að
gerðardómi verði falið að ákveða
kaup og kjör flugvirkja hjá Land-
helgisgæslunni hafi samningar ekki
tekist fyrir 4. janúar næstkomandi.
Þá er gerðardómi ætlað að taka
til meðferðar útfærslu á tengingu
kjarasamnings flugvirkja við aðr-
ar sambærilegar starfsstéttir á al-
mennum vinnumarkaði. Í yfirlýs-
ingunni segir að verkfall flugvirkja
hjá Gæslunni hafi stefnt heilbrigð-
is- og öryggisþjónustu fyrir al-
menning í mikla tvísýnu. „Staðan
er óviðunandi og ég tel ekki rétt
að ein stétt hjá Landhelgisgæsl-
unni geti haft þessi gífurlegu áhrif
á öryggismál þjóðarinnar, einkum
og sér í lagi þegar haft er í huga að
öðrum mikilvægum starfsmönnum
stofnunarinnar er óheimilt að fara
í verkfall með vísan til almanna-
hagsmuna,“ sagði í færslu ráðherra
vegna málsins. Þessari skoðun ráð-
herrans var meirihluti þingmanna
samþykkur og greiddu því atkvæði
með lagasetningunni.
mm
Inga Sæland, formaður Flokks
fólksins, hefur lagt fram frumvarp
á Alþingi um breytingar á búvöru-
lögum. Þar er lagt til að á árunum
2021-2024 verði vikið frá ákvæð-
um gildandi búvörusamninga og
að ríkissjóður muni á þessum árum
greiða niður allan kostnað við
flutning og dreifingu raforku vegna
framleiðslu garðyrkjuafurða. Jafn-
framt skuli ríkisjóður greiða helm-
ing kostnaðar vegna uppbyggingu
á dreifikerfi raforku til garðyrkju-
býla, gróðrastöðva og garðyrkju-
stöðva á tímabilinu.
„Markmiðið með frumvarpinu
er að ráðast í stórsókn í framleiðslu
garðyrkjuafurða. Verði þetta frum-
varp að lögum skapast kjöraðstæður
fyrir garðyrkjubændur á Íslandi til
að efla starfsemi sína og auka fram-
leiðslu. Því er viðbúið að innlend
framleiðsla á garðyrkjuafurðum
aukist til muna og að fjöldi star-
fa muni skapast í greininni.
Að auki mun aukin framleiðsla
garðyrkjuafurða hafa jákvæð áhrif í
öðrum greinum atvinnulífsins, svo
sem byggingariðnaði. Þá er mikið
framleitt af garðyrkjuafurðum á
þeim svæðum landsins sem hvað
mest finna fyrir samdrætti í fer-
ðaþjónustu og því myndi stórsókn í
þeirri framleiðslu sporna við auknu
atvinnuleysi á þeim svæðum,“ segir
í greinargerð með frumvarpi þing-
konunnar.
mm
Þjóðskrá Íslands tekur mánaðar-
lega saman upplýsingar um veltu á
fasteignamarkaði eftir landshlutum
samkvæmt þinglýstum gögnum.
Fjöldi þinglýstra fasteignakaupa-
samninga í október á Vesturlandi
var 52 og velta í þeim viðskiptum
alls 1.854 milljónir króna. Það ger-
ir meðalverð í hverjum viðskiptum
upp á 35,6 milljónir. Í þessum við-
skiptum skiptu 20 sérbýli um eig-
endur, 20 viðskipti voru með íbúðir
í fjölbýli, þrjár sölur á atvinnuhús-
næði, fimm sumarhús voru seld og
loks eru fern viðskipti undir flokkn-
um „annað.“ Á landsvísu voru 1.297
viðskipti í mánuðinum og veltan 63
milljarðar króna. Meðalverð var því
48,6 milljónir. Þegar október 2020
er borinn saman við september
2020 fækkar kaupsamningum um
16,4% á landsvísu og velta lækkar
um 16,9%. Á höfuðborgarsvæðinu
fækkaði samningum með íbúðar-
húsnæði um 14,5% á milli mánaða
og velta lækkaði um 16,9%.
mm
Alþingi samþykkti lög á
verkfall flugvirkja
Leggur til að ríkið niðurgreiði flutning
og dreifingu raforku til garðyrkjunnar
Viðskipti með húsnæði á
Vesturlandi í október